អេស្ប៉ាញ៖ ជាមួយនឹង​ការអះអាងថ្មី ​ក្នុងការចុះកុងត្រា​រវាងកីឡាករ Messi និង ក្លិប អ្នកមានបុណ្យ Bacelona ត្រូវ​ធ្វើឡើងជាមួយនឹងទំហំ​ទឹកប្រាក់ដ៏ធំ ។
បើតាមប្រភពព័ត៌មាន​​ដែលចុះផ្សាយនៅក្នុងប្រទេស​អេស្ប៉ាញ បាន​ឲ្យដឹងថា ឪពុកកីឡាករ Messi លោក Jorge Messi បាន​អង្គុយ ​ចរចារ​​លើកុងត្រាថ្មីរបស់កូនខ្លួន។​ បច្ចុប្បន្ននេះដែរ លោក Jorge Messi បាន​ធ្វើការ​ទាមទារ ​ទៅលើតម្លៃ ​កិច្ចសន្យាថ្មី ខ្ពស់បំផុត របស់កូន​ខ្លួន ដោយទាមទារពី ១០ ទៅ ៤៥ លានអឺរ៉ូ ​បន្តុកលើតម្លៃ​ខ្លួនចាស់​។ នោះមានន័យថា Messi នឹង​ចុះកុងត្រា ជាមួយនឹងក្លិបរយៈពេល ៥ ឆ្នាំ ​ដោយលេង​​ក្នុងមួយរដូវកាល ២២ លានអឺរ៉ូ ដែលនេះ​ជា​តួរលេខដ៏រន្ធត់បំផុត​។​
ជាការពិតណាស់ ជាមួយនឹងសំណើររបស់ ឪពុកកីឡាករ Messi អាចនឹង​ធ្វើឲ្យក្លិប Bacelona ពិបាកក្នុង​ការយល់ព្រមណាស់។ ផ្ទុយទៅវិញ ​ក្លិប Bacelona មិនចង់បង្កើតគំរូអាក្រាក់ ជាមួយនឹងរចនាសម្ព័ន្ធប្រាក់ឈ្នួលនេះ នោះទេ ។​
បើសិជា​ករណីក្លិប Bacelona មិនយល់ព្រម នោះ ជាក់ណាស់ កីឡាករ Messi អាចនឹង​ទៅ ក្នុងនោះមាន ក្លិប​ឋានសួគ៌ប្រាក់ខែ ដូចជា មេឃខៀវ Man City និងក្លិប PSG ដែលចង់បានកីឡាករ​រូបនេះ ៕