រយៈពេលប៉ុន្មានដែលយើងគួរបោកខោអាវខូវប៊យ ?
បោកគក់, អនាម័យរបស់ប្រើប្រាស់តាំងពីទូរស័ព្ទដៃ, សម្លៀកបំពាក់ដល់កម្រាលពូក, ខ្នើយ ជាផ្នែកចាំបាច់១ក្នុងជីវិតរបស់យើង ។ ប៉ុន្តែ រយៈពេលប៉ុន្មានដែលយើងគួរធ្វើរឿងនេះម្តង ? ខាងក្រោមនេះ ជាសំណូមពររបស់អ្នកមេរោគវិទ្យា, ជំនាញការច្នៃខោអាវទ្រនាប់ និងសម្លៀកបំពាក់អមពីរបៀបអនាម័យសមស្របបំផុត សម្រាប់របស់របរនីមួយៗ ។
. ទូរស័ព្ទៈ អនាម័យរាល់ថ្ងៃ
តាមការស្រាវជ្រាវ ជាមធ្យមយើងប៉ះទូរស័ព្ទចល័តរបស់ខ្លួនដល់ ១៥០ ដង ក្នុង១ថ្ងៃ ។ ពួកអ្នកវិទ្យាសាស្ត្រអាមេរិក ក៏រកឃើញ ៧០០០ ប្រភេទបាក់តេរីផ្សេងៗគ្នា ច្បាមស្អិតលើទូរស័ព្ទ ។ ទោះបីសឹងតែទាំងអស់នៃពួកបាក់តេរីនេះគ្មានគ្រោះថ្នាក់, តែមួយចំនួនក្នុងចំណោមនេះគ្រោះថ្នាក់បំផុត ។
Laura Bowater អ្នកមេរោគវិទ្យានៅសកលវិទ្យាល័យ East Anglia (អង់គ្លេស) ឲ្យដឹងថាៈ “ពេលអ្នកប្រើបទូរស័ព្ទចល័ត, វាក្តៅឡើង និងបង្កលក្ខណៈល្អប្រសើរឲ្យបាក់តេរីកកើតរីកចម្រើន ។ ពពួកបាក់តេរី enterococcus (មានក្នុងលាមក) និងpseudomonas (ច្រើនរស់នៅផ្ញើខ្លួនលើសត្វ និងដី) ត្រូវបានរកឃើញច្បាមស្អិតលើទូរស័ព្ទ ។ ចូរជូតសំអាតទូរស័ព្ទរបស់អ្នករាល់ថ្ងៃ ដោយកន្សែងសម្លាប់បាតក់តេរី ឬ ជាប្រចាំកាន់តែល្អ” ។
. កម្រាលពូកៈ ម្តងក្នុង១សប្តាហ៍
យើងរបកកោសិកាស្បែករាប់លានក្នុង១ថ្ងៃ ហើយភាគច្រើនក្នុងជាមធ្យមប្រមាណ១លីត្រ ក្នុង១យប់ ។ របស់ទាំង២មុខនេះ សុទ្ធតែជាចំណីដ៏ឆ្ងាញ់ចិញ្ចឹមសត្វស្រមើលផ្ទះ ។ សត្វដ៏តូចល្អិតនេះ ទោះបីគ្មានគ្រោះថ្នាក់ តែវាបង្កើតលាមកផ្ទុកសារជាតិបង្កអាលែកហ្ស៊ី, អាចធ្វើឲ្យយើងរមាស់ភ្នែក, រលាកច្រមុះ និងហឺត ។
អ្នកមេរោគវិទ្យា Laura Bowater ផ្តល់ដំបូន្មានថា ល្អបំផុត យើងគួរបោកស្រោមពូក១សប្តាហ៍ម្តង ជាមួយនឹងទឹកក្តៅ ៦០ អង្សាសេ ដើម្បីកំទេចបាក់តេរី ។ “ហាលស្រោមពូក, ស្រោមខ្នើយក្រោមកម្តៅថ្ងៃផ្ទាល់ ប្រសិនអាច ព្រោះកាំរស្មីអ៊ុលត្រាវីយូឡេអាចសម្លាប់អតិសុខប្រាណយ៉ាងប្រសិទ្ធភាព ។ ប្រើឆ្នាំងអ៊ុតអ៊ុតស្រោមខ្នើយនៅកម្តៅ ២០០ អង្សាសេ សម្រាប់ក្រណាត់កូតុង ដើម្បីកម្ចាត់បាក់តេរីនៅសល់”, អ្នកស្រី Bowater និយាយបន្ថែម ។
. ខ្នើយៈ ៣ ខែ បោកម្តង
ខាងក្នុងខ្នើយរបស់អ្នក ដូចជាពពុះសមុទ្រ១បន្ទះ, ជ្រាបស្រូបញើស និងក្លាយជាកន្លែងកកើតរីកចម្រើនដ៏ល្អប្រសើរ សម្រាប់បាក់តេរី និងស្រមើលផ្ទះ ។ ពួកវេជ្ជបណ្ឌិតរកឃើញថា ដល់ទៅ ១/៣ នៃទម្ងន់របស់ខ្នើយ គឺជាស្បែកងាប់, មេរោគ, សត្វស្រមើល និងលាមករបស់វា ។ ក្រៅពីនេះ ខ្នើយ១ពុំទាន់បោកធម្មតាអាចផ្ទុកដល់ទៅ ១៦ ប្រភេទ ផ្សិតផ្សេងៗគ្នា ។
. ខោអាវខូវប៊យៈ បោកក្រោយស្លៀក ៥ ដង
អ្នកច្នៃម៉ូតខូវប៊យ Jean Donna Ida ឲ្យដឹងថា បោកវត្ថុធាតុ denim ក្រោយស្លៀក ៥ ដង ជួយការពារពណ៌ និងសរសៃក្រណាត់ ។ បោកក្រណាត់ខូវប៊យជាប្រចាំជាង នឹងឆាប់ធ្វើឲ្យវាខូច ។ អ្នកអាចប្រើថ្នាំបាញ់កម្ចាត់ក្លិនប្រឆាំងបាក់តេរី ដើម្បីរក្សាឲ្យខោអាវខូវប៊យមានក្លិនស្រស់ថ្មី បន្ទាប់ពីបោកគក់ ។
ដោយសារវត្ថុធាតុ denim មិនត្រូវនឹងកម្តៅក្តៅ, ហេតុនេះល្អបំផុត បោកគក់វាក្នុងទឹកត្រជាក់ អាចជិតដល់ ០ អង្សាសេ, គឺពុំមេន ៣០ អង្សាសេ ។
. អាវទ្រនាប់របស់ស្ត្រី -បោកបន្ទាប់ពីពាក់២ដង
Kelly Dunmore ជំនាញការខោអាវទ្រនាប់របស់ក្រុមហ៊ុន Rigby & Peller អះអាងថាៈ “ស្នាមផ្នត់នៅទ្រូងរបស់អ្នក និងតំបន់ក្រោមដៃជាបរិស្ថានយ៉ាងក្តៅ និងជោគដោយញើស ។ ចូរបោកអាវទ្រនាប់ក្រោយពេលពាក់វា ២-៣ ដង គឺល្អបំផុត” ។
ចូរបោកអាវទ្រនាប់ដោយដៃ មិនត្រូវប្រើម៉ាស៊ីន ។ ក្រោយពេលបោក អ្នកមិនត្រូវច្រចាប់រមួល គឺទុកឲ្យវាស្ងួតដោយធម្មជាតិ ក្នុងសីតុណ្ហភាពបន្ទប់ ដោយសារកម្តៅថ្ងៃ ឬ ម៉ាស៊ីនសម្ងួតអាចធ្វើឲ្យខូចសរសៃក្រណាត់ ។
. កាបូបដៃ -សំអាត១សប្តាហ៍ម្តង
ការស្រាវជ្រាវបានបង្ហាញថា ពពួកបាក់តេរីនៅក្នុងលាមកដូចជា E.Coli ឬ បាក់តេរីលើស្បែក, ដូចជា MRSA អាចត្រូវសាយភាយនៅគ្រប់ទីកន្លែងសាធារណៈ ។ សូម្បីតែពេលអ្នកលាងដៃជាប្រចាំ អ្នកក៏អាចឆ្លងវាឡើងវិញ ។
ការស្រាវជ្រាវបានបង្ហាញថា ពពួកបាក់តេរីនៅក្នុងលាមកដូចជា E.Coli ឬ បាក់តេរីលើស្បែក, ដូចជា MRSA អាចត្រូវសាយភាយនៅគ្រប់ទីកន្លែងសាធារណៈ ។ សូម្បីតែពេលអ្នកលាងដៃជាប្រចាំ អ្នកក៏អាចឆ្លងវាឡើងវិញ ។
“ខ្ញុំនឹងមិនដាក់កាបូបដៃរបស់ខ្លួនលើគ្រែ ឬ លើកន្លែងណាមួយក្នុងផ្ទះបាយ ។ ដោយសារកាបូបដៃត្រូវបាននាំទៅតាមខ្លួនគ្រប់ទីកន្លែង ហេតុនេះអ្នកត្រូវជូតសំអាតវាល្អបំផុត គឺ១សប្តាហ៍ម្តង ជាមួយនឹងកន្សែងប្រឆាំងបាក់តេរី”, អ្នកស្រី Bowater និយាយ ៕
