Hard Disk ស្ដើងបំផុតជាង ស្ដើងជាង iPhone 6 Plus ទៀត!
ពីមួយថ្ងៃទៅមួយថ្ងៃបច្ចេកវិទ្យាចេះតែរីកចម្រើន និងទំនើបទៅៗ ជាក់ស្ដែងថ្មីៗនេះក្រុមហ៊ុន Seagate បានធ្វើការបង្ហាញផលិតផល Hard Disk របស់ខ្លួនមួយដែលមានកម្រាស់ស្ដើងបំផុត មិនធ្លាប់មានពីមុនមក ដែលមានកម្រាស់តែ៧មិល្លីម៉ែត្រតែប៉ុណ្ណោះ។
Seagate Seven គឺជា Hard Disk ដែលមានកម្រាស់ស្ដើងបំផុត ត្រឹមតែ៧មិល្លីម៉ែត្រតែប៉ុណ្ណោះ ដែលស្ដើងជាងកម្រាស់ Smartphone របស់ក្រុមហ៊ុន Apple iPhone 6 Plus ០,១មិល្លីម៉ែត្រ។ Seagate Seven ត្រូវបានរចនាឡើងដោយស្រោបដែកថែប មិនកាន់ច្រែះ ធ្វើឲ្យមានភាពទាក់ទាញ មានទំហំនៃការផ្ទុកទិន្នន័យបាន៥០០GB និងមានរន្ធ USB 3.0។
ក្រុមហ៊ុន Seagate នឹងចាប់ផ្ដើមលក់ឧបករណ៍ផ្ទុកទិន្នន័យដ៏ស្ដើងមួយនេះ អំឡុងពេលចាប់ពីពាក់កណ្ដាលខែមករានេះ ក្នុងតម្លៃប្រហែល១០០ដុល្លារសហរដ្ឋអាមេរិក៕
ប្រែសម្រួល៖ សំនៀង
ប្រភព៖ technobuffalo
