ស្រឡាញ់គ្នានៅរួមរស់ដូចប្តីប្រពន្ធ ខាងប្រុសបែកចិត្តមានស្រីថ្មី មកលោតទឹកសម្លាប់ខ្លួន
រាជធានី
ភ្នំពេញ ៖ ដោយសារតូចចិត្តរឿងសង្សារ
ដែលនៅរួមរស់ជាមួយគ្នា
ដូចប្តីប្រពន្ធបែកចិត្តមានស្រីថ្មី
ស្ត្រីវ័យក្មេងម្នាក់ បានអារកដៃខ្លួនឯង
រួចដើរឡើងស្ពានជ្រោយចង្វា ប៉ងលោតទឹកសម្លាប់ខ្លួន
តែត្រូវសមត្ថកិច្ចយាមស្ពានឃើញទាន់បានជួយឃាត់នាំមកសាកសួរ នៅប៉ុស្តិ៍គោលដៅទី៣ បង្កឱ្យមានការភ្ញាក់ផ្អើល កាលពីម៉ោង ៩ព្រឹក ថ្ងៃទី១៦ ខែកុម្ភៈ ឆ្នាំ២០១៤។នារីដែលប៉ុនប៉ងលោតទឹកសម្លាប់ខ្លួន មានឈ្មោះ សំ ស្រីរដ្ឋ អាយុ ១៩ឆ្នាំ ស្នាក់នៅផ្ទះជួល ក្នុងសង្កាត់ជ្រោយចង្វារ ខណ្ឌឬស្សីកែវ បាននិយាយថា នាងបានស្រឡាញ់បុរសម្នាក់ និងរួមរស់ជាមួយបុរសនោះ ដូចប្តីប្រពន្ធអញ្ចឹង តែមិនបានរៀបការទេ គ្រាន់តែមានការដឹងឮ ពីឪពុកម្តាយតែប៉ុណ្ណោះ ហើយការរស់នៅ ក្នុងគ្រួសារមិនសូវចុះសម្រុងគ្នាទេ ចេះតែមានទំនាស់គ្នារហូត ធ្វើឱ្យនាងពិបាក ចិត្ត ចង់សម្លាប់ខ្លួន ក៏ដើរមកលោតទឹក លើស្ពានជ្រោយចង្វារតែម្តង៕
ប្រភពពី វត្តភ្នំ
