អ្នកប្រើប្រាស់ Facebook ថ្ងៃនេះ បានទទួលបន្ថែមនូវការបន្ទាន់សម័យថ្មី ពី Facebook នោះគឺ
ការបញ្ចេញមតិដោយ sticker ដែលបន្ថែមពីលើរូបសញ្ញាមុខមនុស្សសើច។

ការបញ្ចេញមតិដោយ sticker ថ្មីនេះ នឹងជួយឱ្យការបង្ហាញនូវអារម្មណ៍ បានប្រសើរជាងមុន 
ហើយក្នុងនោះ រូបភាព sticker ជាច្រើន ក៏មានមុខមាត់គួរឱ្យចង់សើច និងទាក់ទាញផងដែរ។
អ្នកប្រើប្រាស់ ក៏អាចទាញយកបន្ថែមនូវបណ្ដា sticker មិនគិតថ្លៃ ពីបណ្ដាញសង្គមមួយនេះ។

បច្ចុប្បន្ន ការបញ្ចេញបតិដោយ sticker នេះ ត្រូវបានអនុវត្តនៅលើកំណែសម្រាប់កុំព្យូទ័រលើតុ
ចំណែកកំណែសម្រាប់ឧបករណ៍ចល័ត គឺមានសម្រាប់ប្រព័ន្ធប្រតិបត្តិ iOS និង Android ។ រីឯ
Windows Phone ការបញ្ចេញបតិដោយ sticker ក៏បានបង្ហាញជារូបរាង ប៉ុន្ដែ មិនទាន់បង្ហោះ
បាន។

ប្រសិនកម្មវិធី Facebook នៅលើទូរស័ព្ទរបស់នេះ មិនទាន់មានមុខងារនេះ ចូរបន្ទាន់សម័យ 
Facebook ឡើងកំណែថ្មីបំផុត។ ថ្វីបើមុខងារថ្មីនេះ ពិតជាគួរឱ្យចាប់អារម្មណ៍ ប៉ុន្ដែ អ្នកក៏មិនគួរ
រំខានដល់អ្នកដទៃ ដោយ sticker ទាំងនេះ ច្រើនពេកនោះដែរ៕

ប្រែសម្រួលដោយ ៖ តារា
ប្រភព ៖ insidefacebook/techcrunch