សមាជិកក្រុម 2NE1 ពួ្រយបារម្ភខ្លាច គ្មានបុរសណា ទាក់ទងសុំស្នេហ៍
ក្រុង សេអ៊ូល ៖ សមាជិកក្រុមចម្រៀងស្រីកូរ៉េ 2NE1 ពីរនាក់គឺនាង ផាកសាន់ដារ៉ា និងនាង ផាក ប៊ុម ដែលត្រូវបានថៅកែផលិតកម្មដកបម្រាមមានសង្សារកាលពីឆ្នាំមុននោះបាននិយាយថា ឥឡូវនេះពួកគេប្រឈមនឹងបញ្ហាគ្មានបុរសណាទាក់ទងសុំស្នេហ៍ឡើយ ធ្វើឲ្យជីវិតស្នេហារបស់ពួកគេបរាជ័យ។
ពួកនាងបានឲ្យដឹងថា៖ «ថៅកែបានដាក់បម្រាមមានសង្សារចំពោះយើងដើម្បីឲ្យយើងផ្ដោតតែទៅលើការងារសិល្បៈតែមួយមុខគត់»។ ប៉ុន្តែនៅពេលដែលនាង ផាក សាន់ដារ៉ា និងនាង ផាក ប៊ុម ឈានដល់វ័យ២៨ និង២៩ឆ្នាំនោះ ខាងផលិតកម្មក៏ព្រមដកបម្រាមមានសង្សារនេះចេញ។ ប៉ុន្តែពួកនាងបានត្អូញថា៖ «ឥឡូវនេះពួកយើងអាយុជិតសាមហើយ គ្មានប្រុសណាមើលឃើញពួកយើងនៅឡើយទេ»៕
