ក្រុមហ៊ុន Nokia ប្រកាសចេញទូរស័ព្ទ Nokia 207 និង 208 [វីឌីអូ]
កាលពីថ្ងៃម្សិលមិញក្រុមហ៊ុន Nokia មានប្រកាសចេញនូវទូរស័ព្ទចំនួនពីរម៉ូដែលគឺ Nokia 207 និង Nokia 208 ប៉ុន្តែ Nokia 208 មានជម្រើសស៊ីមមួយ (Single-SIM) និង ស៊ីមពីរ (Dual-SIM) ។ ទូរស័ព្ទទាំងពីរមានរូបរាងដូចគ្នានិងលក្ខណសម្បត្តិបច្ចេកទេសភាគច្រើនក៏ដូចគ្នាដែរ អ្វីដែលខុសគ្នានោះគឺ Nokia 207 គ្មានកាមេរ៉ា និងមានតែមួយជម្រើស (Single-SIM) ។
លក្ខណសម្បត្តិបច្ចេកទេសរបស់ទូរស័ព្ទទាំងពីរមាន៖
- វិមាត្រ 114.2 x 50.9 x 12.8mm
- ទម្ងន់ 89.6 g (207), 90.5 g (208)
- អេក្រង់ទំហំ 2.4-inch
- RAM 64 MB
- អង្គផ្ទុកទិន្នន័យជាប់ម៉ាស៊ីនទំហំ 256 MB (អាចបន្ថែម microSD card 32 GB)
- មានបំពាក់ដោយ 2G/3G, Bluetooth 3.0, រន្ធដោត microUSB,.
- អាចលេងបណ្ដាញសង្គមនានាដូចជា Facebook, Twitter
- ថាមពលថ្ម 1,020mAh (អាចនិយាយបានចំនួន ១២ ម៉ោង ដោយប្រើប្រព័ន្ធសេវា 2G និងអាច standby បានរហូតដល់រយៈពេលមួយខែ ប៉ុន្តែប្រើ 3G អាចនិយាយបាន ៤ម៉ោង កន្លះ និង អាចចាក់ចម្រៀងបាន ២៩ម៉ោង )
- កាមេរ៉ា 1.3 MP (Nokia 208)
- មានវិទ្យុ FM
សូមបញ្ជាក់ថាក្រុមហ៊ុន Nokia នឹងចាប់ផ្ដើមបញ្ចេញទូរស័ព្ទទាំងនេះទៅលើទីផ្សារអឺរ៉ុបក្នុងត្រីមាសទី៣នៃឆ្នាំ២០១៣ ដោយលក់ក្នុងតម្លៃចាប់ពីរ $68 (មិនទាន់គិតពន្ធ) ដោយឡែកសម្រាប់ការមកទីផ្សារកម្ពុជានិងតម្លៃរបស់ទូរស័ព្ទទាំងនេះសូមប្រិយមិត្តរង់ចាំសាកសួរតាមហាងលក់ទូរស័ព្ទនានាក្នុងរាជធានីភ្នំពេញ ៕
សូមទស្សនាវីឌីអូខាងក្រោម៖
