ជនជាតិភាគតិចគ្រឹង ៩៤គ្រួសារ ខេត្តរតនគិរី ត្រូវបានប្រកាសសុពលភាព នីតិបុគ្គលស្របច្បាប់
ជនជាតិដើម
ភាគតិចគ្រឹង៩៤គ្រួសារ ក្នុងភូមិទុន ឃុំតាវែងក្រោម ស្រុកតាវែង
ខេត្តរតនគិរី ត្រូវបានក្រសួងមហាផ្ទៃ ប្រកាសសុពលភាព
ជានីតិបុគ្គលស្របច្បាប់។
ការប្រកាសទទួលស្គាល់ជាផ្លូវការនេះ ធ្វើ
ឡើងក្នុងពិធីលើកស្លាក និងប្រកាសសុ ពលភាពនៅថ្ងៃទី២៦
ខែមិថុនាម្សិលមិញ នេះ
ដោយមានការចូលរួមពីសំណាក់ប្រធានការិយាល័យនៃនាយកដ្ឋានកិច្ចការនយោបាយ
នៃក្រសួងមហាផ្ទៃ ប្រធានក្រុមប្រឹក្សាស្រុក អភិបាលរងស្រុក ព្រម
ទាំងតំណាងអង្គការដៃគូរពាក់ព័ន្ធមួយ ចំនួនទៀត។
តំណាងអង្គការ CEDAC/ GAA លោក ហ៊ាង ធារ៉ា
មានប្រសាសន៍ថា សហគមន៍ជនជាតិដើមភាគតិចគ្រឹង ដែលមានសមាជិក៩៤គ្រួសារ
សរុប៣៧៣នាក់ នៅភូមិទុននេះ បានស្ម័គ្រចិត្ត និងឯកភាពគ្នា
ក្នុងការរៀបចំចងក្រងសហគមន៍ឲ្យមានលក្ខណៈស្របច្បាប់
ក្នុងគោលដៅថែរក្សាអត្តសញ្ញាណរបស់ខ្លួន
និងការពារដីធ្លីធនធានធម្មជាតិសម្រាប់ជាប្រយោជន៍ដល់កូនចៅជំនាន់
ក្រោយ។
លោកបន្តថា ការលើកស្លាកសហគមន៍
និងការប្រកាសសុពលភាពនេះ គឺដើម្បីផ្សព្វផ្សាយជាសាធារណៈ ដល់សាធារណជន
ឲ្យបានដឹងឮ
ជាពិសេសអ្នកពាក់ព័ន្ធទាំងអស់ចូលរួមគាំទ្រដោយស្មារតីទទួលខុសត្រូវ
ក្នុងការចូលរួមអនុវត្ត គោលនយោបាយជាតិ
ស្តីពីការអភិវឌ្ឍជនជាតិដើមភាគតិច គោលនយោបាយស្តីពីការចុះបញ្ជីដី
និងសិទ្ធប្រើប្រាស់ដីសហគមន៍ជនជាតិដើមភាគនៅកម្ពុជា។
ប្រធានការិយាល័យនៃនាយកដ្ឋានកិច្ចការនយោបាយ
នៃក្រសួងមហាផ្ទៃ លោក អាំ វាសនា ឲ្យដឹងដែរថា ពិធីលើកទីស្នាក់ការ
និងប្រកាសសុពលភាពសហគមន៍ជនជាតិគ្រឹង ជានីតិបុគ្គលស្របច្បាប់នេះ
គឺជាលើកទី៣៨ សម្រាប់ខេត្តរតនគិរី ដែលបានចុះបញ្ជីតម្កល់សំណុំលិខិត
នៅក្រសួងមហាផ្ទៃ
ដើម្បីទទួលបានសិទ្ធិពេញលេញក្នុងការស្នើសុំចុះបញ្ជីដី
ជាកម្មសិទ្ធិសមូលហភាពស្របតាមច្បាប់ភូមិបាលឆ្នាំ២០១១៕
ប្រភពពី vodhotnews.com
