Tablet ថ្មីរាងដូច iPad Air 2 ប្រើOSពីរក្នុងពេលតែមួយ
ក្រុមហ៊ុនអេឡិចត្រូនិកចិនឈ្មោះ Onda បានផលិត Tablet ថ្មីចម្លងម៉ូដតាម iPad Air 2 ដែលអាចប្រើប្រព័ន្ធប្រតិបត្តិការពីរ Windows 8.1 និង Android ទន្ទឹមគ្នានៅលើអេក្រង់តែមួយ។
Tablet របស់ក្រុមហ៊ុន Onda ដែលអាចប្រើប្រព័ន្ធប្រតិបត្តិការពីរក្នុងពេលតែមួយនោះឈ្មោះ V919 3G។ វាប្រើបច្ចេកវិទ្យាអេក្រង់ Retina (ដែលអាចបង្ហាញរូបភាពបានច្បាស់ល្អ) មានអេក្រង់ទំហំ ៩,៧អ៊ីញ និង Resolution 2048 x 1536 pixels ដូចគ្នាទៅនឹង iPad Air 2 ដែរ។ ចំណែក Memory ម៉ាស៊ីនទំហំ 64GB (អាចបន្ថែម microSD ពីក្រៅបាន 128GB), RAM ទំហំ 2GB, កាមេរ៉ាក្រោយទំហំ 2MP និងមុខ 5MP ។ Tablet ម៉ូដែល V919 3G នេះមានតម្លៃ ១៧៧ដុល្លារ។
ម៉េចដែរ តម្លៃ និង Specs ប៉ុណ្ណេះត្រូវចិត្តប្រិយមិត្តអត់? ថ្វីត្បិតមិនប្រើ iOS ក៏ពិតមែន តែប្រតិបត្តិការពីរ Windows 8.1 និង Android ប្រើលើអេក្រង់តែមួយ ប្រហែលជាមានអ្នកខ្លះពេញចិត្តមិនខាន។
ប្រែសម្រួល៖ ប៉ែត ផាន់និត
ប្រភព៖ redmondpie
