ក្រុមហ៊ុន Apple ត្រូវបាន គេរាយការណ៍មកថា បានដោះស្រាយ បញ្ហាផលិត ថ្ម សំរាប់ iPhone 6 អេក្រង់ 5.5 អីុង ហើយ តាមរយៈ ការផ្លាស់ប្តូរ អ្នកផ្គត់ផ្គង់ … នេះ បើតាមរបាយការណ៍ ពី GforGames។ ប្រភព បានបន្តទៀតថា iPhone 6 អេក្រង់ 5.5 អីុងនេះ ត្រូវការ ថ្ម ដែលមាន កំរាស់ស្តើង ដើម្បីអោយសម ទៅនឹង កំរាស់របស់វា តែ រោងចក្រផ្គត់ផ្គង់ថ្ម ចម្បងអោយ Apple ឈ្មោះ Dynapack International Technology របស់តៃវ៉ាន់ មាន ការលំបាក ក្នុងការ ផលិត ថ្មកំរាស់ស្តើង បែបនេះ។

ឥឡូវ បើតាម ដំណឹងចុងក្រោយ បានអោយដឹងថា Apple អាចរកបាន អ្នកដែល អាចផលិតថ្ម ស្តើងនេះបានហើយ គឺក្រុមហ៊ុន Suwoda របស់ចិន។ Sunwoda ទទួលបាន កាតព្វកិច្ច ក្នុងការ ផលិតថ្ម ប្រមាណ 20 លានគ្រាប់ ហើយដែល មួយគ្រាប់ មានតំលៃ ប្រមាណ $6.4 (40 យន់)។
គួររំលឹកថា ក្រុមហ៊ុន Apple ត្រូវបាន គេរំពឹងថា នឹងប្រកាស ពី iPhone 6c អេក្រង់ 4.7 អីុង នាអំឡុងខែ កញ្ញា ខាងមុខនេះ ហើយ iPhone 6 អេក្រង់ 5.5 អីុង នឹងត្រូវបាន ប្រកាស តាមក្រោយ៕
ប្រភព: GforGames