លោក ហ៊ុន សែន៖ កម្ពុជានៅមានលទ្ធភាពខ្ចីបុលលុយ
ភ្នំពេញៈ លោកនាយករដ្ឋមន្ត្រី ហ៊ុន សែន
ថ្លែងកាលពីថ្ងៃអង្គារថា
កម្ពុជានៅតែមានលទ្ធភាពខ្ចីបុលពីប្រទេសជាដៃគូអភិវឌ្ឍន៍នានា
ដើម្បីយកមកធ្វើការអភិវឌ្ឍប្រទេស។
ការថ្លែងរបស់លោកនាយករដ្ឋមន្ត្រីធ្វើឡើងក្នុងពិធីចែក សញ្ញាបត្រដល់និស្សិតនៅវិទ្យាស្ថានជាតិអប់រំកាលពីម្សិលមិញថា បំណុលកម្ពុជាមិនទាន់មានកម្រិតខ្ពស់ដូចបណ្តាប្រទេសលោកខាងលិចមួយ ចំនួនឡើយ ហើយការណ៍នេះនៅតែផ្តល់លទ្ធភាពឲ្យកម្ពុជាខ្ចីបុលបន្តទៀត។
លោក ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។ ហេង ជីវ័ន
លោកថ្លែងថា៖ «យើងត្រូវទប់សភាពការណ៍កុំឲ្យដូចក្រិក
កម្រិតបំណុល ១៧៥ ភាគរយនៃ GDP [ផលិតក្នុងស្រុកសរុប]។ ឯយើងទើបតែ ២៣
ភាគរយនៃ GDP តែប៉ុណ្ណោះ នៅពេលដែលពិតានសម្រាប់ការខ្ចីគឺ ៤០ ភាគរយ
អ៊ីចឹងត្រូវគ្រប់គ្រងទាំងអស់»។
យោងតាមច្បាប់ថវិកា ឆ្នាំ២០១៤ ដែលរដ្ឋសភាបានអនុម័តឲ្យរដ្ឋាភិបាលមានលទ្ធភាពក្នុងការខ្ចីបុលពី ប្រទេសជាដៃគូដើម្បីបង្គ្រប់ខ្ទង់ចំណាយគឺប្រមាណជាង ៤០០ លានដុល្លារអាមេរិក។ គិតមកត្រឹម ខែកញ្ញា ឆ្នាំទៅ កម្ពុជាជំពាក់បំណុលបរទេស ៥០០០ លានដុល្លារ។
លោកក៏បានធ្វើការដាស់តឿនដល់មន្ត្រីក្រោមឱវាទ បន្តខិតខំកៀរគរចំណូលដើម្បីទប់ស្កាត់ការខ្ចីបុលពីបរទេសនេះផងដែរ។
លោកបានបន្តថា៖ «[យើង] ជំរុញបង្កើនចំណូលក្នុងស្រុក កាត់បន្ថយការពឹងពាក់ពីខាងក្រៅ។ យើងប្រឹងខ្លួនឯង ហើយយើងក៏មិនចង់ស្ថិតនៅក្នុងអន្ទាក់នៃប្រទេសដែលមានចំណូលមធ្យម នោះទេយើងចង់ឲ្យប្រទេសរបស់យើងឈានពីចំណូលមធ្យមកម្រិតទាបទៅកាន់ ប្រទេសដែលមានចំណូលមធ្យមកម្រិតខ្ពស់ និងឈានទៅប្រទេសអភិវឌ្ឍន៍ដូចគេដូចឯងដែរ»។
នៅ ឆ្នាំ២០១៤ ផលិតផលក្នុងស្រុកសរុបសម្រាប់មនុស្សម្នាក់បានកើនឡើងដល់ ១១៣៩ ដុល្លារអាមេរិក ដែលបង្កលក្ខណៈដល់កម្ពុជាអាចចេញផុតពីចំណាត់ថ្នាក់ប្រទេសដែលមាន ចំណូលទាប ទៅជាប្រទេសមានចំណូលមធ្យមកម្រិតទាបក្នុងពេលដ៏ខ្លីខាងមុខនេះ។ នេះបើយោងតាមច្បាប់ថវិកា ឆ្នាំ២០១៤។
ទិន្នន័យពីកិច្ចប្រជុំក្រុមប្រឹក្សាសេដ្ឋកិច្ចនៃទីស្តីការគណៈ រដ្ឋមន្ត្រីកាលពីសប្តាហ៍មុន កម្ពុជាប្រមូលចំណូលថវិកាជាតិសរុប ១០ ៥៣៦,៤ ពាន់លានរៀល (២,៦៣ ពាន់លានដុល្លារ) កាលពី ឆ្នាំ២០១៤ កើនឡើង ២២ ភាគរយធៀបនឹង ឆ្នាំ២០១៣។ កំណើននេះបានធ្វើឲ្យការរួមចំណែកនៃចំណូលថវិកាជាតិសម្រាប់កំណើន សេដ្ឋកិច្ចជាតិច្រើនជាងមុនគឺស្មើនឹង ១៥ ភាគរយនៃ GDP ខណៈកាលពី ឆ្នាំ២០១៣ បានរួមចំណែកក្រោម ១១ ភាគរយប៉ុណ្ណោះ។
លោក សុន ឆ័យ អនុប្រធានគណៈកម្មការសេដ្ឋកិច្ច ហិរញ្ញវត្ថុ ធនាគារ និងសវនកម្មនៃរដ្ឋសភាប្រាប់ ភ្នំពេញ ប៉ុស្តិ៍ កាលពីសប្តាហ៍មុនថា ការកើនឡើងនៃការទទួលបានចំណូលជាតិបង្ហាញពីសញ្ញាវិជ្ជមានខ្លះៗ បន្ទាប់ពីការធ្វើកំណែទម្រង់លើការប្រមូលពន្ធ ប៉ុន្តែលោកអះអាងថា នីតិវិធីនៃការប្រមូលពន្ធនៅមិនទាន់បានពង្រឹងតម្លាភាពទាំងស្រុង នោះទេ ដោយសារថា ការបាត់បង់ចំណូលពន្ធពីការគេចវេះរបស់ឈ្មួញធំៗនៅតែបន្តមាន។
លោកបន្តថា នៅថៃនិងវៀតណាម មាន ១៨ ទៅ ២០ ភាគរយ ហើយសិង្ហបុរី មានជាង ៤០ ភាគរយនៃ GDP។ លោកថ្លែងថា៖ «បើការប្រមូលពន្ធធ្វើបានល្អតាមច្បាប់ និងនីតិវិធីត្រឹមត្រូវ យើងនឹងបន្ថែមចំណូលពន្ធពី ១ ០០០ លានទៅ ១ ២០០ លានដុល្លារបន្ថែមទៀតក្នុងមួយឆ្នាំ»។
ទិន្នន័យដដែលបានបង្ហាញថា ក្នុងចំណោមចំណូលថវិកាជាតិសរុប ចំណូលដែលបានពីចំណូលចរន្ត [ពីពន្ធដារ ពន្ធគយ និងពន្ធផ្សេង] មាន ៩២៣៩,៣ ពាន់លានរៀល (២,៣ ពាន់លានដុល្លារ) និងចំណូលបានមកពីមូលធន [ចំណូលបានពីការវិនិយោគជា គម្រោងរបស់រដ្ឋាភិបាល] មាន ២០០,៨ ពាន់លានរៀល (៥០ លានដុល្លារ)៕ ប្រភពៈ ភ្នំពេញប៉ុស្តិ៍
ការថ្លែងរបស់លោកនាយករដ្ឋមន្ត្រីធ្វើឡើងក្នុងពិធីចែក សញ្ញាបត្រដល់និស្សិតនៅវិទ្យាស្ថានជាតិអប់រំកាលពីម្សិលមិញថា បំណុលកម្ពុជាមិនទាន់មានកម្រិតខ្ពស់ដូចបណ្តាប្រទេសលោកខាងលិចមួយ ចំនួនឡើយ ហើយការណ៍នេះនៅតែផ្តល់លទ្ធភាពឲ្យកម្ពុជាខ្ចីបុលបន្តទៀត។
លោក ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។ ហេង ជីវ័នយោងតាមច្បាប់ថវិកា ឆ្នាំ២០១៤ ដែលរដ្ឋសភាបានអនុម័តឲ្យរដ្ឋាភិបាលមានលទ្ធភាពក្នុងការខ្ចីបុលពី ប្រទេសជាដៃគូដើម្បីបង្គ្រប់ខ្ទង់ចំណាយគឺប្រមាណជាង ៤០០ លានដុល្លារអាមេរិក។ គិតមកត្រឹម ខែកញ្ញា ឆ្នាំទៅ កម្ពុជាជំពាក់បំណុលបរទេស ៥០០០ លានដុល្លារ។
លោកក៏បានធ្វើការដាស់តឿនដល់មន្ត្រីក្រោមឱវាទ បន្តខិតខំកៀរគរចំណូលដើម្បីទប់ស្កាត់ការខ្ចីបុលពីបរទេសនេះផងដែរ។
លោកបានបន្តថា៖ «[យើង] ជំរុញបង្កើនចំណូលក្នុងស្រុក កាត់បន្ថយការពឹងពាក់ពីខាងក្រៅ។ យើងប្រឹងខ្លួនឯង ហើយយើងក៏មិនចង់ស្ថិតនៅក្នុងអន្ទាក់នៃប្រទេសដែលមានចំណូលមធ្យម នោះទេយើងចង់ឲ្យប្រទេសរបស់យើងឈានពីចំណូលមធ្យមកម្រិតទាបទៅកាន់ ប្រទេសដែលមានចំណូលមធ្យមកម្រិតខ្ពស់ និងឈានទៅប្រទេសអភិវឌ្ឍន៍ដូចគេដូចឯងដែរ»។
នៅ ឆ្នាំ២០១៤ ផលិតផលក្នុងស្រុកសរុបសម្រាប់មនុស្សម្នាក់បានកើនឡើងដល់ ១១៣៩ ដុល្លារអាមេរិក ដែលបង្កលក្ខណៈដល់កម្ពុជាអាចចេញផុតពីចំណាត់ថ្នាក់ប្រទេសដែលមាន ចំណូលទាប ទៅជាប្រទេសមានចំណូលមធ្យមកម្រិតទាបក្នុងពេលដ៏ខ្លីខាងមុខនេះ។ នេះបើយោងតាមច្បាប់ថវិកា ឆ្នាំ២០១៤។
ទិន្នន័យពីកិច្ចប្រជុំក្រុមប្រឹក្សាសេដ្ឋកិច្ចនៃទីស្តីការគណៈ រដ្ឋមន្ត្រីកាលពីសប្តាហ៍មុន កម្ពុជាប្រមូលចំណូលថវិកាជាតិសរុប ១០ ៥៣៦,៤ ពាន់លានរៀល (២,៦៣ ពាន់លានដុល្លារ) កាលពី ឆ្នាំ២០១៤ កើនឡើង ២២ ភាគរយធៀបនឹង ឆ្នាំ២០១៣។ កំណើននេះបានធ្វើឲ្យការរួមចំណែកនៃចំណូលថវិកាជាតិសម្រាប់កំណើន សេដ្ឋកិច្ចជាតិច្រើនជាងមុនគឺស្មើនឹង ១៥ ភាគរយនៃ GDP ខណៈកាលពី ឆ្នាំ២០១៣ បានរួមចំណែកក្រោម ១១ ភាគរយប៉ុណ្ណោះ។
លោក សុន ឆ័យ អនុប្រធានគណៈកម្មការសេដ្ឋកិច្ច ហិរញ្ញវត្ថុ ធនាគារ និងសវនកម្មនៃរដ្ឋសភាប្រាប់ ភ្នំពេញ ប៉ុស្តិ៍ កាលពីសប្តាហ៍មុនថា ការកើនឡើងនៃការទទួលបានចំណូលជាតិបង្ហាញពីសញ្ញាវិជ្ជមានខ្លះៗ បន្ទាប់ពីការធ្វើកំណែទម្រង់លើការប្រមូលពន្ធ ប៉ុន្តែលោកអះអាងថា នីតិវិធីនៃការប្រមូលពន្ធនៅមិនទាន់បានពង្រឹងតម្លាភាពទាំងស្រុង នោះទេ ដោយសារថា ការបាត់បង់ចំណូលពន្ធពីការគេចវេះរបស់ឈ្មួញធំៗនៅតែបន្តមាន។
លោកបន្តថា នៅថៃនិងវៀតណាម មាន ១៨ ទៅ ២០ ភាគរយ ហើយសិង្ហបុរី មានជាង ៤០ ភាគរយនៃ GDP។ លោកថ្លែងថា៖ «បើការប្រមូលពន្ធធ្វើបានល្អតាមច្បាប់ និងនីតិវិធីត្រឹមត្រូវ យើងនឹងបន្ថែមចំណូលពន្ធពី ១ ០០០ លានទៅ ១ ២០០ លានដុល្លារបន្ថែមទៀតក្នុងមួយឆ្នាំ»។
ទិន្នន័យដដែលបានបង្ហាញថា ក្នុងចំណោមចំណូលថវិកាជាតិសរុប ចំណូលដែលបានពីចំណូលចរន្ត [ពីពន្ធដារ ពន្ធគយ និងពន្ធផ្សេង] មាន ៩២៣៩,៣ ពាន់លានរៀល (២,៣ ពាន់លានដុល្លារ) និងចំណូលបានមកពីមូលធន [ចំណូលបានពីការវិនិយោគជា គម្រោងរបស់រដ្ឋាភិបាល] មាន ២០០,៨ ពាន់លានរៀល (៥០ លានដុល្លារ)៕ ប្រភពៈ ភ្នំពេញប៉ុស្តិ៍
