HP ប្រកាសលក់កុំព្យូទ័រដ៏ Cute បំផុតតម្លៃត្រឹម១៨០ដុល្លារ!
ពិតជានឹកស្មានមិនដល់ ក្នុងព្រឹត្តិការណ៍ CES ម្សិលម្ង៉ៃ ក្រុមហ៊ុន Hewlett-Packard (HP) បានបង្ហាញកុំព្យូទ័រ Desktop ប្រភេទ Mini តូចច្រឡឹងពីរម៉ូដែល ដែលនឹងលក់ក្នុងតម្លៃសមរម្យ។
ចំពោះម៉ូដែល Stream mini គឺត្រូវបានរចនាឡើងដោយបំពាក់មកជាមួយ RAM ទំហំ 2GB , CPU ប្រភេទ Intel Celeron chip, Hard Disk 32GB និងដំណើរការដោយ Windows 8.1 ហើយម៉ូដែលនេះគឺត្រូវបានផ្ដល់សេវាផ្ទុកទិន្នន័យបន្ថែមនៅលើ OneDrive រហូតដល់ទំហំ 200 GB ក្នុងរយៈពេល២ឆ្នាំ។ Stream mini លក់ក្នុងតម្លៃ១៨០ដុល្លារប៉ុណ្ណោះ។
ចំណែកឯម៉ូដែល Pavilion mini បំពាក់ដោយ CPU ប្រភេទ Pentium, RAM ទំហំ 4GB, Hard Disk ទំហំ500GB និងដំណើរការ Windows 8.1 វិញ គឺលក់ក្នុងតម្លៃ៣២០ដុល្លារ។
ម៉ូដែលទាំងពីរនេះក៏ត្រូវបានរចនាឡើងដោយបំពាក់មកជាមួយនូវបច្ចេកវិទ្យាទំនើបផ្សេងៗទៀត ដូចជារន្ធ USB 4 (4 x 3.0), ក្រាហ្វិកប្រភេទ Intel HD Graphics, ប្រព័ន្ធ Wireless & Bluetooth និងបច្ចេកវិទ្យាទំនើបៗផ្សេងទៀត។ ម្យ៉ាងវិញទៀតនោះ កុំព្យូទ័រ Desktop ទាំងពីរម៉ូដែលនេះអាចប្រើបានជាមួយ Monitor ដល់ទៅពីរ។ ម៉ូដែលទាំងពីរនេះនឹងចាប់ផ្ដើមចរាចរណ៍លក់នៅទីផ្សារក្នុងថ្ងៃទី១៤ ខែមករាខាងមុខនេះ។
ប្រែសម្រួល៖ សំនៀង
ប្រភព៖ theverge
