ជនល្មោភកាមលើកបីក្មេងស្រីកំពុងដេកលក់យកទៅរំលោភ
ខេត្ដកំពង់ស្ពឺ ៖ ជនល្មោភកាមម្នាក់បានធ្វើសកម្មភាពលើកបីក្មេងស្រីម្នាក់ ដែលកំពុងតែដេកលក់នៅក្នុងផ្ទះយកទៅ រំលោភសេពសន្ថវៈនៅក្រោយភូមិ ។ ករណីរំលោភដ៏ព្រៃផ្សៃនេះបានកើត ឡើងកាលពីវេលាម៉ោង២រំលងអធ្រាត្រឈានចូល ថ្ងៃទី២៧ ខែវិច្ឆិកា ឆ្នាំ២០១៤ ក្នុងភូមិវិហារខ្ពស់ ឃុំវាំងចាស់ ស្រុកឧដុង្គ ខេត្ដកំពង់ស្ពឺ ។
ក្មេងស្រីរងគ្រោះឈ្មោះព.ច.ត អាយុ១២ឆ្នាំ មានទីលំនៅក្នុងភូមិកើតហេតុខាងលើ ។ ចំណែកជនសង្ស័យមិនទាន់ បានស្គាល់អត្ដសញ្ញាណនៅឡើយទេ ។
ក្មេងស្រីរងគ្រោះបាននិយាយរៀបរាប់ថា នៅយប់កើតហេតុរូបនាងកំពុងដេក លង់លក់ធម្មតានៅក្នុងផ្ទះ ស្រាប់តែមានមនុស្សម្នាក់មកលើកបីនាងទៅកាន់វាល ស្រែក្រោយភូមិរួចធ្វើសកម្មភាពរំលោភនាងរហូតបានសម្រេច ។ ក្រោយរំលោភ រួចជននោះបានគំរាមមិនឱ្យនាងនិយាយប្រាប់អ្នកណាឡើយ បើហ៊ាននិយាយគេ នឹងសម្លាប់ចោល ហើយជននោះក៏បាន គេចខ្លួនបាត់ទៅ ចំណែករូបនាងក៏ដើរ ត្រឡប់មកនៅផ្ទះវិញរហូតព្រឹកឡើង ទើបនិយាយប្រាប់ក្រុមគ្រួសារ ។ ក្មេងស្រី រងគ្រោះបន្ដថា នាងមិនស្គាល់ជននោះ ជានរណាទេ ពីព្រោះយប់ងងឹតមើលមិន ឃើញណាមួយ ខ្លាចជននោះសម្លាប់ មិនហ៊ានស្រែកឱ្យគេជួយក៏សុខចិត្ដដើរ ត្រឡប់មកផ្ទះវិញ ។
ទោះជាយ៉ាងណាក្រុមគ្រួសារក្មេងស្រីរងគ្រោះសង្ឃឹមលើសមត្ថកិច្ចស្រុកឧដុង្គ នឹងធ្វើការស្រាវជ្រាវតាមចាប់ជនល្មោភកាមរូបនោះយកមកផ្ដន្ទាទោសជាក់ជា មិនខានឡើយ ៕
- _____________
- ប្រភពពីនគរវត្ត
