នគរបាលស្រុកជើងព្រៃឃាត់ខ្លួននគរបាលនៅបណ្ឌិត្យសភានគរបាលកម្ពុជារឿងដកកាំភ្លើងដេញបាញ់គោអ្នកស្រុកចង់យកសាច់ទៅធ្វើស៊ីនិងលក់ទៀត
ខេត្តកំពង់ចាម ៖ មន្ត្រីនគរបាលនៅរាជបណ្ឌិត្យសភានគរបាលកម្ពុជាក្រសួងមហាផ្ទៃម្នាក់ត្រូបានកម្លាំងនគរបាលព្រហ្មទណ្ឌនៃអធិការដ្ឋាននគរបាលស្រុកជើងព្រៃ និងកម្លាំងនគរបាលប៉ុស្តិ៍គោករវៀងឃាត់ខ្លួនក្នុងរឿងដកកាំភ្លើងដេញបាញ់គោ អ្នកស្រុក ហើយទង្វើនេះបាននាំឲប្រជាពលរដ្ឋ ក្នុងភូមិ ជាច្រើនអ្នកផ្ទុះកំហឹងបានលើកគ្នា ទៅឡោមព័ទ្ធ ចង់ប្រើអំពើហិង្សា ទៅលើមន្ត្រីនគរបាលរូបនេះទៀតផង ប៉ុន្តែដោយមានការអន្តរាគមន៍ទាន់ពេលពីនគរបាលស្រុកមន្ត្រីនគរបាលរូបនេះបានរួចខ្លួនទាំងព្រលឹងចុងសក់ ។
ហេតុការណ៍នេះកើតឡើងកាលពីវេលាម៉ោង៤រសៀលថ្ងៃទី១០ ខែវិច្ឆិកា ឆ្នាំ២០១៤ នៅខាងក្រោយភ្នំជើងព្រៃ ស្ថិតក្នុងភូមិឈូក ឃុំគោករវៀង ស្រុកជើងព្រៃ ខេត្តកំពង់ចាម។
លោកវរសេនីយ៍ត្រី ហេង វុទ្ធី អធិការនគរបាលស្រុកជើងព្រៃ បានប្រាប់ នគរវត្តឲ្យដឹងថា មន្ត្រីនគរបាលរូបនេះឈ្មោះ អ៊ូ សាវី ភេទប្រុស អាយុ៥៥ឆ្នាំ មានតួនាទី ជានាយករងវិទ្យាស្ថាននៃរាជបណ្ឌិត្យសភានគរបាលកម្ពុជា ក្រសួងមហាផ្ទៃ ។
ក្រោយការឃាត់ខ្លួននគរបាលជំនាញបានដកហូតអាវុធខ្លីមួយដើម មានម៉ាកLORO មានលេខ 263207 ផលិតនៅសហរដ្ឋអាមេរិក និងគ្រាប់១២គ្រាប់ហើយត្រូវបាននាំខ្លួនទៅអធិការដ្ឋាន នគរបាលស្រុកដើម្បីមានវិធានការតាមផ្លូវច្បាប់។
បើតាមប្រភពព័ត៌មានពីប្រជាពលរដ្ឋ ដែលនៅកន្លែងកើតហេតុបានឲ្យដឹងថា ជននេះកាលពីប៉ុន្មានខែមុនធ្លាប់បាញ់គោ របស់អ្នកស្រុក ម្តងហើយរហូតដល់ងាប់ ប៉ុន្តែមិនចេញ មុខដោះស្រាយ ថែមទាំងលក់គោដែលងាប់នេះ និងកាប់យកសាច់ ស៊ីថែមទៀត។ ទង្វើបែបនេះបានធ្វើឲ្យប្រជាពលរដ្ឋ ជាច្រើននាក់បានផ្ទុះការតវ៉ាយ៉ាងខ្លាំង ប៉ុន្តែត្រូវបានអាជ្ញាធរ និងសមត្ថកិច្ច មូលដ្ឋាន ជួយ សម្របសម្រួល រហូតបញ្ចប់រឿង ។
ក្រោយមករឿងហេតុទាំងនោះបានស្ងប់ស្ងាត់ទៅវិញ ស្រាប់តែពេលនេះមន្ត្រីនគរបាលរូបនេះ មិនរៀងចាល មកប្រព្រឹត្តទង្វើបែបនេះម្តងទៀត នាំឲ្យប្រជាពលរដ្ឋទាំងចាស់ ទាំងក្មេង ទាំងស្រី ទាំងប្រុស ផ្ទុះការតវ៉ាម្តងទៀត ។
ក្រោយមករឿងហេតុទាំងនោះបានស្ងប់ស្ងាត់ទៅវិញ ស្រាប់តែពេលនេះមន្ត្រីនគរបាលរូបនេះ មិនរៀងចាល មកប្រព្រឹត្តទង្វើបែបនេះម្តងទៀត នាំឲ្យប្រជាពលរដ្ឋទាំងចាស់ ទាំងក្មេង ទាំងស្រី ទាំងប្រុស ផ្ទុះការតវ៉ាម្តងទៀត ។
លោកអធិការស្រុកជើងព្រៃបានបញ្ជាក់ថា មូលហេតុដែលនាំមន្ត្រីរូបនេះ ទៅបាញ់គោ អ្នកស្រុកនោះ ដោយសារតែគោរបស់អ្នកស្រុក ទៅស៊ីដំណាំ ក្នុងចំការរបស់គាត់ ។ ប៉ុន្តែបើតាមការបញ្ជាក់ពីប្រជាពលរដ្ឋថា មន្ត្រីរូបនេះគាត់គ្មានដំណាំ នៅក្នុងចំការនោះទេ មានតែទីតាំងជីកដី និងកម្ទេចថ្មលក់ ហើយបើសត្វគោ នោះទៅស៊ីដំណាំគាត់ ក៏គាត់មិនត្រូវបាញ់ទេ ត្រូវចាប់សត្វគោសួររកម្ចាស់ដើម្បីដោះស្រាយទើបត្រឹមត្រូវ ។
មន្ត្រីនគរបាលស្រុកម្នាក់សុំមិនបញ្ចេញឈ្មោះបានប្រាប់ឲ្យដឹងដែរថា ចំពោះករណីនេះមិនមានសាមីអង្គភាពចេញមុខជួយធ្វើអន្តរាគមន៍ និងសំរបសំរួលនោះទេ ពោលគឺបានឲ្យនគរបាលខេត្តកំពង់ចាមចាត់វិធានការតាមផ្លូវច្បាប់ ៕
ប្រភពពី នគរវត្ត
