ក្លឹបអ្នកកាសែតកម្ពុជា ថ្កោលទោស ចំពោះការវាយដំអ្នកសារព័ត៌មាន
ក្លឹបអ្នកកាសែតកម្ពុជា
បានចាត់សកម្មភាពវាយអ្នកសារព័ត៌មាន នៅពេលចុះបំពេញការងារ
កន្លងមកថា ជាការរំលោភយ៉ាងបំពានធ្ងន់ធ្ងរមកលើសិទ្ធិអ្នកសារព័ត៌មាន
រំលោភសិទ្ធិមនុស្សដែលមានចែងក្នុងរដ្ឋធម្មនុញ្ញ។
សេចក្តីថ្លែងការណ៍
បានថ្កោលទោសចំពោះអ្នកបង្កហេតុវាយដំលើអ្នកសារព័ត៌មាន
និងអំពាវនាវឲ្យអ្នកពាក់ព័ន្ធទាំងអាជ្ញាធរ និងបាតុករ
យកចិត្តទុកដាក់ ដល់សុវត្ថិភាពអ្នកសារព័ត៌មាន
ក្នុងពេលពួកគេបំពេញភារកិច្ច។
កាលពីថ្ងៃទី២៧ ខែមករានេះ
ការបង្ក្រាបដោយហិង្សាពីសំណាក់អាជ្ញាធររាជធានីភ្នំពេញ
ទៅលើក្រុមពលរដ្ឋ ដែលទាមទារដំឡើងកម្លាំងផ្សាយវិទ្យុតាមបណ្តាខេត្ត
និងហ្វ្រេកង់សម្រាប់ស្ថានីយទូរទស្សន៍ នៅខាងមុខក្រសួងព័ត៌មាន
បណ្តាលឲ្យមនុស្សយ៉ាងហោចណាស់ ៨នាក់ របួសធ្ងន់ និងស្រាល ក្នុងនោះ
ក៏មានអ្នកសារព័ត៌មានម្នាក់ផងដែរ៕
