រាជទាយាទថៃដកហូតគោរមងារសាច់ញាតិរបស់ព្រះជាយាក្រោយរឿងអាស្រូវពុករលួយ
រាជទាយាទថៃបានដកហូតគោរមងារតែងតាំងដោយមហាក្សត្ររបស់សាច់ញាតិរបស់ព្រះជាយាទ្រង់ ក្រោយការចាប់ខ្លួនសាច់ញាតិរបស់ព្រះជាយាជាច្រើននាក់ក្នុងករណីពុករលួយដ៏ល្បីរន្ធឺ។ នេះបើយោងតាមវេបសាយដេលីមែលចេញផ្សាយថ្ងៃទី ៣០ ខែវិច្ឆិកា។
រាជទាយាទ មហា វិជរ៉ាលុងកន (Maha Vajiralongkorn) ត្រូវបានគេដឹងថាបានចេញសេចក្ដីបង្គាប់នេះក្រោយពីមនុស្សបីនាក់ដែលមានងារតែងតាំងដោយមហាក្សត្រហៅថា អក្ខរាពង្សព្រះរាជា (Akharaphongpreecha) បានស្ថិតក្នុងចំណោមក្រុមមនុស្សដែលត្រូវចាប់ខ្លួនក្នុងការបង្ក្រាបមួយលើបទល្មើសពុករលួយក្នុងស្ថាប័ននរគបាល។
ការិយាល័យរាជទាយាទ មហា វិជរ៉ាលុងកន ព្រះជន្ម ៦២ វស្សា បានចេញសេចក្តីថ្លែងការណ៍កាលពីថ្ងៃសុក្រ ដោយបញ្ជាឲ្យក្រសួងមហាផ្ទៃដកហូតគោរមងារតែងតាំងដោយក្សត្រពីគ្រួសារព្រះអង្គម្ចាស់ក្សត្រីស្រីរស្មី (Srirasmi) ព្រះជន្ម ៤២ វស្សា។
គ្រួសារទាំងឡាយអាចទទួលបានគោរមងារពីសំណាក់មហាក្សត្រថៃជាថ្នូរនឹងការបម្រើដ៏ស្មោះស្ម័គ្ររបស់ពួកគេ។ គោរមងារអក្ខរាពង្សព្រះរាជានេះត្រូវបានតែងតាំងឲ្យទៅព្រះអង្គម្ចាស់ក្សត្រីស្រីរស្មីក្រោយពីទ្រង់ទាំងពីរបានរៀបអភិសេកក្នុងឆ្នាំ ២០០១។ ទ្រង់ទាំងពីរមានបុត្រាព្រះជន្ម ៩ វស្សាមួយព្រះអង្គ។
ការិយាល័យរាជទាយាទបានឲ្យដឹងក្នុងសេចក្តីថ្លែងការណ៍ថា “បុគ្គលដែលប្រើគោរមងារតែងតាំងដោយមហាក្សត្រនៅខាងចុងនេះត្រូវតែប្តូរទៅឈ្មោះគ្រួសារចាស់របស់ខ្លួនវិញ”។
រាជទាយាទថៃនិងព្រះជាយា ស្រីរស្មីរៀបអភិសេកនៅឆ្នាំ ២០០១ និងមានបុត្រាព្រះជន្ម ៩ វស្សាមួយអង្គ
ការស៊ើបអង្កេតករណីពុករលួយនេះបាននាំឲ្យមានការចាប់អារម្មណ៍យ៉ាងច្រើនចំពោះគ្រួសាររាជវង្សថៃ។ ទោះយ៉ាងណា ដំណឹងទាក់ទងនឹងក្សត្រត្រូវបានរាជវាំងប្រមូលយកយ៉ាងយកចិត្តទុកដាក់។ ក្រោមច្បាប់ប្រមាថព្រះចេស្តា អ្វីៗដែលចាត់ទុកថាជាការប្រមាថ ឬការគំរាមចំពោះរបបរាជានិយមនឹងត្រូវផ្តន្ទាទោសជាប់ពន្ធនាគាររហូតដល់ ១៥ ឆ្នាំ។
មនុស្សសរុប ១៩ នាក់ត្រូវបានចាប់ខ្លួនក្នុងការបង្ក្រាបករណីពុករលួយ ដែលនាំទៅដល់ការបង្ក្រាបជាច្រើន ដែលរឹបអូសបានទ្រព្យសម្បត្តិគិតជាទឹកប្រាក់ចំនួន ១០ លានដុល្លារអាមេរិក។
ក្នុងចំណោមអ្នកដែលត្រូវបានចាប់ខ្លួននោះគឺមានលោកឧត្តមសេនីយ៍ឯកនរគបាល លោក ពង្សផាត់ ឆៃយ៉ាផន អតីតប្រធានការិយាល័យស៊ើបអង្កេតកណ្តាលរបស់ថៃ។ លោកពង្សផាត់ និងមនុស្សច្រើននាក់ទៀតក៏ត្រូវបានចោទប្រកាន់ពីបទប្រើឈ្មោះព្រះមហាក្សត្រដើម្បីផលប្រយោជន៍ផ្ទាល់ខ្លួនផងដែរ៕រាជទាយាទថៃបានដកហូតគោរមងារតែងតាំងដោយមហាក្សត្ររបស់សាច់ញាតិរបស់ព្រះជាយាទ្រង់ ក្រោយការចាប់ខ្លួនសាច់ញាតិរបស់ព្រះជាយាជាច្រើននាក់ក្នុងករណីពុករលួយដ៏ល្បីរន្ធឺ។ នេះបើយោងតាមវេបសាយដេលីមែលចេញផ្សាយថ្ងៃទី ៣០ ខែវិច្ឆិកា។
រាជទាយាទ មហា វិជរ៉ាលុងកន (Maha Vajiralongkorn) ត្រូវបានគេដឹងថាបានចេញសេចក្ដីបង្គាប់នេះក្រោយពីមនុស្សបីនាក់ដែលមានងារតែងតាំងដោយមហាក្សត្រហៅថា អក្ខរាពង្សព្រះរាជា (Akharaphongpreecha) បានស្ថិតក្នុងចំណោមក្រុមមនុស្សដែលត្រូវចាប់ខ្លួនក្នុងការបង្ក្រាបមួយលើបទល្មើសពុករលួយក្នុងស្ថាប័ននរគបាល។
ការិយាល័យរាជទាយាទ មហា វិជរ៉ាលុងកន ព្រះជន្ម ៦២ វស្សា បានចេញសេចក្តីថ្លែងការណ៍កាលពីថ្ងៃសុក្រ ដោយបញ្ជាឲ្យក្រសួងមហាផ្ទៃដកហូតគោរមងារតែងតាំងដោយក្សត្រពីគ្រួសារព្រះអង្គម្ចាស់ក្សត្រីស្រីរស្មី (Srirasmi) ព្រះជន្ម ៤២ វស្សា។
គ្រួសារទាំងឡាយអាចទទួលបានគោរមងារពីសំណាក់មហាក្សត្រថៃជាថ្នូរនឹងការបម្រើដ៏ស្មោះស្ម័គ្ររបស់ពួកគេ។ គោរមងារអក្ខរាពង្សព្រះរាជានេះត្រូវបានតែងតាំងឲ្យទៅព្រះអង្គម្ចាស់ក្សត្រីស្រីរស្មីក្រោយពីទ្រង់ទាំងពីរបានរៀបអភិសេកក្នុងឆ្នាំ ២០០១។ ទ្រង់ទាំងពីរមានបុត្រាព្រះជន្ម ៩ វស្សាមួយព្រះអង្គ។
ការិយាល័យរាជទាយាទបានឲ្យដឹងក្នុងសេចក្តីថ្លែងការណ៍ថា “បុគ្គលដែលប្រើគោរមងារតែងតាំងដោយមហាក្សត្រនៅខាងចុងនេះត្រូវតែប្តូរទៅឈ្មោះគ្រួសារចាស់របស់ខ្លួនវិញ”។
រាជទាយាទថៃនិងព្រះជាយា ស្រីរស្មីរៀបអភិសេកនៅឆ្នាំ ២០០១ និងមានបុត្រាព្រះជន្ម ៩ វស្សាមួយអង្គ
ការស៊ើបអង្កេតករណីពុករលួយនេះបាននាំឲ្យមានការចាប់អារម្មណ៍យ៉ាងច្រើនចំពោះគ្រួសាររាជវង្សថៃ។ ទោះយ៉ាងណា ដំណឹងទាក់ទងនឹងក្សត្រត្រូវបានរាជវាំងប្រមូលយកយ៉ាងយកចិត្តទុកដាក់។ ក្រោមច្បាប់ប្រមាថព្រះចេស្តា អ្វីៗដែលចាត់ទុកថាជាការប្រមាថ ឬការគំរាមចំពោះរបបរាជានិយមនឹងត្រូវផ្តន្ទាទោសជាប់ពន្ធនាគាររហូតដល់ ១៥ ឆ្នាំ។
មនុស្សសរុប ១៩ នាក់ត្រូវបានចាប់ខ្លួនក្នុងការបង្ក្រាបករណីពុករលួយ ដែលនាំទៅដល់ការបង្ក្រាបជាច្រើន ដែលរឹបអូសបានទ្រព្យសម្បត្តិគិតជាទឹកប្រាក់ចំនួន ១០ លានដុល្លារអាមេរិក។
ក្នុងចំណោមអ្នកដែលត្រូវបានចាប់ខ្លួននោះគឺមានលោកឧត្តមសេនីយ៍ឯកនរគបាល លោក ពង្សផាត់ ឆៃយ៉ាផន អតីតប្រធានការិយាល័យស៊ើបអង្កេតកណ្តាលរបស់ថៃ។ លោកពង្សផាត់ និងមនុស្សច្រើននាក់ទៀតក៏ត្រូវបានចោទប្រកាន់ពីបទប្រើឈ្មោះព្រះមហាក្សត្រដើម្បីផលប្រយោជន៍ផ្ទាល់ខ្លួនផងដែរ៕v
