ភ្នំពេញ: ​យុវជន​៣​នាក់ បាន​ជិះ​ម៉ូតូ​១​គ្រឿង បើក​លឿន​ដូច​ហោះ ជ្រុល​ទៅបុក​នារី​ម្នាក់ កំពុង​ជិះ​កង់ ហើយ​ផ្លោង​ទៅ​ធ្លា​ក់លើ​ម៉ូតូ​គុប​១​គ្រឿង ដែល​បើកបរ​ដោយ​នារី​ម្នាក់ ដែល​បើក​នៅ​ពីមុខ​បណ្តាល​ឲ្យ​ដួលរ​ណូ​ករ​ណែ​ក​ពេញ​ផ្លូវ បណ្តាល​ឲ្យ​មនុស្ស​ប្រុស​ស្រី​ចំនួន​៥​នាក់​បាន​រងរបួស​ធ្ងន់​-​ស្រាល​។​
​ហេតុការណ៍​គ្រោះថ្នាក់​នោះ បាន​កើតឡើង​កាលពី​ម៉ោង​២​រសៀល​ថ្ងៃទី​១៨ ខែកុម្ភៈ ឆ្នាំ​២០១៤ នៅតាម​បណ្តោយ​ផ្លូវ​ព្រះមុនីវង្ស មុខ​បុរី​ចំការមន ក្នុង​សង្កាត់​ទន្លេបាសាក់ ខណ្ឌចំការមន​។​
​ក្នុង​ហេតុការណ៍​នេះ​មាន​យុវជន​៣​នាក់​ជិះ​ម៉ូតូ​ហុងដា​សេ​១២៥ ពណ៌​ខ្មៅ ពាក់​ស្លាក​លេខ​ភ្នំពេញ 1BK 9782 ឌុប​គ្នា​៣​នាក់​បើកបរ​ដោយ​ឈ្មោះ ហេង វុទ្ធី អាយុ​២៦​ឆ្នាំ ស្នាក់​នៅក្នុង​សង្កាត់​ចាក់អង្រែលើ​។ ហេង វុទ្ធី បើក​យ៉ាង​លឿន​ចុះ​ពីលើ​ស្ពាន​អាកាស​ក្បាលថ្នល់ ក្នុង​ទិស​​ដៅ​ពី​ត្បូង​ទៅ​ជើង មកដល់​ចំណុចកើតហេតុ​បាន​ជ្រុល​ទៅបុក​នារី​ម្នាក់​ឈ្មោះ ចែម សូ​នី​តា អាយុ​២២​ឆ្នាំ មុខរបរ​លក់ដូរ ស្នាក់នៅ​សង្កាត់​ព្រែកប្រា ដែល​កំពុង​ជិះ​កង់ បណ្តាល​ឲ្យ​ខ្ទាត និង​ផ្លោង​ទៅ​ធ្លា​ក់លើ​នារី​ម្នាក់​ឈ្មោះ កូវ​ ពៅ អាយុ​៤០​ឆ្នាំ ស្នាក់នៅ​សង្កាត់​ចាក់អង្រែ​ក្រោម ខណ្ឌមានជ័យ កំពុងបើក​ម៉ូតូ​គុប​ជ្រុង ពណ៌​ទឹកប៊ិច ពាក់​ស្លាក​លេខ​ភ្នំពេញ 1I-0507 ​បណ្តាល​ឲ្យ​ដួល​ម៉ូតូ និង​កង់ ព្រម​ទាំ​មនុស្ស​រងរបួស​ធ្ងន់​ទាំងសង្ខាង​។​ប៉ូលីស​និយាយថា​អ្នកបើក​ម៉ូតូ​ បង្កហេតុ​នោះ​ស្រវឹង​៕T/L

ប្រភពពី CEN