ប្តីកំណាចចាប់ប្រពន្ធអារក តែមិនបានសម្រេច ហើយចាក់ខ្លួនឯងធ្លាយពោះវៀន
ខេត្ដកណ្ដាល ៖ បុរសម្នាក់បានយកកាំបិតត្នោត ចាក់ពោះខ្លួនឯងមួយកាំបិត រួចអូសចុះក្រោម រយះប្រមាណមួយចង្អាម ធ្លាយចេញពោះវៀនមកក្រៅ មើលទៅគួរឱ្យរន្ធត់ កាលពីវេលាម៉ោង ១៣និង៣០ នាទី ថ្ងៃទី១ ខែមករា ឆ្នាំ២០១៤ ស្ថិតក្នុងភូមិទួលសេរី ឃុំទួលព្រេជ ស្រុកអង្គស្នួល ខេត្ដកណ្ដាល ហើយបានលោតចូល ទៅក្នុងអណ្ដូងទឹក ត្រូវបានបងប្អូន ក្រុមគ្រួសារសាច់ញាតិ និងអ្នកជិតខាងនាំគ្នា ប្រញាប់ ប្រញាលដាក់ជណ្ដើរ ចុះទៅស្រង់យកឡើងលើគោក ដឹកទៅសង្គ្រោះ នៅមន្ទីរពេទ្យ កាលម៉ែត ក្នុងរាជធានីភ្នំពេញ។
មុនពេលកើតហេតុ បុរសរងគ្រោះបានចាប់ ស្ដ្រីជាប្រពន្ធអារក តែមិនបានសម្រេច ដូចបំណងដោយសារប្អូនថ្លៃ ជួយទាន់ពេលវេលា។ បុរសរងគ្រោះឈ្មោះ ប្រាក់ សុវណ្ណ អាយុ ៤៥ឆ្នាំ មុខរបរជាកសិករ ចំណែកស្ដ្រីជាប្រពន្ធ ដែលត្រូវប្ដីចាប់អារក ពុំបានសម្រេចនោះ ឈ្មោះ ហៀង ចាន់ថន អាយុ ៣៥ឆ្នាំ ។ អ្នកស្រុកឱ្យដឹងថា ប្ដីប្រពន្ធនេះ មានកូនក្នុងបន្ទុក ៤នាក់ស្រី ២នាក់ បច្ចុប្បន្នរស់នៅ ផ្ទះជាមួយគ្នា ស្ថិតក្នុងភូមិទួលសេរី ឃុំទួលព្រេជ ស្រុកអង្គស្នួល។
សាច់ញាតិបានឲ្យដឹងថា នៅមុនពេលកើតហេតុមួយថ្ងៃ បុរសខាងលើនេះ មានសភាពមិន ស្រួល ដោយក្ដៅខ្លួនរវើរវាយ ហើយត្រូវបានប្រពន្ធ ហៅគ្រូពេទ្យក្នុងភូមិ ឱ្យដាក់ស្សេរ៉ូមអស់មួយកំបោ្លក។ ពេលអស់ស្សេរ៉ូម ហើយនោះបុរសខាងលើ បានដោះម្ជុល ចេញពីដៃដោយខ្លួនឯង ហើយបានដើរទៅ ប្រាប់ម្ដាយក្មេកថា ខ្ញុំចង់សម្លាប់ ប្រពន្ធចោល ។ ក្រោយពីនិយាយចប់ បុរសរូបនេះ បានយកកាំបិតត្នោត ចាប់ប្រពន្ធបម្រុងអារក នៅក្រោមផ្ទះ មុខក្រុមគ្រួសារ ជាច្រើននាក់ ធ្វើឱ្យបុរសជាប្អូនថ្លៃ ស្ទុះចូលទៅចាប់ ទាន់ពេលវេលា ។
លោកអធិការ បានបន្ដទៀតថា បន្ទាប់ពីអារកប្រពន្ធ មិនបានសម្រេចហើយនោះ បុរសខាងលើក៏បាន យកកាំបិតត្នោត ចាក់ពោះខ្លួនឯងមួយកាំបិត រួចអូសចុះក្រោម បណ្ដាលឱ្យរយះ ប្រមាណមួយចង្អាម ធ្លាយចេញពោះវៀន ចេញមកក្រៅគួរឱ្យរន្ធត់ ។ ពេលធ្វើសកម្មភាពរួច បុរសរូបនេះក៏បាន លោតចូលទៅក្នុងអណ្ដូងទឹក នៅក្បែរផ្ទះដែលមាន ជម្រៅប្រមាណ ២,៥ម៉ែត្រ ។ ភ្លាមៗនោះបងប្អូន ក្រុមគ្រួសារសាច់ញាតិ និងអ្នកជិតខាង នាំគ្នាដាក់ជណ្ដើរ ចុះទៅ ស្រង់យកឡើងលើគោក ហៅរថយន្ដសាមុយ ដឹកបញ្ជូនទៅសង្គ្រោះ នៅមន្ទីរពេទ្យកាល់ម៉ែត៕
______________________
ប្រភពព័ត៌មានពី៖ វត្តភ្នំ
ប្រភពព័ត៌មានពី៖ វត្តភ្នំ
