កំពុងផឹកស៊ី ឱបស្រីសប្បាយដៃ ស្រាប់តែសង្សារ ចាស់មកទាន់ សំពងបែកក្បាល
រាជធានីភ្នំពេញ ៖ មានហេតុការណ៍ភ្ញាក់ផ្អើលមួយបានកើតឡើង កាលពីវេលាម៉ោង១០និង៤០នាទីថ្ងៃទី២៦ខែ ខែសីហា ឆ្នាំ២០១៣ នៅក្នុងភោជនីយដ្ឋានមួយកន្លែងយីហោព្រះច័ន្ទពេញវង់ ដែលមានទីតាំងនៅតាមបណ្ដោយផ្លូវលេខ២៧១ ស្ថិតក្នុងសង្កាត់ផ្សារដើមថ្កូវ ខណ្ឌចំការមន ដោយសារតែបុរសម្នាក់ កំពុងតែផឹកស៊ីឱបស្រីស្នេហ៍ក្មេង ស្រាប់តែមានស្ត្រីម្នាក់ដែលអះអាងថា ជាស្រីស្នេហ៏របស់គាត់បានដោះស្បែកជើងកែងវាយក្បាលបែកឈាមហូរស្រោចខ្លួន។
ប្រភពព័ត៌មានពីសាក្សីនៅកន្លែងកើតហេតុបានឲ្យដឹងថា មុនពេលកើតហេតុបុរសរងគ្រោះរួមនិងមិត្តភក្តិបានមកផឹកស៊ីក្នុងហាងខាងលើ និងមានស្រីស្នេហ៍ផឹកសប្បាយជាមួយផង ស្រាប់តែផឹកបានមួយសន្ទុះស្រាប់តែលេចមុខស្ត្រីម្នាក់ដែលបានអះអាងថា បានស្គាល់គ្នា១ឆ្នាំហើយនោះមកទាន់ក៏បានឈ្លោះប្រកែកគ្នា ហើយស្ត្រីរូបនោះក៏ដោះស្បែកជើងកែងវាយក្បាលបុរសរូបនោះបណ្តាលឲ្យហូរឈាមស្រោចខ្លួន ហើយស្រីស្នេហ៍ថ្មីពេលឃើញបែបនេះរត់គេចខ្លួនបាត់ស្រមោល ។
បន្ទាប់ពីកើតហេតុ គេឃើញគូស្នេហ៍ទាំង២នាក់នេះ បានឈ្លោះប្រកែកគ្នាបែកផ្សែងផ្អើលប្រជាពលរដ្ឋ និងសមត្ថកិច្ច។ មួយសន្ទុះក្រោយមក ពួកគេទាំង២នាក់ ក៏បានចេញពីកន្លែងហេតុបាត់ស្រមោល ដោយមិនបានធ្វើការប្តឹងផ្តល់អ្វីនោះទេ៕
_________________________
ប្រភពពីវត្តភ្នំ
