សមរង្ស៊ី និងកឹមសុខា នឹងឈឺក្បាលជាងមុន ពេលត្រឡប់ចូលប្រទេសនៅសប្តាហ៍ក្រោយ
ភ្នំពេញ: នៅពេលដែលលោក សម រង្ស៊ី និង លោក កឹម សុខា បានវិលត្រឡប់មកកម្ពុជាវិញនៅសប្តាហ៍រក្រោយ ពួកគេនឹងប្រឈមមុខនឹងបញ្ហាថ្មី។ នោះគឺមេចាស់មកដណ្តើមសម្លេងគាំទ្ររបស់គណបក្សប្រឆាំងគឺគណបក្សសង្គ្រោះជាតិ។
លោក សម រង្ស៊ី ត្រូវរំពឹងថានឹងមកដល់កម្ពុជានៅថ្ងៃទី១០ខែមករា បីថ្ងៃបន្ទាប់ពីការវិលត្រឡប់របស់លោកកឹម សុខា ពីប្រទេសអាល្លឺម៉ង់នៅថ្ងៃទី៧ខែមករា។
បន្ទាប់ពីការសប្បាយនៅក្រៅប្រទេសមួយរយៈ មេដឹកនាំប្រឆាំងទាំងពីរប្រហែលជានឹងប្រឈមមុខនឹងការប្រកួតប្រជែងខ្លាំងជាងមុន។ ឥឡូវសត្រូវនយោបាយលែងគ្រាន់តែជាគណបក្សកាន់អំណាច គឺគណបក្សប្រជាជនកម្ពុជាទៀតហើយ។
ហ្វ៊ុនស៊ិនប៉ិច ដែលរួបរួមជាងមុននឹងជាការគំរាមកំហែងថ្មីមួយសម្រាប់គណបក្សសង្គ្រោះជាតិ។ សម្តេចក្រុមព្រះ ទោះបីជាមានកំហុសឆ្គងច្រើននៅក្នុងនយោបាយក្តី ព្រះអង្គក៏ត្រូវបានចាត់ទុកថា ចាត់ទុកថាជាអ្នកនយោបាយដ៏សំខាន់មួយរូបនៅកម្ពុជាដោយឆ្លងកាត់ពិសោធន៍ជាច្រើនទាំងល្អនិងអាក្រក់។
គណបក្សហ្វ៊ុនស៊ិនប៉ិច ក្រោមការដឹកនាំថ្មីរបស់ព្រះអង្គ ប្រហែលជាមិនអាចដណ្តើមតំណែងប្រឆាំងពីគណបក្សសង្គ្រោះជាតិបានទេ។ ប៉ុន្តែយ៉ាងហោចណាស់ ហ្វ៊ុនស៊ិនប៉ិច អាចនឹងបំបែកការគាំទ្រខ្លះចេញពីគណបក្សសង្គ្រោះជាតិទោះបីតិចឬច្រើនក្តី។
លោក គង់ គាំ ប្រធានគណបក្សសម រង្ស៊ី បានទទួលស្គាល់អំពីការគំរាមកំហែងបំបែកសម្លេងគណបក្សសង្គ្រោះជាតិ នៅថ្ងៃនេះ តាមរយៈការលេចចេញវត្តមានរបស់សម្តេចក្រុមព្រះ នៅក្នុងការចូលដឹកនាំហ្វ៊ុនស៊ិនប៉ិចវិញ។
លោក សម រង្ស៊ី និង លោក កឹម សុខា ក៏រឹតតែឈឺក្បាលថែមទៀតដែរ ដោយសារតែមានគំនិតផ្សេងមួយទៀតដែលដឹកនាំដោយលោក កែម ឡី ដែលជាអ្នកវិភាគមួយរូបដើម្បីបង្កើតគណបក្សមូលដ្ឋានថ្មីមួយដែរ។
ព្រឹត្តការណ៍ពីរនេះប្រហែលជានឹងបញ្ចប់រាត្រីទឹកឃ្មុំ ខាងនយោបាយរបស់លោកសម រង្ស៊ី និងកឹម សុខា៕ ប្រភពៈ CEN
