រងការចាប់បង្ខំឲ្យរៀនហួសហេតុពេក នារីចិនវ័យ១៦ឆ្នាំថតរូបស្រើបស្រាលបង្ហោះលើបណ្តាញសង្គមដើម្បី “សងសឹក”
ថ្មីៗនេះលើវេទិកាយុវ័យ១នៃបណ្តាញសង្គមប្រទេសចិន មានការរំជើបរំជួលពី Album រូបភាព១របស់នារីវ័យក្មេងម្នាក់ ។
នារីវ័យក្មេងរូបនេះ ឲ្យដឹងបន្ថែមទៀតថា នាងជាយុវសិស្សអាយុ ១៦ ឆ្នាំ កំពុងរៀននៅវិទ្យាល័យ១កន្លែង នាខេត្ត ជាងស៊ូ, ចិន ។ នាងបានបញ្ជាក់ច្បាស់ពីគោលបំណងនៃការថតរូបរបស់ខ្លួន គឺបណ្តាលមកពីរៀនរាល់យប់ជាប្រចាំ ហើយខួរក្បាលលេងទទួលបាន ទើបសម្រេចចិត្តថតរូប “រីករាយតែឯង” ដើម្បីរំសាយស្ត្រេស ។ នាងអះអាងថា វាពុំមែនជារូបភាពស្រើបស្រាលទេ តែវាផ្តើមពីការរំដោះសម្ពាធកំពុងទទួល ព្រោះត្រូវចាប់បង្ខំឲ្យរៀនពុំឈប់ឈរ ។
នារីវ័យ ១៦ ឆ្នាំ រូបនេះ នៅបានប្រាប់ពីបំណងបង្ហោះរូបភាពទាំងនេះ គឺដើម្បី “សងសឹក” នឹងឪពុកម្តាយរបស់នាងដែលម្ងៃៗចាប់បង្ខំឲ្យរៀន ពុំអនុញ្ញាតឲ្យដើរលេងលំហែខួរក្បាលឡើយ ។
នារីវ័យ ១៦ ឆ្នាំ រូបនេះ នៅបានប្រាប់ពីបំណងបង្ហោះរូបភាពទាំងនេះ គឺដើម្បី “សងសឹក” នឹងឪពុកម្តាយរបស់នាងដែលម្ងៃៗចាប់បង្ខំឲ្យរៀន ពុំអនុញ្ញាតឲ្យដើរលេងលំហែខួរក្បាលឡើយ ។
គ្រាន់តែផ្តើមភាពរំជើបរំជួលភ្លាមៗ ប៉ូលីសសន្តិសុខអ៊ីនធើរណេតបានលោតចូលធ្វើការស៊ើបអង្កេត ក៏ដូចជាប្លុកចោលនូវរូបភាពទាំងនេះ តាមសំណើររបស់ក្រុមគ្រួសារ ។
ឆ្លើយនឹងប៉ូលិស នារីរូបនេះ បែរជាថា នាងពុំមែនជាអ្នកបង្ហោះទេ ហើយខ្លួនគឺជាជនរងគ្រោះ ។ ប៉ុន្តែ បន្ទាប់ពីពិនិត្យមើល ID ប៉ូលីសឃើញថា រូបភាពទាំងនេះផ្តើមចេញពី ID ផ្ទះរបស់នាង ។
ក្រោយមក ទើបនារីរូបនេះសារភាពថា នាងបាន “ជ្រុលដៃ” បង្ហោះវា ព្រោះតែនឿយណាយជាមួយជីវភាពដឹងតែពីរៀនៗ ហើយរៀនពុំចូល ។ នាងចែករំលែកថា នាងចង់បានដើរលេងកំសាន្តដូចមិត្តភ័ក្តិដទៃ តែឪពុកម្តាយពុំចាប់អារម្មណ៍ និងថែមទាំងបង្ខំឲ្យរៀន ។
នាងចែករំលែកបន្តថាៈ ពួកគាត់ដឹងតែពីជួលគ្រូមកបង្រៀនដល់ផ្ទះ ហើយ១សប្តាហ៍ៗ ពុំមានចន្លោះពេលទំនេរទេ ។ ខ្ញុំពុំអាចដកដង្ហើមបាន សូម្បីតែពេលបរិភោគ ក៏រងការបង្ខំឲ្យរៀនៗៗដែរ ។
បន្ទាប់ពីដឹងរឿងរ៉ាវរបស់កូនស្រី ឪពុកម្តាយរបស់នាងពិតជាតក់ស្លុតមែនទែន ៕
