ស្ថានភាពនយោបាយខ្មែរ លើបណ្ដាញព័ត៌មានពិភពលោក
សម្រាប់បណ្ដាញសារព័ត៌មានអន្តរជាតិមួយដែលចូលខ្លួនមកបកស្រាយស្ថានការណ៍នយោបាយកម្ពុជាមុនគេ គឺបណ្ដាញសារព័ត៌មាន channelnewsasia។ សារព័ត៌មានផ្លូវការដ៏ពេញនិយមបំផុតមួយរបស់សិង្ហបុរីមួយនេះបាន ចុះផ្សាយស្ថានការណ៍នយោបាយកម្ពុជា ដោយលើកយកការប៉ះទង្គិចគ្នារបស់កម្មករនិងប៉ូលិសដែលបានកើតឡើងនៅ ផ្លូវ វ៉េងស្រេងនៅថ្ងៃសុក្រទី០៣ ខែមករានេះ ដែលបានបណ្តាលឲ្យកម្មករចំនួន៣នាក់បានស្លាប់ និងរងរបួសជាច្រើននាក់។
ងាកមកមើលសារព័ត៌មានពិភពលោកដ៏ល្បីចំនួនពីររបស់អង់គ្លេសគឺ BBC និង Theguardian
វិញក៏មិនមើលរំលងដែរនូវព្រឹត្តិការណ៍ក្តៅៗពីព្រឹត្តិការណ៍នៃ
ការប៉ះទង្គិចគ្នារបស់ប៉ូលិសនិងកម្មករកាត់ដេរនៅរោងចក្រសួន
កាណាឌីយ៉ានៅថ្ងៃសុក្រទី៣នេះ ដែលបង្កឲ្យមានអ្នកស្លាប់
និងរងរបួសជាច្រើននាក់
ខណៈដែលការទាមទារដំឡើងប្រាក់ខែរបស់កម្មករនៅតែមានស្ថានការណ៍
តឹងតែងនៅឡើយ។
ការប្រមូលផ្តុំទាមទាររបស់ក្រុមបាតុករនៅទីក្រុងភ្នំពេញ ម្សិលមិញ និងថ្ងៃនេះ ក៏មិនបានធ្វើឲ្យបណ្ដាញសារព័ត៌មានផ្លូវការដ៏ធំបំផុតមួយនៅដែន មជ្ឈិមបូព៌ា Aljazeera មើល រំលងផងដែរ។ដោយបានដាក់ចំណងជើងធំៗលើទំព័រមុខ បណ្ដាញសារព័ត៌មានដែលមានមូលដ្ឋាននៅប្រទេសកាតារមួយនេះ បានលើកយកព្រឹត្តិការណ៍នៃការបើកការវាយប្រហាររបស់ប៉ូលិសទៅលើ ក្រុមកម្មករ ទាមទារតវ៉ាដំឡើងប្រាក់ខែ នៅសួនរោងចក្រកាណាដីយ៉ានៅក្នុងថ្ងៃសុក្រនេះដែលបានបណ្ដាលឲ្យ មានមនុស្សស្លា៣ និងរងរបួសជាច្រើននាក់ ដែលក្នុងនោះក៏មានប៉ូលិសជាច្រើននាក់ត្រូវរងរបួសផងដែរ។
ស្ថានការណ៍នៃការប៉ះទង្គិចគ្នា រវាងកម្មករ និងប៉ូលិសនៅថ្ងៃថ្ងៃសុក្រនេះ ក៏មិនបានធ្វើឲ្យសារព័ត៌មានដ៏ល្បីរបស់ថៃThenation មើល រំលងនោះដែរ។ សារព័ត៌មាននេះបានចាប់អារម្មណ៍ដោយបានចុះផ្សាយពីចំនួនអ្នករងរបួស ក្នុងបាតុកម្មទាមទារដំឡើងប្រាក់ខែរបស់កម្មករ ដែលត្រូវបានបង្ក្រាបដោយប៉ូលិស។ ក៏ប៉ុន្តែ ខ្លួនមិនបានបញ្ជាក់ពីចំនួនអ្នកស្លាប់នោះឡើយ ខណៈដែលសារព័ត៌មានពិភពលោកជាច្រើនបានចុះផ្សាយពីចំនួនអ្នកស្លាប់ ក្នុងការប៉ះទង្គិចគ្នានេះ។
ចំណែកឯសារព័ត៌មានអន្តរជាតិចុងក្រោយABC News របស់
អាមេរិកក៏បានចាប់អារម្មណ៍លើព្រឹត្តិការណ៍នយោបាយកម្ពុជាដូចគ្នា
នេះ
ដោយលើកយកការទាមទាររបស់ក្រុមបាតុកររហូតដល់មានអំពើហិង្សា
ប៉ះទង្គិចគ្នារវាង ក្រុមកម្មករកាត់ដេរ និងប៉ូលិស
ដែលបាននិងកំពុងកើតមានយ៉ាងក្តៅគគុកនៅផ្លូវវ៉េងស្រេង
ក្នុងសួនរោងចក្រកាណាឌីយ៉ា
ខណៈដែលកម្មការ៣នាក់ត្រូវបានខ្លួនរាយការណ៍មកថាបានស្លាប់
និងជាច្រើននាក់ផ្សេងទៀតបានរងរបួស៕
