Samsung ធ្វើតេស្ត៏បច្ចេកវិទ្យាសាកថ្មតាម Wireless លើទូរស័ព្ទ Galaxy GS6 ជិតបានសម្រេចហើយ
តាមរយៈការអះអាងពីក្រុមហ៊ុន Samsung ផ្ទាល់ ត្រូវបានបណ្ដាសព័ត៌មានធំៗផ្សាយថា ក្រុមហ៊ុនអេឡិចត្រូនិកកូរ៉េខាងត្បូងនេះ នឹងប្រកាសចេញ Galaxy S6 ដោយភ្ជាប់ជាមួយបច្ចេកវិទ្យាសាកថ្មឥតខ្សែ (Wireless) មិនខាន។
ក្រុមហ៊ុន Samsung បានចាប់ផ្ដើមអភិវឌ្ឍបច្ចេកវិទ្យាសាកថ្ម wireless charging តាំងពីឆ្នាំ២០០០ ហើយមានបំណងផលិតចេញប្រកបតាមស្តង់ដារតម្រូវការរបស់ខ្លួនធ្វើយ៉ាងណា គឺឱ្យមានទំហំតូច មានដំណើរការប្រសិទ្ធភាពខ្ពស់។ ក្រុមហ៊ុន Samsung បានលើកឡើងថា៖ «ជាមួយស្មាតហ្វូន Galaxy ជំនាន់ក្រោយៗអ្នកប្រើនឹងអាចប្រើបច្ចេកវិទ្យាសាកថ្ម wireless ថ្មីមិនដូចមុននោះទេ»។
បច្ចុប្បន្ន បច្ចេកវិទ្យាសាកថ្ម Wireless មានស្តង់ដារចំនួនបីផ្សេងគ្នា ក្នុងនោះមានស្ដង់ដារ Qi Charger សម្រាប់ប្រើជាមួយទូរស័ព្ទ ស្តង់ដារ Power Matters Alliance (PMA) និងស្តង់ដារ Alliance for Wireless Power (A4WP)។ ដូច្នេះនៅពេលខាងមុខ ស្តង់ដារ PMA និង A4WP នឹងត្រូវច្របាច់បញ្ចូលគ្នា។ ម្យ៉ាងទៀត Samsung គឺជាសមាជិកបានសាកល្បងជាមួយស្តង់ដារ wireless charging ទាំងបីមកហើយ។
ឈីបដំបូងដែលគាំទ្រស្តង់ដារចម្រុះត្រូវបាន Samsung បង្ហាញកាលពីឆ្នាំមុន ហើយក្រុមហ៊ុនទូរស័ព្ទនេះបានឱ្យដឹងថា ខ្លួនអាចត្រូវចំណាយពេលពី ៦ខែ ទៅ១២ខែដើម្បីច្របាច់បញ្ចូលឈីបថ្មីទៅលើផលិតផលដែលឧបករណ៍ឆ្លាតវៃ មានដូចជាស្មាតហ្វូនត្រកូល Galaxy ក្រោយៗ ហើយ Galaxy S6 ក៏រំពឹងនឹងត្រូវបំពាក់បច្ចេកវិទ្យាសាកថ្មឥតខ្សែនេះផងដែរ៕
ប្រែសម្រួល៖ លី ឈៀន
ប្រភព៖ gsmarena
