HTC នឹងចេញលក់ទូរស័ព្ទ HTC One mini នៅក្នុងខែសីហា
កាលពីសម្ដាហ៍មុនមានការលេចចេញរួចមកហើយនូវរូបភាពរបស់ទូរស័ព្ទ HTC One mini នៅមុនថ្ងៃប្រកាសចេញជាផ្លូវការដោយក្រុមហ៊ុន HTC ដោយឡែកសម្រាប់ពេលនេះប្រភពពី Bloomberg ដែលជាទីភ្នាក់ងារព័ត៌មានដ៏ល្បីរបស់សហរដ្ឋបានឲ្យដឹងថាក្រុមហ៊ុន HTC នឹងចាប់ផ្ដើមបញ្ចេញ HTC One mini ទៅលើទីផ្សារសហរដ្ឋក្នុងខែសីហា ។ ប្រភពដដែលនេះបានអះអាងថាក្រុមហ៊ុន HTC ត្រៀមនឹងបញ្ចេញ HTC One mini គឺក្នុងគោលបំណងប្រកួតប្រជែងនឹង Galaxy S4 mini របស់ក្រុមហ៊ុន Samsung ដែលជាក្រុមហ៊ុនផលិតទូរស័ព្ទទំនើបដ៏ធំជាងគេ (The world’s largest smartphone maker) នាពេលបច្ចុប្បន្ន ។
គេរំពឹងថា HTC One mini នឹងមានលក្ខណសម្បត្តិបច្ចេកទេសដូចខាងក្រោម៖
- អេក្រង់ទំហំ 4.3-inch
- កម្រិតភាពច្បាស់ 720p
- CPU Dual-core 1.4GHz (Snapdragon 400)
- RAM 2 GB
- អង្គផ្ទុកទិន្នន័យជាប់ម៉ាស៊ីនទំហំ 16 GB
- កាមេរ៉ាទំហំ 4 MP (មានបំពាក់ដោយបច្ចេកវិទ្យា UltraPixel ប្រហាក់ប្រហែលកាមេរ៉ាលើ HTC One)
- មានបំពាក់ដោយ LTE
- ដំណើរការដោយប្រព័ន្ធប្រតិបត្តិការ Android 4.2.2 Jelly Bean
- ថាមពលថ្ម 1,700mAh (មិនអាចប្ដូរបាន)
បញ្ជាក់.៖ ក្រុមហ៊ុន HTC មិនទាន់បានបញ្ជាក់យ៉ាងណាទេចំពោះព័ត៌មានដែលថាក្រុមហ៊ុននឹងចេញលក់ HTC One mini នៅក្នុងខែសីហានោះ ប៉ុន្តែវាអាចនឹងពិតច្រើនព្រោះថា Bloomberg គឺជាប្រភពមួយដែលល្បីនិងគួរជាទីទុកចិត្តបំផុត ។ បញ្ជាក់ផងដែរថាកាលពីសប្ដាហ៍មុនក៏មានប្រភពមួយដែរថាក្រុមហ៊ុន HTC អាចនឹងបញ្ចេញទូរស័ព្ទមួយម៉ូដែលនេះទៅលើទីផ្សារនៅដើមខែសីហា ឆ្នាំ២០១៣ នេះដែរដោយលក់ក្នុងតម្លៃប្រហែល $524 (តម្លៃនៅអឺរ៉ុប) ៕
រូបភាព HTC One min ធៀបនឹង HTC One (រៀមច្បង)
ប្រភព
