រកឃើញឈើប្រណីត ជិត១ម៉ឺនកំណាត់ ដែលជីកកប់ក្នុងបរិវេណ ក្រុមហ៊ុនស៊ីវហ្គេច នៅស្រុកសេសាន
ខេត្តស្ទឹត្រែង៖ កាលពីថ្ងៃទី១៤ ខែកុម្ភៈ
អាជ្ញាធរមានសមត្ថកិច្ចបានរកឃើញ
ឈើប្រណីតជិត១ម៉ឺនកំណាត់ដែលគេជីកកប់លាក់ទុក
ត្រូវនៅក្នុងបរិវេណក្រុមហ៊ុនស៊ីវហ្គេច ស្ថិតក្នុងឃុំក្បាលរមាស
ស្រុកសេសាន ខេត្តស្ទឹត្រែង។
បុគ្គលិកម្នាក់ដែលធ្វើការនៅក្នុងក្រុមហ៊ុននេះបានឲ្យដឹងថា ឈើដែលក្រុមហ៊ុនបានជីកដីកប់នោះ គឺសុទ្ធសឹងតែ ជាឈើប្រណីត មានប្រភេទធ្នង់ និងនាងនួនជាដើមប្រហែលជាជិត១ម៉ឺនកំណាត់ ដោយជីកកប់ក្នុងរណ្តៅដែលមានជំរៅប្រហែលជា៤ទៅ៥ម៉ែត្រ។
បុគ្គលិកក្រុមហ៊ុននោះបានឱ្យដឹងទៀតថា មូលហេតុដែលជីកដីកប់ឈើទាំងនោះ គឺព្រោះតែខ្លាចឈើប្រេះខូចគុណភាព ដោយសារតែនៅក្នុងឃ្លាំងផ្ទុកឈើមានកម្ដៅខ្លាំង ។ ម្យ៉ាងទៀតឈើកប់ទាំងនោះ ជាប្រភេទឈើលេខ១ មានផ្ចឹក សុក្រំ ឈ្លីក ជាដើម ។ ឈើទាំងនេះ គឺក្រុមហ៊ុន បានបង់ពន្ធចំនួន២លើករួចមកហើយ គិតជាទឹកប្រាក់ជាង៣០ម៉ឺនដុល្លារ ។
សូមបញ្ជាក់ថា ក្រុមហ៊ុនស៊ីវហ្គេចនេះ គឺបានទទួលសិទ្ធិដីសម្បទានសេដ្ឋកិច្ចពីរាជរដ្ឋាភិបាលកាលពីឆ្នាំ២០០៥ ដែលមានផ្ទៃដីចំនួន១ម៉ឺនហិចតា។ ហើយសព្វថ្ងៃដាំដើមកៅស៊ូបានជាង១៥០០ហិចតាហើយ។
ជំនាញរដ្ឋបាលព្រៃឈើពុំអាចទាន់ សន្និដ្ឋានបានថា ឈើទាំងអស់សុទ្ធសឹង ជាឈើប្រណីតឬយ៉ាងណានោះទេ ហើយ មានចំនួនប៉ុន្មានពិតប្រាកដនោះដែរ ដោយសារតែកំពុងធ្វើការជីកកកាយ យកចេញពីរណ្ដៅ ។
ទោះជាយ៉ាងណាក៏ដោយគេមានការសង្ស័យថា ឈើប្រណីតទាំងនោះអាច មានចំនួនប្រហែលជិត១ពាន់ម៉ែត្រគូប ដែលក្រុមហ៊ុននេះអាចនឹងលួចទិញពី តំបន់ផ្សេងៗដើម្បីដាក់បង្កប់ជាមួយឈើស្របច្បាប់ ៕
ប្រភពពី Free Press Magazine
បុគ្គលិកម្នាក់ដែលធ្វើការនៅក្នុងក្រុមហ៊ុននេះបានឲ្យដឹងថា ឈើដែលក្រុមហ៊ុនបានជីកដីកប់នោះ គឺសុទ្ធសឹងតែ ជាឈើប្រណីត មានប្រភេទធ្នង់ និងនាងនួនជាដើមប្រហែលជាជិត១ម៉ឺនកំណាត់ ដោយជីកកប់ក្នុងរណ្តៅដែលមានជំរៅប្រហែលជា៤ទៅ៥ម៉ែត្រ។
បុគ្គលិកក្រុមហ៊ុននោះបានឱ្យដឹងទៀតថា មូលហេតុដែលជីកដីកប់ឈើទាំងនោះ គឺព្រោះតែខ្លាចឈើប្រេះខូចគុណភាព ដោយសារតែនៅក្នុងឃ្លាំងផ្ទុកឈើមានកម្ដៅខ្លាំង ។ ម្យ៉ាងទៀតឈើកប់ទាំងនោះ ជាប្រភេទឈើលេខ១ មានផ្ចឹក សុក្រំ ឈ្លីក ជាដើម ។ ឈើទាំងនេះ គឺក្រុមហ៊ុន បានបង់ពន្ធចំនួន២លើករួចមកហើយ គិតជាទឹកប្រាក់ជាង៣០ម៉ឺនដុល្លារ ។
សូមបញ្ជាក់ថា ក្រុមហ៊ុនស៊ីវហ្គេចនេះ គឺបានទទួលសិទ្ធិដីសម្បទានសេដ្ឋកិច្ចពីរាជរដ្ឋាភិបាលកាលពីឆ្នាំ២០០៥ ដែលមានផ្ទៃដីចំនួន១ម៉ឺនហិចតា។ ហើយសព្វថ្ងៃដាំដើមកៅស៊ូបានជាង១៥០០ហិចតាហើយ។
ជំនាញរដ្ឋបាលព្រៃឈើពុំអាចទាន់ សន្និដ្ឋានបានថា ឈើទាំងអស់សុទ្ធសឹង ជាឈើប្រណីតឬយ៉ាងណានោះទេ ហើយ មានចំនួនប៉ុន្មានពិតប្រាកដនោះដែរ ដោយសារតែកំពុងធ្វើការជីកកកាយ យកចេញពីរណ្ដៅ ។
ទោះជាយ៉ាងណាក៏ដោយគេមានការសង្ស័យថា ឈើប្រណីតទាំងនោះអាច មានចំនួនប្រហែលជិត១ពាន់ម៉ែត្រគូប ដែលក្រុមហ៊ុននេះអាចនឹងលួចទិញពី តំបន់ផ្សេងៗដើម្បីដាក់បង្កប់ជាមួយឈើស្របច្បាប់ ៕
ប្រភពពី Free Press Magazine
