អ្នកជំនាញឥណ្ឌូណេស៊ី៖ ប្រអប់ខ្មៅប្រហែលកប់ក្នុងភក់បាតសមុទ្រ
មន្ត្រីជំនាញរបស់ឥណ្ឌូណេស៊ី បានឲ្យដឹងថា ប្រអប់ខ្មៅរបស់ជើងហោះហើរ QZ8501 របស់ក្រុមហ៊ុន AirAsia ប្រហែលជាកប់ក្នុងភក់បាតសមុទ្រ បើទោះបីជា កន្ទុយយន្តហោះត្រូវបានរកឃើញក៏ដោយ។
ក្រុមអ្នកមុជទឹកបានរកឃើញ បំណែកនៃកន្ទុយយន្តហោះខាងលើ ប៉ុន្តែមិនទាន់អាចស្រង់ចេញពីក្នុងទឹកដោយងាយៗនោះឡើយ ព្រោះកម្លាំងរលកសមុទ្រមិនអំណោយផល ប៉ុន្តែក្រុមអ្នកជំនាញកំពុងរៀបចំវិធីយុទ្ធសាស្ត្រដើម្បីស្រង់ឲ្យបានឆាប់។
បើទោះបីជារកឃើញកន្ទុយយន្តហោះនេះក្តី ប៉ុន្តែអ្នកជំនាញមិនអាចរកឃើញប្រអប់ខ្មៅដែលស្ថិតនៅផ្នែកនៃកន្ទុយយន្តហោះនេះឡើយ។ ដូច្នេះគេសន្និដ្ឋានថា ប្រអប់ខ្មៅនេះអាចត្រូវកប់ក្នុងភក់នៃបាតសមុទ្រនោះ ដែលបង្កការលំបាកក្នុងការស្វែងរក ប៉ុន្តែគេគ្រាន់តែដឹងថា វាមិនអាចទៅណាឆ្ងាយដែរ។
ប្រអប់ខ្មៅពិតជា មានសារៈសំខាន់ខ្លាំងណាស់ សម្រាប់កំណត់មូលហេតុដែលនាំឲ្យយន្តហោះមានបញ្ហា។ ក្រុមរុករកនឹងបន្ត ស្វែងរកប្រអប់ខ្មៅនេះឲ្យឃើញឆាប់ៗតាមតែអាចធ្វើទៅបាន។ រហូតមកទល់នឹងពេលនេះ មានសពប្រមាណ ៤០ នាក់ត្រូវបានគេរកឃើញ។
សូមបញ្ជាក់ថា កាលពីថ្ងៃអាទិត្យទី ២៨ ខែ ធ្នូ កន្លងទៅ ជើងហោះហើរ QZ8501 របស់ក្រុមហ៊ុន AirAsia ផ្ទុកមនុស្ស ១៦២ នាក់ បានបាត់ចេញពីប្រព័ន្ធរ៉ាដានៅពេលធ្វើដំណើរពីប្រទេសឥណ្ឌូណេស៊ីទៅកាន់ប្រទេសសិង្ហបុរី ហើយក៏បានធ្លាក់ចូលសមុទ្រជ្វាតែម្តង៕
ប្រែសម្រួល៖ រស្មី
ប្រភព៖ channelnewsasia.com & bbc.com
ក្រុមអ្នកមុជទឹកបានរកឃើញ បំណែកនៃកន្ទុយយន្តហោះខាងលើ ប៉ុន្តែមិនទាន់អាចស្រង់ចេញពីក្នុងទឹកដោយងាយៗនោះឡើយ ព្រោះកម្លាំងរលកសមុទ្រមិនអំណោយផល ប៉ុន្តែក្រុមអ្នកជំនាញកំពុងរៀបចំវិធីយុទ្ធសាស្ត្រដើម្បីស្រង់ឲ្យបានឆាប់។
បើទោះបីជារកឃើញកន្ទុយយន្តហោះនេះក្តី ប៉ុន្តែអ្នកជំនាញមិនអាចរកឃើញប្រអប់ខ្មៅដែលស្ថិតនៅផ្នែកនៃកន្ទុយយន្តហោះនេះឡើយ។ ដូច្នេះគេសន្និដ្ឋានថា ប្រអប់ខ្មៅនេះអាចត្រូវកប់ក្នុងភក់នៃបាតសមុទ្រនោះ ដែលបង្កការលំបាកក្នុងការស្វែងរក ប៉ុន្តែគេគ្រាន់តែដឹងថា វាមិនអាចទៅណាឆ្ងាយដែរ។
ប្រអប់ខ្មៅពិតជា មានសារៈសំខាន់ខ្លាំងណាស់ សម្រាប់កំណត់មូលហេតុដែលនាំឲ្យយន្តហោះមានបញ្ហា។ ក្រុមរុករកនឹងបន្ត ស្វែងរកប្រអប់ខ្មៅនេះឲ្យឃើញឆាប់ៗតាមតែអាចធ្វើទៅបាន។ រហូតមកទល់នឹងពេលនេះ មានសពប្រមាណ ៤០ នាក់ត្រូវបានគេរកឃើញ។
សូមបញ្ជាក់ថា កាលពីថ្ងៃអាទិត្យទី ២៨ ខែ ធ្នូ កន្លងទៅ ជើងហោះហើរ QZ8501 របស់ក្រុមហ៊ុន AirAsia ផ្ទុកមនុស្ស ១៦២ នាក់ បានបាត់ចេញពីប្រព័ន្ធរ៉ាដានៅពេលធ្វើដំណើរពីប្រទេសឥណ្ឌូណេស៊ីទៅកាន់ប្រទេសសិង្ហបុរី ហើយក៏បានធ្លាក់ចូលសមុទ្រជ្វាតែម្តង៕
ប្រែសម្រួល៖ រស្មី
