ភ្នំពេញ៖ តារាសម្តែងជំនាន់ថ្មីវ័យក្មេង សាច់សទ្រលុកទ្រលន់ កញ្ញា ដានី ពេជ្រ ដ្បិតតែទើបឈានជើង ចូលប្រឡូកក្នុងអាជីពអ្នកសិល្បៈ និងហាក់ពុំទាន់មានទីផ្សារសម្តែង ទូលំទូលាយក៏ពិតមែន តែមុននេះ នាងបានធ្វើឲ្យទស្សនិក ជន ទាំងស្រទាប់យុវវ័យ ចាប់អារម្មណ៍នឹងរូបសម្រស់ ដ៏ស្រស់ផូរផង់របស់នាង រាល់ពេលបង្ហាញវត្តមានក្នុងកម្មវិធីសិល្បៈម្ដងៗ ។ ប៉ុន្តែគួរឲ្យស្តាយ ព្រោះថ្មីៗនេះ មានដំណឹងថា នាងកំពុងមាន ទំនាក់ទំនងស្នេហា ជាមួយបុរសម្នាក់រួចទៅហើយ នឹងត្រូវជាអ្នកសិល្បៈរួមអាជីពដូចគ្នា។
ប្រភពពីអ្នកនៅក្បែរតារាសម្ដែង ដានី ពេជ្រ បានបង្ហើបថា បច្ចុប្បន្ននាង បានលួចមាន ទំនាក់ទំនង ស្នេហាជាមួយបុរស ម្នាកមានវ័យច្រើនជាងនាង ប្រហែល៦ឆ្នាំ ដែលគេដឹងថា បុរសម្នាក់នោះក៏ ជាតារាសម្តែង សិល្បៈដូចគ្នាដែរ ហើយគ្រាន់តែគូស្នេហ៍ម្នាក់នេះ ជាតារារៀមច្បងចូលសិល្បៈ មុននាងតែប៉ុណ្ណោះ។
ប្រភពបាននិយាយទៀតថា ជាប្រចាំឲ្យតែ ដានី ពេជ្រ ចេញទៅខាងក្រៅ មិនថាទៅសម្តែង ឬមួយដើរកំសាន្តនោះ ទេគឺគេតែងឃើញបុរសម្នាក់នេះ មកចាំទទួលបណ្តើរគ្នា យ៉ាងស្និទ្ធស្នាលបំផុត។ មិនតែប៉ុណ្ណោះ ពួកគេទាំងពីរហាក់មានភាពល្អូកល្អឺន ស្រទ្បាញ់គ្នាខ្លាំងទៀតផង។ ទោះបីជាយ៉ាងណា ប្រភពមិនបានបញ្ជាក់ប្រាប់ ពីអត្តសញ្ញាណ និង ឈ្មោះបុរសម្នាក់នោះទេ គឺគ្រាន់តែបង្ហើបថា បុរ សគូស្នេហ៍របស់ ដានី ពេជ្រ គឺជាតារាសម្តែងមានឈ្មោះល្បីគួរសម។
កាលពីរសៀល ថ្ងៃទី១៨ ខែ សីហា ឆ្នាំ២០១៤ នេះ LookingTODAY មិនទាន់អាចស្វែងរកការបកស្រាយ ពី តារាស្រីវ័យក្មេង កញ្ញា ដានី ពេជ្រ បានទេ។ យ៉ាងណាមិញ LookingTODAY សង្ឃឹមថា ស្រីស្រស់រូបនេះ នឹងចេញ មុខបកស្រាយពេលក្រោយ។
គួររំឭកថា តារាសម្តែងស្រី ដានី ពេជ្រ មុននេះបន្តិចធ្លាប់ទទួលរងការរិះគន់ ម្តងរួចមកហើយ ពីសំណាក់មហាជនចំពោះទង្វើ បញ្ចេញរូបថតសិចស៊ី បញ្ចេញដើមទ្រូង ចង់បង្ហាញពីចេតនា យកសម្រស់ដើមទ្រូង ទាក់ទាញប្រជា ប្រិយភាព និងការគាំទ្របន្ថែម លើអាជីពសិល្បៈ៕