ត្រីងាប់រាប់តោន ក្នុងបឹងមួយ នៅស្រុកស្រីសន្ធរ
កំពង់ចាម: ត្រីជាច្រើនប្រភេទ បានងាប់រាប់តោន ក្នុងមួយថ្ងៃៗ
នាបឹងដ៏ធំមួយ ក្នុងស្រុកស្រីសន្ធរ ខេត្តកំពង់ចាម
ក្នុងរយៈពេលប៉ុន្មានថ្ងៃមកហើយ។ ករណីត្រីពុលងាប់នេះ មន្ត្រី ជលផល
បានបញ្ជាក់ថា គឺបណ្តាលមកពីការប្រែប្រួលអាកាសធាតុ។
លោក ហ៊ីង សុផាន់រិទ្ធ នាយរងខណ្ឌរដ្ឋបាលជលផលកំពង់ចាម បានប្រាប់ CEN ថា បញ្ហាត្រីជាច្រើនប្រភេទ បានងាប់ក្នុងបឹងមួយ ឈ្មោះ “វ៉ាម” ទំហំជិត ៧០០ ហិកតា ក្នុងស្រុកស្រីសន្ធរនោះ គឺបង្កឡើងដោយសារតែបម្រែបម្រួលអាកាសធាតុ ដូចជា នៅមុនពេលត្រីពុល ទឹកបឹងប្រែពណ៌ ពីធម្មតា មកជាពណ៌ខៀវ , យប់ថ្ងៃទី២២ កុម្ភៈ ភ្លៀងបានធ្លាក់ ,កម្រាស់ភក់ ក្រាស់ពេក នៅបាតបឹង មានកម្ពស់ បី តឹក និងជម្រៅទឹកបឹងចំកណ្តាល តែ ១,៥ ម៉ែត្រ។
លោកនាយរង បានឲ្យដឹងទៀតថា ជុំវិញករណីព័ត៌មានថា ការពុលត្រីកញ្ចុះ ត្រីឆ្លាំង ត្រីឆ្ពិន ត្រីរៀល ត្រីឆ្លូញ ត្រីស្លាត ត្រីក្រពាត់ ត្រីកញ្ជ្រូក ត្រីច្រកែង ត្រីកំភ្លាញ ជាដើម សង្ស័យបណ្តាលមកពីមានអ្នកលួចដាក់ថ្នាំនោះ គឺមិនអាចទេ។ ជាក់ស្តែង សត្វរំពេរ ទាំងហ្វូងៗ បានហើរឆាបស៊ី ហើយសត្វទារបស់អ្នកស្រុកចិញ្ចឹម បានស៊ីត្រី ដែលកំពុងថាពុលនោះ ពួកវាអត់ឃើញងាប់ទេ និងពិសេសគុណភាពសាច់ត្រី ចុងរដូវនេសាទនេះ បរិភោគទៅធុំក្លិនព្រាំធម្មតា។
លោកវរសេនីយ៍ត្រី ខេង ស្រេង អធិការនគរបាលស្រុកស្រីសន្ធរ បានឲ្យដឹងនៅថ្ងៃទី ២៥ ខែកុម្ភៈ នេះដែរថា បឹងដែលមានត្រីពុលប៉ុន្មានថ្ងៃនេះ ជាបឹងដ៏ធំមួយ ក្នុងស្រុកស្រីសន្ធរ ដែលមានប្រជាពលរដ្ឋ ចំនួនបួនឃុំរស់នៅ និងនេសាទជាលក្ខណៈគ្រួសារ ក្នុងនោះ មានឃុំប្រាំយ៉ាម ឃុំផ្ទះកណ្តាល ឃុំបារាយណ៍ និងឃុំព្រែកដំបូក។
លោកអធិការ បានឲ្យដឹងទៀតថា ត្រីចាប់ផ្តើមពុល ថ្ងៃដំបូង នៅថ្ងៃទី២២ កុម្ភៈ បានផ្អើលដល់អ្នកភូមិនាំគ្នាជិះដង និងចាប់យកទៅបរិភោគ និងលក់បន្ត សរុបមួយថ្ងៃពី ពីរ-បី តោន ហើយខាងលោក បានរាយការណ៍ទៅខាងជំនាញជលផល ចុះមកត្រួត ពិនិត្យ នៅថ្ងៃទី២៣ ខែកុម្ភៈ ឆ្នាំ២០១៤។ ប៉ុន្តែនៅថ្ងៃទី២៥ កុម្ភៈនេះ បានថយចុះមកប្រហែលពី មួយតោន ទៅមួយតោនកន្លះប៉ុណ្ណោះ ក្នុងមួយថ្ងៃ៕V/s
ទិដ្ឋភាពត្រីជាច្រើនប្រភេទ
បានពុលក្នុងបឹងដ៏ធំមួយ ក្នុងស្រុកស្រីសន្ធរ
ដែលខាងមន្ត្រីជលផលអះអាងថា បណ្តាលមកពីកត្តាអាកាសធាតុប្រែប្រួល
ប្រភពពី CEN
លោក ហ៊ីង សុផាន់រិទ្ធ នាយរងខណ្ឌរដ្ឋបាលជលផលកំពង់ចាម បានប្រាប់ CEN ថា បញ្ហាត្រីជាច្រើនប្រភេទ បានងាប់ក្នុងបឹងមួយ ឈ្មោះ “វ៉ាម” ទំហំជិត ៧០០ ហិកតា ក្នុងស្រុកស្រីសន្ធរនោះ គឺបង្កឡើងដោយសារតែបម្រែបម្រួលអាកាសធាតុ ដូចជា នៅមុនពេលត្រីពុល ទឹកបឹងប្រែពណ៌ ពីធម្មតា មកជាពណ៌ខៀវ , យប់ថ្ងៃទី២២ កុម្ភៈ ភ្លៀងបានធ្លាក់ ,កម្រាស់ភក់ ក្រាស់ពេក នៅបាតបឹង មានកម្ពស់ បី តឹក និងជម្រៅទឹកបឹងចំកណ្តាល តែ ១,៥ ម៉ែត្រ។
លោកនាយរង បានឲ្យដឹងទៀតថា ជុំវិញករណីព័ត៌មានថា ការពុលត្រីកញ្ចុះ ត្រីឆ្លាំង ត្រីឆ្ពិន ត្រីរៀល ត្រីឆ្លូញ ត្រីស្លាត ត្រីក្រពាត់ ត្រីកញ្ជ្រូក ត្រីច្រកែង ត្រីកំភ្លាញ ជាដើម សង្ស័យបណ្តាលមកពីមានអ្នកលួចដាក់ថ្នាំនោះ គឺមិនអាចទេ។ ជាក់ស្តែង សត្វរំពេរ ទាំងហ្វូងៗ បានហើរឆាបស៊ី ហើយសត្វទារបស់អ្នកស្រុកចិញ្ចឹម បានស៊ីត្រី ដែលកំពុងថាពុលនោះ ពួកវាអត់ឃើញងាប់ទេ និងពិសេសគុណភាពសាច់ត្រី ចុងរដូវនេសាទនេះ បរិភោគទៅធុំក្លិនព្រាំធម្មតា។
លោកវរសេនីយ៍ត្រី ខេង ស្រេង អធិការនគរបាលស្រុកស្រីសន្ធរ បានឲ្យដឹងនៅថ្ងៃទី ២៥ ខែកុម្ភៈ នេះដែរថា បឹងដែលមានត្រីពុលប៉ុន្មានថ្ងៃនេះ ជាបឹងដ៏ធំមួយ ក្នុងស្រុកស្រីសន្ធរ ដែលមានប្រជាពលរដ្ឋ ចំនួនបួនឃុំរស់នៅ និងនេសាទជាលក្ខណៈគ្រួសារ ក្នុងនោះ មានឃុំប្រាំយ៉ាម ឃុំផ្ទះកណ្តាល ឃុំបារាយណ៍ និងឃុំព្រែកដំបូក។
លោកអធិការ បានឲ្យដឹងទៀតថា ត្រីចាប់ផ្តើមពុល ថ្ងៃដំបូង នៅថ្ងៃទី២២ កុម្ភៈ បានផ្អើលដល់អ្នកភូមិនាំគ្នាជិះដង និងចាប់យកទៅបរិភោគ និងលក់បន្ត សរុបមួយថ្ងៃពី ពីរ-បី តោន ហើយខាងលោក បានរាយការណ៍ទៅខាងជំនាញជលផល ចុះមកត្រួត ពិនិត្យ នៅថ្ងៃទី២៣ ខែកុម្ភៈ ឆ្នាំ២០១៤។ ប៉ុន្តែនៅថ្ងៃទី២៥ កុម្ភៈនេះ បានថយចុះមកប្រហែលពី មួយតោន ទៅមួយតោនកន្លះប៉ុណ្ណោះ ក្នុងមួយថ្ងៃ៕V/s
ប្រភពពី CEN
