មកដល់ថ្ងៃនេះគេមិនទាន់ចំណាត់ការបែបណានៅឡើយទេ លើក្រុមសមត្ថកិច្ចទំនើងដណ្តើមយកជនល្មើស២នាក់ និងឡានល្មើសដឹកឈើខុសច្បាប់ក្នុងពេលសមត្ថកិច្ចចម្រុះកំពុងបង្ក្រាបបទល្មើស
កំពង់ឆ្នាំងៈ
ករណីសមត្ថកិច្ចទំនើងមួយក្រុមនាំគ្នារំដោះយកជនល្មើស២នាក់
និងរថយន្តដឹកឈើល្មើស ដែលជាបទល្មើសជាក់ស្តែងកាលពីយប់ថ្ងៃទី២ ខែមករា
ឆ្នាំ២០១៤ មកដល់ថ្ងៃនេះ
លោកព្រះរាជអាជ្ញាអមសាលាដំបូងខេត្ត លោកស្នងការនគរបាលខេត្ត
និងសមត្ថកិច្ចជំនាញពាក់ព័ន្ធនៅមិនទាន់មានចំណាត់ការនៅឡើយទេ
មិនតែប៉ុណ្ណោះសមត្ថកិច្ចទំនើងមួយចំនួន ដែលពាក់ព័ន្ធក្នុងករណីនេះ
ខ្លះបានគំរាមប្តឹងអ្នកសារព័ត៌មាន
និងមួយចំនួនទៀតអង្វរសុំមិនអោយចុះផ្សាយទៀតផង។
ចំពោះការចោទប្រកាន់ទាំងនេះ នៅថ្ងៃទី១៣ ខែមករា ឆ្នាំ២០១៤ លោក យឹម សុជាតិ បានបដិសេដថា ក្នុងយប់នោះ លោកនៅច្រៀងខារ៉ាអូខេនៅហាង៩៨ លោកមិនបានទៅជាមួយគេនោះទេ ដោយឡែករថយន្តរបស់លោក ត្រូវបានលោក លន់ ឡេង ខ្ចីជិះទៅកន្លែងសមត្ថកិច្ចចម្រុះកំពុងបង្ក្រាបបទល្មើសនោះ ដោយដោះស្លាកលេខទុក។
លោក លន់ ឡេង វិញបានបំភ្លឺនៅថ្ងៃទី១៣ ខែមករាដែរថា យប់កើតហេតុនោះ លោកបានទៅដល់ទីនោះពិតមែន តែពុំបានទៅអូសឈើល្មើសទម្លាក់ពីលើរថយន្តល្មើសនោះឡើយ គឺប្រជាពលរដ្ឋទេជាអ្នកទាញទម្លាក់ ព្រោះគេថា វាអយុត្តិធម៌ក្នុងការបង្ក្រាបបែបនេះ ហើយលោក យឹម សុជាតិ ក៏មិនបានទៅជាមួយនឹងលោកដែរ។ ចំណែកជនល្មើស២នាក់ និងរថយន្តល្មើស ត្រូវបានម្ចាស់រថយន្តបើកយកមកទេ។ ប៉ុន្តែនៅព្រឹកថ្ងៃទី៣ ខែមករា ឆ្នាំ២០១៤កន្លងមកនេះ លោក លន់ ឡេង បានបញ្ជាក់ឲ្យដឹងថា ឈើ និងរថយន្តនោះជារបស់មិត្តភ័ក្រខ្លួន ដោយខ្លាចសមត្ថកិច្ចចាប់រថយន្ត និងមិត្តភ័ក្តគេឃុំខ្លួន ទើបគេធ្វើបែបនេះ។
នៅថ្ងៃទី១៣ ខែមករា ឆ្នាំ២០១៤នេះ លោក លឹម ហាក់ មន្ត្រីកងរាជអាវុធហត្ថខេត្ត ដែលរងការចោទប្រកាន់ដែរនោះ មិនអាចសុំការបំភ្លឺបានទេ ដោយទូរស័ព្ទលោកពុំមានអ្នកទទួល។ តែលោកក៏បានបំភ្លឺកាលពីថ្ងៃទី៣ ខែមករា ឆ្នាំ២០១៤ថា លោកមិនបានចូលរួមក្នុងសកម្មភាពរំដោះយកជនល្មើស និងរថយន្តដឹកឈើល្មើសច្បាប់នោះទេ លោកហ៊ានស្បថដាក់ជីវិត គឺក្នុងពេលកើតហេតុ លោកកំពុងនៅច្រៀងក្នុងខារ៉ាអូខេក្នុងហាង៩៨ និងមានសាក្សីមួយចំនួនអាចបញ្ជាក់បាន។
គួរបញ្ជាក់តាមរបាយការណ៍សមត្ថកិច្ចចម្រុះផងដែរថា កាលពីយប់ថ្ងៃទី២ ខែមករា ឆ្នាំ២០១៤ ក្នុងពេលកើតហេតុ គេបានឃើញរថយន្តលោក យឹម សុជាតិ មន្ត្រីនគរបាលខេត្ត ពណ៌សចង្កូតស្តាំអត់ស្លាកលេខ ដោយដឹកលោក លន់ ឡេង ជាមន្ត្រីយោធា និងជាអ្នករកស៊ីដឹកជ្រូក និងលោក វ៉ន សាមៀន រស់នៅភូមិគល់គុប ឃុំស្រែថ្មី ស្រុករលាប្អៀរ បានលើកគ្នាទៅរំដោះដណ្តើមយកជនល្មើស២នាក់ និងឡានដឹកឈើល្មើស ដែលក្នុងក្រុមនោះ មានរថយន្ត ៦គ្រឿង រួមទាំងរថយន្តអ្នកកាសែតផងដែរ។ ក្រោយមកលោក លន់ ឡេង បានយកសោពីលោក គឹម សារ៉េត ជាមន្ត្រីនគរបាលសេដ្ឋកិច្ចខេត្ត បើកយកឡានល្មើស និងជនល្មើសជាម្ចាស់ឡាន២នាក់ទៀត ចេញបាត់ពីកន្លែងកើតហេតុ ចំណែកលោក យឹម សុជាតិ បានបើករថយន្តរបស់ខ្លួនមកក្រុងកំពង់ឆ្នាំងវិញ។ បន្ទាប់មកលោក យឹម សុជាតិ បានដឹកឪពុករបស់ខ្លួនលោក យឹម សូភាស់ ជាស្នងការរងទៅចាំនៅមុខផ្សារពង្រវិញ ក្រោយពីមានបញ្ជាពីលោកអភិបាលខេត្ត និងលោកស្នងការនគរបាលខេត្ត ពេលនោះ សមត្ថកិច្ចចម្រុះក៏បានឃើញរថយន្តលោក យឹម សុជាតិ ពាក់ស្លាកលេខវិញ គឺស្លាកលេខ នគរបាល 2-0683។
លោក ស៊ិន កុសល នាយខណ្ឌរដ្ឋបាលព្រៃឈើកំពង់ឆ្នាំង ជាអ្នកដឹកនាំកម្លាំងបង្ក្រាបផ្ទាល់ក្នុងយប់នោះ បាននិយាយឲ្យដឹងថា ឈើទាំង៤ដុំ ដែលសមត្ថកិច្ចទំនើងអូសទម្លាក់ចេញពីរថយន្តល្មើសនោះ ជាឈើរាជឆ្កុលប្រភេទលេខ១ ហើយត្រូវសមត្ថកិច្ច១ក្រុមធ្វើសកម្មភាពដណ្តើមយកជនល្មើស២នាក់ និងរថយន្តល្មើសច្បាប់ទៅវិញនោះ លោកបានកសាងសំណុំរឿងតាមច្បាប់បញ្ជូនទៅជូនលោកអភិបាលខេត្ត លោកស្នងការនគរបាលខេត្ត និងលោកព្រះរាជអាជ្ញាអមសាលាដំបូងខេត្តរួចហើយ។ ចំណាត់ការយ៉ាងណានោះ សម្រេចទៅលើលោកព្រះរាជអាជ្ញាអមសាលាដំបូងខេត្តតែប៉ុណ្ណោះ ព្រោះនេះ ជាបទល្មើសជាក់ស្តែងមួយ ដែលមិនត្រូវបណ្តែតបណ្តោយនោះទេ។ ដោយឡែកការចុះបង្ក្រាបនេះទៀតសោត ក៏ជាបញ្ជាផ្ទាល់ពីលោក ពេញ វិបុល ព្រះរាជអាជ្ញាខេត្តកំពង់ឆ្នាំងនោះដែរ។
លោក អាត់ ខែម ស្នងការនៃស្នងការដ្ឋាននគរបាលខេត្តកំពង់ឆ្នាំងបានឲ្យភ្នំពេញថែមស៍ ដឹងថា លោកនឹងមិនអត់ឱនឲ្យមន្ត្រីនគរបាលនៅក្រោមឱវាទលោកណាមួយធ្វើអំពើមិន គប្បីតាមទំនើងចិត្តទេ ហើយក្នុងករណីនេះ ទៅតាមវិន័យរបស់កងកម្លាំងនគរបាលជាតិ ព្រោះនេះ ជាអំពើល្មើសជាក់ស្តែងមួយ។
ដោយឡែកលោក ពេញ វិបុល ព្រះរាជអាជ្ញាអមសាលាដំបូងខេត្តកំពង់ឆ្នាំង មិនបានផ្តល់ព័ត៌មានណាមួយជាក់លាក់នៅក្នុងករណីបទល្មើសជាក់ស្តែងនេះ នោះទេ ដោយលោកគ្រាន់តែប្រាប់ថា ទុកឲ្យសមត្ថកិច្ចជំនាញជាអ្នកដោះស្រាយទៅ។
ទាក់ទងនឹងករណីខាងលើនេះលោក ឈួរ ច័ន្ទឌឿន អភិបាលនៃគណៈអភិបាលខេត្តបានឲ្យភ្នំពេញថែមស៍ដឹងថា លោកបានទទួលសំណុំរឿងពីលោក ស៊ិន កុសល រួចហើយ ចំណែកសមត្ថកិច្ចដែលបានទៅជាមួយក្រុមរំដោះជនល្មើសព្រមទាំងរថយន្ត ល្មើសនោះ ក៏លោកបានស្គាល់ឈ្មោះ តួនាទី និងអង្គភាពរួចហើយដែរ។ លោកបន្តថា លោកមិនទុកឲ្យពួកគេធ្វើសកម្មភាពបែបអនាធិបតេយ្យតាមអំពើចិត្ត នោះឡើយ យើងនឹងដាក់វិន័យ ទោសទណ្ឌ ទៅតាមកំហុសជាក់ស្តែងរបស់ពួកគេ មិនឲ្យរួចខ្លួនម្នាក់ណាឡើយ។
មកដល់ថ្ងៃនេះ រថយន្តម៉ាក តាកូម៉ា ពណ៌ខ្មៅមួយបាំងកន្លះ ពាក់ស្លាកលេខ កណ្តាល 2A-6191 ជារបស់អ្នកលក់ប្រេងម្នាក់នៅផ្សារពង្រ និងក្រុមមន្ត្រីរំដោះយករថយន្ត និងជនល្មើស២នាក់នោះ នៅមិនទាន់ត្រូវបានគេមានចំណាត់ការនៅឡើយទេ។ ភ្នំពេញថែមស៍ នឹងនៅតែតាមដានក្នុងករណីនេះ៕ សហការី
ចំពោះការចោទប្រកាន់ទាំងនេះ នៅថ្ងៃទី១៣ ខែមករា ឆ្នាំ២០១៤ លោក យឹម សុជាតិ បានបដិសេដថា ក្នុងយប់នោះ លោកនៅច្រៀងខារ៉ាអូខេនៅហាង៩៨ លោកមិនបានទៅជាមួយគេនោះទេ ដោយឡែករថយន្តរបស់លោក ត្រូវបានលោក លន់ ឡេង ខ្ចីជិះទៅកន្លែងសមត្ថកិច្ចចម្រុះកំពុងបង្ក្រាបបទល្មើសនោះ ដោយដោះស្លាកលេខទុក។
លោក លន់ ឡេង វិញបានបំភ្លឺនៅថ្ងៃទី១៣ ខែមករាដែរថា យប់កើតហេតុនោះ លោកបានទៅដល់ទីនោះពិតមែន តែពុំបានទៅអូសឈើល្មើសទម្លាក់ពីលើរថយន្តល្មើសនោះឡើយ គឺប្រជាពលរដ្ឋទេជាអ្នកទាញទម្លាក់ ព្រោះគេថា វាអយុត្តិធម៌ក្នុងការបង្ក្រាបបែបនេះ ហើយលោក យឹម សុជាតិ ក៏មិនបានទៅជាមួយនឹងលោកដែរ។ ចំណែកជនល្មើស២នាក់ និងរថយន្តល្មើស ត្រូវបានម្ចាស់រថយន្តបើកយកមកទេ។ ប៉ុន្តែនៅព្រឹកថ្ងៃទី៣ ខែមករា ឆ្នាំ២០១៤កន្លងមកនេះ លោក លន់ ឡេង បានបញ្ជាក់ឲ្យដឹងថា ឈើ និងរថយន្តនោះជារបស់មិត្តភ័ក្រខ្លួន ដោយខ្លាចសមត្ថកិច្ចចាប់រថយន្ត និងមិត្តភ័ក្តគេឃុំខ្លួន ទើបគេធ្វើបែបនេះ។
នៅថ្ងៃទី១៣ ខែមករា ឆ្នាំ២០១៤នេះ លោក លឹម ហាក់ មន្ត្រីកងរាជអាវុធហត្ថខេត្ត ដែលរងការចោទប្រកាន់ដែរនោះ មិនអាចសុំការបំភ្លឺបានទេ ដោយទូរស័ព្ទលោកពុំមានអ្នកទទួល។ តែលោកក៏បានបំភ្លឺកាលពីថ្ងៃទី៣ ខែមករា ឆ្នាំ២០១៤ថា លោកមិនបានចូលរួមក្នុងសកម្មភាពរំដោះយកជនល្មើស និងរថយន្តដឹកឈើល្មើសច្បាប់នោះទេ លោកហ៊ានស្បថដាក់ជីវិត គឺក្នុងពេលកើតហេតុ លោកកំពុងនៅច្រៀងក្នុងខារ៉ាអូខេក្នុងហាង៩៨ និងមានសាក្សីមួយចំនួនអាចបញ្ជាក់បាន។
គួរបញ្ជាក់តាមរបាយការណ៍សមត្ថកិច្ចចម្រុះផងដែរថា កាលពីយប់ថ្ងៃទី២ ខែមករា ឆ្នាំ២០១៤ ក្នុងពេលកើតហេតុ គេបានឃើញរថយន្តលោក យឹម សុជាតិ មន្ត្រីនគរបាលខេត្ត ពណ៌សចង្កូតស្តាំអត់ស្លាកលេខ ដោយដឹកលោក លន់ ឡេង ជាមន្ត្រីយោធា និងជាអ្នករកស៊ីដឹកជ្រូក និងលោក វ៉ន សាមៀន រស់នៅភូមិគល់គុប ឃុំស្រែថ្មី ស្រុករលាប្អៀរ បានលើកគ្នាទៅរំដោះដណ្តើមយកជនល្មើស២នាក់ និងឡានដឹកឈើល្មើស ដែលក្នុងក្រុមនោះ មានរថយន្ត ៦គ្រឿង រួមទាំងរថយន្តអ្នកកាសែតផងដែរ។ ក្រោយមកលោក លន់ ឡេង បានយកសោពីលោក គឹម សារ៉េត ជាមន្ត្រីនគរបាលសេដ្ឋកិច្ចខេត្ត បើកយកឡានល្មើស និងជនល្មើសជាម្ចាស់ឡាន២នាក់ទៀត ចេញបាត់ពីកន្លែងកើតហេតុ ចំណែកលោក យឹម សុជាតិ បានបើករថយន្តរបស់ខ្លួនមកក្រុងកំពង់ឆ្នាំងវិញ។ បន្ទាប់មកលោក យឹម សុជាតិ បានដឹកឪពុករបស់ខ្លួនលោក យឹម សូភាស់ ជាស្នងការរងទៅចាំនៅមុខផ្សារពង្រវិញ ក្រោយពីមានបញ្ជាពីលោកអភិបាលខេត្ត និងលោកស្នងការនគរបាលខេត្ត ពេលនោះ សមត្ថកិច្ចចម្រុះក៏បានឃើញរថយន្តលោក យឹម សុជាតិ ពាក់ស្លាកលេខវិញ គឺស្លាកលេខ នគរបាល 2-0683។
លោក ស៊ិន កុសល នាយខណ្ឌរដ្ឋបាលព្រៃឈើកំពង់ឆ្នាំង ជាអ្នកដឹកនាំកម្លាំងបង្ក្រាបផ្ទាល់ក្នុងយប់នោះ បាននិយាយឲ្យដឹងថា ឈើទាំង៤ដុំ ដែលសមត្ថកិច្ចទំនើងអូសទម្លាក់ចេញពីរថយន្តល្មើសនោះ ជាឈើរាជឆ្កុលប្រភេទលេខ១ ហើយត្រូវសមត្ថកិច្ច១ក្រុមធ្វើសកម្មភាពដណ្តើមយកជនល្មើស២នាក់ និងរថយន្តល្មើសច្បាប់ទៅវិញនោះ លោកបានកសាងសំណុំរឿងតាមច្បាប់បញ្ជូនទៅជូនលោកអភិបាលខេត្ត លោកស្នងការនគរបាលខេត្ត និងលោកព្រះរាជអាជ្ញាអមសាលាដំបូងខេត្តរួចហើយ។ ចំណាត់ការយ៉ាងណានោះ សម្រេចទៅលើលោកព្រះរាជអាជ្ញាអមសាលាដំបូងខេត្តតែប៉ុណ្ណោះ ព្រោះនេះ ជាបទល្មើសជាក់ស្តែងមួយ ដែលមិនត្រូវបណ្តែតបណ្តោយនោះទេ។ ដោយឡែកការចុះបង្ក្រាបនេះទៀតសោត ក៏ជាបញ្ជាផ្ទាល់ពីលោក ពេញ វិបុល ព្រះរាជអាជ្ញាខេត្តកំពង់ឆ្នាំងនោះដែរ។
លោក អាត់ ខែម ស្នងការនៃស្នងការដ្ឋាននគរបាលខេត្តកំពង់ឆ្នាំងបានឲ្យភ្នំពេញថែមស៍ ដឹងថា លោកនឹងមិនអត់ឱនឲ្យមន្ត្រីនគរបាលនៅក្រោមឱវាទលោកណាមួយធ្វើអំពើមិន គប្បីតាមទំនើងចិត្តទេ ហើយក្នុងករណីនេះ ទៅតាមវិន័យរបស់កងកម្លាំងនគរបាលជាតិ ព្រោះនេះ ជាអំពើល្មើសជាក់ស្តែងមួយ។
ដោយឡែកលោក ពេញ វិបុល ព្រះរាជអាជ្ញាអមសាលាដំបូងខេត្តកំពង់ឆ្នាំង មិនបានផ្តល់ព័ត៌មានណាមួយជាក់លាក់នៅក្នុងករណីបទល្មើសជាក់ស្តែងនេះ នោះទេ ដោយលោកគ្រាន់តែប្រាប់ថា ទុកឲ្យសមត្ថកិច្ចជំនាញជាអ្នកដោះស្រាយទៅ។
ទាក់ទងនឹងករណីខាងលើនេះលោក ឈួរ ច័ន្ទឌឿន អភិបាលនៃគណៈអភិបាលខេត្តបានឲ្យភ្នំពេញថែមស៍ដឹងថា លោកបានទទួលសំណុំរឿងពីលោក ស៊ិន កុសល រួចហើយ ចំណែកសមត្ថកិច្ចដែលបានទៅជាមួយក្រុមរំដោះជនល្មើសព្រមទាំងរថយន្ត ល្មើសនោះ ក៏លោកបានស្គាល់ឈ្មោះ តួនាទី និងអង្គភាពរួចហើយដែរ។ លោកបន្តថា លោកមិនទុកឲ្យពួកគេធ្វើសកម្មភាពបែបអនាធិបតេយ្យតាមអំពើចិត្ត នោះឡើយ យើងនឹងដាក់វិន័យ ទោសទណ្ឌ ទៅតាមកំហុសជាក់ស្តែងរបស់ពួកគេ មិនឲ្យរួចខ្លួនម្នាក់ណាឡើយ។
មកដល់ថ្ងៃនេះ រថយន្តម៉ាក តាកូម៉ា ពណ៌ខ្មៅមួយបាំងកន្លះ ពាក់ស្លាកលេខ កណ្តាល 2A-6191 ជារបស់អ្នកលក់ប្រេងម្នាក់នៅផ្សារពង្រ និងក្រុមមន្ត្រីរំដោះយករថយន្ត និងជនល្មើស២នាក់នោះ នៅមិនទាន់ត្រូវបានគេមានចំណាត់ការនៅឡើយទេ។ ភ្នំពេញថែមស៍ នឹងនៅតែតាមដានក្នុងករណីនេះ៕ សហការី
