អ្នក​អាច​រក​ទិញ​ Sony Xperia Z1F បាន​នៅ​ឯហាង​ NTT DoCoMo ទូទាំង​ប្រទេស​ជប៉ុន​ ដែល​មាន​ជាពណ៌ ខ្មៅ ស ផ្កាឈូក ហើយនឹងពណ៌​សម្បក​ក្រូចឆ្មា​។ Z1F ត្រូវ​បាន​គេ​ស្គាល់​ថា​មាន​រូបរាង​ដូចទៅ​នឹង​ Z1 ដែល​គ្រាន់​តែ​វា​មានទំហំ​តូច​ជាង​ Z1 គឺ​មាន​ទំហំ​អេក្រង់ 4.3 អ៊ីញហើយ​មាន Display Resolution ដល់ទៅ 720p និង​មាន​ថាមពលថ្ម​ 2,300 mAh។​

ជាមួយ​នឹង​ Snapdragon 800 chipset កាមេរា 20.7MP សមត្ថភាព​រក្សា​ទុក​ 16GB បូករួម​ទាំង​សមត្ថភាព​នៃ​ការពារ​ធូលី​ហើយ​នឹង​ទឹក។​

ទន្ទឹម​នឹង​ហាង NTT DoCoMo ប្រកាស​ជា​ផ្លូវ​ការ​ថា​ Xperia Z1F គឺ​ជា​ Smartphone ដែល​ខ្លួននឹង​ដាក់​លក់​ ក៏​មាន​ព័ត៌មាន​មួយ​ចំនួន​បាន​លេច​ឮ​ផង​ដែរ​ថា​ Xperia Z1S នឹង​ចេញ​លក់​ក្នុង​ពេល​ឆាប់ៗ​នេះ​ផង​ដែរ ហើយ​គេ​ក៏​រំពឹង​ទុក​ផង​ដែរ​ថាវា​នឹង​មាន​លក្ខណៈ​ដូច​ទៅ​ និង​ Xperia Z1F របស់​ជប៉ុនផង​ដែរ។

ហើយ​គេ​ក៏​បាន​ប្រទះ​ឃើញ​រូបរាង​ជា​ផ្លូវ​ការ​របស់​ Xperia Z1S គំរូ​កាមេរ៉ា រូបថត ហើយនឹង ​UI Screenshots។ គេ​ក៏​បានបន្តទៀត​ថា​ Xperia Z1S នឹងត្រូវ​បានប្រកាស​ជា​សាធារណៈនៅ​ថ្ងៃ​ទី​ 6 ខែ​ មករា ឆ្នាំ​ 2014 ខាង​មុខ​នេះ​នៅ​ក្នុង​ទីក្រុង​ Las Vegas នាសន្និសិទ្ធសារព័ត៌មាន​របស់ក្រុមហ៊ុន Sony។