Bill Gates ថាទឹកចម្រាញ់ពីលាមកមនុស្សមានរសជាតិឆ្ងាញ់
ស្ថាបនិក Microsoft លោក Bill Gates បានទម្លាយឱ្យដឹងថា លោកពេញចិត្តម៉ាស៊ីនចម្រាញ់លាមកឈ្មោះ Janicki Omniprocessor ដែលអាចចម្រាញ់លាមកមនុស្ស ទៅជាទឹកស្អាត និងមានរសជាតិដូចទឹកសុទ្ធធម្មតាទៀតផង។
មហាសេដ្ឋីលំដាប់លេខ១លើពិភពលោករូបនេះ បានសរសេរលើប្លុក GatesNotes របស់ខ្លួនថា “ទឹកនេះមានរសជាតិដូចទឹកសុទ្ធដែលខ្ញុំធ្លាប់ផឹកកន្លងមកដែរ។ ក្រោយបានឃើញបច្ចេកវិទ្យាចម្រោះរួចមក ខ្ញុំរីករាយនឹងផឹកទឹកនេះរាល់ថ្ងៃ។ វាពិតជាមានសុវត្ថិភាពចំពោះសុខភាព”។
មហាសេដ្ឋីចិត្តបុណ្យខាងលើបន្តថា សម្រាប់បណ្ដាប្រទេសកំពុងអភិវឌ្ឍន៍ ដែលមិនមានប្រព័ន្ធលូទំនើប ដំណើរការណ៍នេះ អាចបង្កើតទឹកស្អាតផង និងអគ្គិសនីអគ្គិសនីផងដំណាលគ្នា។
រោងចក្រនេះអាចចម្រាញ់កាកសំណល់ពីមនុស្ស ១ សែននាក់ ទៅជាទឹកស្អាត ៨៦ ០០០លីត្រក្នុង១ថ្ងៃ និងអគ្គិសនី ២៥០ គីឡូវ៉ាត់។លោកបញ្ជាក់បន្ថែម។
ក្រើនរំលឹកថា លោក Bill Gates ជាមហាសេដ្ឋីមួយ ដែលបានប្រកាសថា មិនប្រគល់ទ្រព្យសម្បត្តិខ្លួនឱ្យកូនទេ ពេលខ្លួនចែកឋានទៅ។ ផ្ទុយទៅវិញលោកនឹងប្រគល់ទៅឱ្យមូលនិធិសប្បុរសធម៌៕
រោងចក្រចម្រាញ់លាមក
