បន្តឃុំខ្លួនបុរសពិការម្នាក់ ដែលលក់ក្មេងអាយុ៧ខែ ទៅធ្វើអ្នកសុំទាននៅ ប្រទេសម៉ាឡេស៊ី
ភ្នំពេញៈ បុរសចំណាស់ពិការជើងម្នាក់
ដែលមានកូនរហូតដល់ទៅ៧នាក់
បានធ្វើសកម្មភាពអូសទាញជនរងគ្រោះចំនួន៣នាក់
និងបានទិញទារកអាយុ៧ខែម្នាក់
យកទៅធ្វើជាអ្នកសុំទាននៅប្រទេសម៉ាឡេស៊ីនោះ
ត្រូវបានសភាស៊ើបសួរសាលាឧទ្ធរណ៍ សម្រេចកាលពីថ្ងៃទី១៧ ខែកុម្ភះ
ឆ្នាំ២០១៤
តម្កល់សេចក្តីសម្រេចរបស់ចៅក្រមស៊ើបសួរសាលាដំបូងរាជធានីភ្នំពេញ
ទុកជាបានការដដែល ពោល គឺបន្តឃុំខ្លួនជនល្មើសក្នុងពន្ធនាគារ។
ជនត្រូវចោទរូបនេះ ឈ្មោះ ហេង ឆុន អាយុ៤៨ឆ្នាំ រស់នៅភូមិមុខរា២ ឃុំព្រៃត្រឡាច ស្រុករុក្ខគីរី ខេត្ដបាត់ដំបង និងស្ត្រីម្នាក់ទៀតឈ្មោះ សំ ណា អាយុ៣៨ឆ្នាំ រស់នៅភូមិតាខ្មៅ សង្កាត់តាខ្មៅ ក្រុងតាខ្មៅ។ ជនត្រូវចោទទាំងពីរនាក់ ត្រូវបានសមត្ថកិច្ចការិយាល័យប្រឆាំងការជួញដូរមនុស្ស និងការពារអនីតិជនរាជធានីភ្នំពេញ សហការជាមួយសមត្ថកិច្ចច្រកទ្វារអន្តរជាតិប៉ោយប៉ែត ខេត្តបន្ទាយមានជ័យ ឃាត់ខ្លួនកាលពីថ្ងៃទី១៣ ខែវិច្ឆិកា ឆ្នាំ២០១៣។
គួររំលឹកថា ក្នុងប្រតិបត្តិការឃាត់ខ្លួននេះ សមត្ថកិច្ចបានរំដោះជនរងគ្រោះចំនួន៣នាក់ និងទារកអាយុ៧ខែម្នាក់។ សមត្ថកិច្ចបាននិយាយថា យោងតាមការស្រាវជ្រាវមួយរយៈពេលកន្លងមក សមត្ថកិច្ចបានកំណត់មុខសញ្ញាទិញទារក ដើម្បីយកទៅសុំទាននៅប្រទេសម៉ាឡេស៊ី និងអូសទាញមនុស្សឆ្លងដែនខុសច្បាប់យកទៅសុំទាននៅប្រទេសម៉ាឡេស៊ី ប្រយោជន៍ដើម្បីកេងប្រវ័ញ្ចកម្លាំងពលកម្មទៅទារក និងកុមារ។
នៅចំពោះមុខសមត្ថកិច្ច ជនសង្ស័យទាំង២នាក់នេះ បានសារភាពថា ពួកគេធ្លាប់នាំមនុស្សទៅសុំទាននៅប្រទេសម៉ាឡេស៊ីចំនួន២លើកមកហើយ ហើយក៏មានកូនខ្លួនឯងម្នាក់កំពុងសុំទានរាល់ថ្ងៃនៅប្រទេសម៉ាឡេស៊ីដែរ ។ ពួកខ្លួនបានទិញទារកអាយុ៧ខែ ក្នុងតម្លៃ៤០០ដុល្លារ ពីស្ត្រីអ្នករើសអេតចាយម្នាក់នៅម្តុំរោងចក្រ តាមបណ្តោយផ្លូវវេងស្រេង ដើម្បីយកទៅសុំទាននៅប្រទេសម៉ាឡេស៊ី និងបានអូសទាញមនុស្ស៣នាក់នេះ ឲ្យទៅសុំទាននៅប្រទេសម៉ាឡេស៊ី ដោយបានចំណាយប្រាក់ក្នុងម្នាក់៣០០ដុល្លារ ដើម្បីធ្វើលិខិតឆ្លងដែន។ ប៉ុន្តែពេលទៅសុំទាននៅប្រទេសម៉ាឡេស៊ី មនុស្សទាំង៣នាក់នេះ ត្រូវបង់ប្រាក់មកវិញក្នុងម្នាក់១៥០ដុល្លារ។
ក្រោយចាត់ការតាមនីតិវិធី តុលាការបានសម្រេចឃុំខ្លួនជនសង្ស័យទាំងពីរនាក់នេះ ដាក់ពន្ធនាគារបណ្តោះអាសន្ន។ នៅដំណាក់កាលនេះ ជនសង្ស័យឈ្មោះ ហេង ឆុន បាន ប្តឹងទៅសាលាឧទ្ធរណ៍ដើម្បីសុំនៅក្រៅឃុំបណ្តោះអាសន្ន។ ក្រោយមកសភាស៊ើបសួរ សាលាឧទ្ធរណ៍ បានបើកសវនាការជាអសាធារណៈ និងបានសម្រេចបន្តឃុំខ្លួនជនសង្ស័យក្នុងពន្ធនាគារដដែល៕
ជនត្រូវចោទរូបនេះ ឈ្មោះ ហេង ឆុន អាយុ៤៨ឆ្នាំ រស់នៅភូមិមុខរា២ ឃុំព្រៃត្រឡាច ស្រុករុក្ខគីរី ខេត្ដបាត់ដំបង និងស្ត្រីម្នាក់ទៀតឈ្មោះ សំ ណា អាយុ៣៨ឆ្នាំ រស់នៅភូមិតាខ្មៅ សង្កាត់តាខ្មៅ ក្រុងតាខ្មៅ។ ជនត្រូវចោទទាំងពីរនាក់ ត្រូវបានសមត្ថកិច្ចការិយាល័យប្រឆាំងការជួញដូរមនុស្ស និងការពារអនីតិជនរាជធានីភ្នំពេញ សហការជាមួយសមត្ថកិច្ចច្រកទ្វារអន្តរជាតិប៉ោយប៉ែត ខេត្តបន្ទាយមានជ័យ ឃាត់ខ្លួនកាលពីថ្ងៃទី១៣ ខែវិច្ឆិកា ឆ្នាំ២០១៣។
គួររំលឹកថា ក្នុងប្រតិបត្តិការឃាត់ខ្លួននេះ សមត្ថកិច្ចបានរំដោះជនរងគ្រោះចំនួន៣នាក់ និងទារកអាយុ៧ខែម្នាក់។ សមត្ថកិច្ចបាននិយាយថា យោងតាមការស្រាវជ្រាវមួយរយៈពេលកន្លងមក សមត្ថកិច្ចបានកំណត់មុខសញ្ញាទិញទារក ដើម្បីយកទៅសុំទាននៅប្រទេសម៉ាឡេស៊ី និងអូសទាញមនុស្សឆ្លងដែនខុសច្បាប់យកទៅសុំទាននៅប្រទេសម៉ាឡេស៊ី ប្រយោជន៍ដើម្បីកេងប្រវ័ញ្ចកម្លាំងពលកម្មទៅទារក និងកុមារ។
នៅចំពោះមុខសមត្ថកិច្ច ជនសង្ស័យទាំង២នាក់នេះ បានសារភាពថា ពួកគេធ្លាប់នាំមនុស្សទៅសុំទាននៅប្រទេសម៉ាឡេស៊ីចំនួន២លើកមកហើយ ហើយក៏មានកូនខ្លួនឯងម្នាក់កំពុងសុំទានរាល់ថ្ងៃនៅប្រទេសម៉ាឡេស៊ីដែរ ។ ពួកខ្លួនបានទិញទារកអាយុ៧ខែ ក្នុងតម្លៃ៤០០ដុល្លារ ពីស្ត្រីអ្នករើសអេតចាយម្នាក់នៅម្តុំរោងចក្រ តាមបណ្តោយផ្លូវវេងស្រេង ដើម្បីយកទៅសុំទាននៅប្រទេសម៉ាឡេស៊ី និងបានអូសទាញមនុស្ស៣នាក់នេះ ឲ្យទៅសុំទាននៅប្រទេសម៉ាឡេស៊ី ដោយបានចំណាយប្រាក់ក្នុងម្នាក់៣០០ដុល្លារ ដើម្បីធ្វើលិខិតឆ្លងដែន។ ប៉ុន្តែពេលទៅសុំទាននៅប្រទេសម៉ាឡេស៊ី មនុស្សទាំង៣នាក់នេះ ត្រូវបង់ប្រាក់មកវិញក្នុងម្នាក់១៥០ដុល្លារ។
ក្រោយចាត់ការតាមនីតិវិធី តុលាការបានសម្រេចឃុំខ្លួនជនសង្ស័យទាំងពីរនាក់នេះ ដាក់ពន្ធនាគារបណ្តោះអាសន្ន។ នៅដំណាក់កាលនេះ ជនសង្ស័យឈ្មោះ ហេង ឆុន បាន ប្តឹងទៅសាលាឧទ្ធរណ៍ដើម្បីសុំនៅក្រៅឃុំបណ្តោះអាសន្ន។ ក្រោយមកសភាស៊ើបសួរ សាលាឧទ្ធរណ៍ បានបើកសវនាការជាអសាធារណៈ និងបានសម្រេចបន្តឃុំខ្លួនជនសង្ស័យក្នុងពន្ធនាគារដដែល៕
