ក្រុមចោរប្រដាប់អាវុធ បាញ់រះប្លន់អ្នកលក់មាស ផ្សារព្រែកតាមាក់ យកមាសជាង៣០តម្លឹង
កណ្តាល: អាជីវករលក់មាសនៅផ្សារព្រែកតាមាក់ចំនួនពីរនាក់
និងអ្នកភូមិម្នាក់បានរងរបួសធ្ងន់ដោយគ្រាប់កាំភ្លើងអាកា
ខណៈក្រុមចោរប្លន់បាញ់រះប្លន់យកថង់មាស របស់ជនរងគ្រោះបានសម្រេច ។
ហេតុការណ៍នេះកើតឡើងកាលពីម៉ោង ជាង៦ យប់ថ្ងៃទី ២៥ ខែកុម្ភៈ ឆ្នាំ២០១៤
នៅមុខផ្ទះជនរងគ្រោះ ស្ថិតនៅភូមិក្នុង ឃុំព្រែកតាមាក់
ស្រុកខ្សាច់កណ្តាល ខេត្តកណ្តាល ។
ជនរងគ្រោះនៃអំពើប្លន់ទី១ .ឈ្មោះ ភឿន ស្រឿន ភេទប្រុស អាយុ៤១ឆ្នាំ មានរបរលក់មាស ប្តូរប្រាក់នៅផ្សារព្រែកតាមាក់ មានទីលំនៅកន្លែងកើតហេតុ។បុរសនេះចោរបាញ់ត្រូវមួយគ្រាប់ចំភ្លៅ ខាងស្តាំ ។ ទី២ ឈ្មោះឡាង ណារិន ភេទប្រុស អាយុ២៧ឆ្នាំ ត្រូវជាប្អូនថ្លៃរបស់ឈ្មោះ ភឿន ស្រឿន ត្រូវចោរបាញ់ របួសត្រង់កំភួនជើងឆ្វេងចំនួនមួយគ្រាប់។ ទី៣ ឈ្មោះប៉ោ សុគន្ធារី ភេទស្រី អាយុ២៧ឆ្នាំ ប្រកបរបរអ៊ុតសក់ ជាអ្នករស់នៅក្បែរផ្ទះកើតហេតុ បានរងរបួសត្រង់ស្មាស្តាំមួយគ្រាប់ ធ្លាយទៅបោះដៃផុត ។
បើតាមក្រុមគ្រួសារជនរងគ្រោះបាននិយាយឲ្យដឹងថា អំពើប្លន់នេះ ពួកចោរមានគ្នា៤នាក់ ប្រដាប់ដោយកាំភ្លើងអាកាស្វ័យបត់ពីរដើម និងកាំភ្លើងខ្លីមួយដើម ។ពួកគេធ្វើសកម្មភាពសាហាវណាស់ ដោយបាញ់រះគ្មានញញើតដៃជាច្រើនគ្រាប់ ។
ឈ្មោះ ភឿន រ៉ានី ត្រូវជាប្អូនជនរងគ្រោះបាននិយាយឲ្យដឹងថា ក្នុងអំពើប្លន់នេះ ក្រុមចោរបានប្រមូលយកស្បោងមាស និងលុយរួមមាន គ្រឿងអលង្ការជាមាសចំនួនជាង២៣តម្លឹង គ្រឿងអលង្ការជាប្លាក់ទីនមានចំនួនជាង២៥តម្លឹង គ្រឿងអលង្ការធ្វើពីប្រាក់ជាង១០តម្លឹង និងប្រាក់រៀលជាង១០លានរៀល ប្រាក់ដុល្លាជាង៦ពាន់ដុល្លារអាមេរិក។
ឈ្មោះ ឈុន វីរៈ រស់នៅក្បែរកន្លែងកើតហេតុបាននិយាយឲ្យដឹងថា នៅវេលាម៉ោងជាង៦ ថ្ងៃកើតហេតុ ជនរងគ្រោះ ភឿន ស្រឿន និងប្រពន្ធរបស់គាត់ឈ្មោះ ឡាង ម៉ាលីន ជិះម៉ូតូមួយគ្រឿងឌុបគ្នា ត្រឡប់មកពីផ្សារព្រែកតាមាក់វិញ ដល់ចំណុចមុខផ្ទះរបស់គាត់ ឈ្មោះឡាង ម៉ាលីន ជាប្រពន្ធ បានចុះពីលើម៉ូតូស្ពាយកាបូបដាក់មាស ដើរទៅបើកទ្វាររបងផ្ទះ ។ ពេលនោះជនសង្ស័យ២នាក់ដែលឈរនៅក្រោមដើមក្រខុប ពីចំហៀងផ្ទះបានស្រែកឲ្យជនរងគ្រោះភឿន ស្រឿន និងប្រពន្ធ ឈប់ ហើយពួកវាស្ទុះទៅចាប់ប្រតាយប្រតប់ដណ្តើមយកស្បោងដាក់មាស ប៉ុន្តែក៏មានការតតាំងពីជនរងគ្រោះ ឃើញដូច្នេះ ឈ្មោះ ឡាង ណារិន ត្រូវជាប្អូនជនរងគ្រោះ បានស្ទុះចូលទៅជួយហើយត្រូវក្រុមចោរដកកាំភ្លើងអាកា ស្វ័យបត់ចេញពីក្នុងបាវ បាញ់រះជាច្រើនគ្រាប់ បណ្តាលឲ្យជនរងគ្រោះជាប្តីត្រូវគ្រាប់ចំជើងដួលនៅនឹងកន្លែង រីឯឈ្មោះ ឡាង ណារិន ជាប្អូនថ្លៃ ក៏ត្រូវគ្រាប់កាំភ្លើងចំជើងរងរបួសដួលនៅខាងមុខផ្ទះដែរ ។ គ្រាដែលជនរងគ្រោះកំពុងដេកដួល ក្រុមជលល្មើសមិនឈប់បាញ់ទេ គឺពួកវាបាញ់រះបន្ថែមជាច្រើនគ្រាប់ទៀត បណ្តាលឲ្យខ្ទាតគ្រាប់ទៅត្រូវនារីឈ្មោះ ប៉ោ សុគន្ធារី ដែលកំពុងឈរនៅតូបអ៊ុតសក់ ក្នុងផ្ទះរបស់ខ្លួន។
ឈុនវីរៈបន្តថាបន្ទាប់ពីជនរងគ្រោះត្រូវរបួសដេកដួលមុខផ្ទះពួកចោរ បានប្រមូលយកស្បោងដាក់លុយនិងលើកយកម៉ូតូរបស់ជនរងគ្រោះឈ្មោះ ឡាង ណារិន ម៉ាកសេ១២៥ មួយគ្រឿងចេញទៅបាត់ ដោយគ្មានការជួយអន្តរាគមន៍ពីសមត្ថកិច្ចទេ។ ទន្ទឹមនឹងអំពើប្លន់ដ៏ព្រហើនមួយនេះប្រជាពលរដ្ឋក្នុងភូមិកើតហេតុ មានការភិតភ័យ និងខ្លាចញញើតបន្ទាប់ក្រុមចោរបាញ់រះប្លន់ដ៏គឃ្លើនគ្មានខ្លាចញញើត បន្តិចទាល់តែសោះ ។
ក្រោយពេលកើតហេតុសមត្ថកិច្ចបានរកឃើញម៉ូតូពណ៌ក្រហមមួយគ្រឿង ដែលគេសង្ស័យថា ជារបស់ក្រុមចោប្លន់, សម្បកកាទូសគ្រាប់អាកា ចំនួន១១គ្រាប់និងបាវការ៉ុងចំនួនបីដែលពួកវាដាក់កាំភ្លើងអាកា ក្នុងនោះមុនពេលធ្វើសកម្មភាពប្លន់ផងដែរ ។ រីឯម៉ូតូចំនួនបីគ្រឿងទៀតគេបានប្រទះឃើញនៅក្នុងគំនរចំបើងក្បែរ កន្លែងកើតហេតុ សមត្ថកិច្ចនៅពុំទាន់ធ្វើការសន្និដ្ឋានទេ រហូតដល់រសៀលថ្ងៃទី ២៦ ខែកុម្ភៈ នេះ ប៉ុន្តែប្រភពមួយជឿថា ការបន្សល់ទុកនូវម៉ូតូទាំងបីគ្រឿង គឺជារបស់ក្រុមចោរប្លន់ ហើយប៉ូលិសកំពុងធ្វើការស្រាវជ្រាវ ៕M/L
ប្រភពពី CEN
ជនរងគ្រោះនៃអំពើប្លន់ទី១ .ឈ្មោះ ភឿន ស្រឿន ភេទប្រុស អាយុ៤១ឆ្នាំ មានរបរលក់មាស ប្តូរប្រាក់នៅផ្សារព្រែកតាមាក់ មានទីលំនៅកន្លែងកើតហេតុ។បុរសនេះចោរបាញ់ត្រូវមួយគ្រាប់ចំភ្លៅ ខាងស្តាំ ។ ទី២ ឈ្មោះឡាង ណារិន ភេទប្រុស អាយុ២៧ឆ្នាំ ត្រូវជាប្អូនថ្លៃរបស់ឈ្មោះ ភឿន ស្រឿន ត្រូវចោរបាញ់ របួសត្រង់កំភួនជើងឆ្វេងចំនួនមួយគ្រាប់។ ទី៣ ឈ្មោះប៉ោ សុគន្ធារី ភេទស្រី អាយុ២៧ឆ្នាំ ប្រកបរបរអ៊ុតសក់ ជាអ្នករស់នៅក្បែរផ្ទះកើតហេតុ បានរងរបួសត្រង់ស្មាស្តាំមួយគ្រាប់ ធ្លាយទៅបោះដៃផុត ។
បើតាមក្រុមគ្រួសារជនរងគ្រោះបាននិយាយឲ្យដឹងថា អំពើប្លន់នេះ ពួកចោរមានគ្នា៤នាក់ ប្រដាប់ដោយកាំភ្លើងអាកាស្វ័យបត់ពីរដើម និងកាំភ្លើងខ្លីមួយដើម ។ពួកគេធ្វើសកម្មភាពសាហាវណាស់ ដោយបាញ់រះគ្មានញញើតដៃជាច្រើនគ្រាប់ ។
ឈ្មោះ ភឿន រ៉ានី ត្រូវជាប្អូនជនរងគ្រោះបាននិយាយឲ្យដឹងថា ក្នុងអំពើប្លន់នេះ ក្រុមចោរបានប្រមូលយកស្បោងមាស និងលុយរួមមាន គ្រឿងអលង្ការជាមាសចំនួនជាង២៣តម្លឹង គ្រឿងអលង្ការជាប្លាក់ទីនមានចំនួនជាង២៥តម្លឹង គ្រឿងអលង្ការធ្វើពីប្រាក់ជាង១០តម្លឹង និងប្រាក់រៀលជាង១០លានរៀល ប្រាក់ដុល្លាជាង៦ពាន់ដុល្លារអាមេរិក។
ឈ្មោះ ឈុន វីរៈ រស់នៅក្បែរកន្លែងកើតហេតុបាននិយាយឲ្យដឹងថា នៅវេលាម៉ោងជាង៦ ថ្ងៃកើតហេតុ ជនរងគ្រោះ ភឿន ស្រឿន និងប្រពន្ធរបស់គាត់ឈ្មោះ ឡាង ម៉ាលីន ជិះម៉ូតូមួយគ្រឿងឌុបគ្នា ត្រឡប់មកពីផ្សារព្រែកតាមាក់វិញ ដល់ចំណុចមុខផ្ទះរបស់គាត់ ឈ្មោះឡាង ម៉ាលីន ជាប្រពន្ធ បានចុះពីលើម៉ូតូស្ពាយកាបូបដាក់មាស ដើរទៅបើកទ្វាររបងផ្ទះ ។ ពេលនោះជនសង្ស័យ២នាក់ដែលឈរនៅក្រោមដើមក្រខុប ពីចំហៀងផ្ទះបានស្រែកឲ្យជនរងគ្រោះភឿន ស្រឿន និងប្រពន្ធ ឈប់ ហើយពួកវាស្ទុះទៅចាប់ប្រតាយប្រតប់ដណ្តើមយកស្បោងដាក់មាស ប៉ុន្តែក៏មានការតតាំងពីជនរងគ្រោះ ឃើញដូច្នេះ ឈ្មោះ ឡាង ណារិន ត្រូវជាប្អូនជនរងគ្រោះ បានស្ទុះចូលទៅជួយហើយត្រូវក្រុមចោរដកកាំភ្លើងអាកា ស្វ័យបត់ចេញពីក្នុងបាវ បាញ់រះជាច្រើនគ្រាប់ បណ្តាលឲ្យជនរងគ្រោះជាប្តីត្រូវគ្រាប់ចំជើងដួលនៅនឹងកន្លែង រីឯឈ្មោះ ឡាង ណារិន ជាប្អូនថ្លៃ ក៏ត្រូវគ្រាប់កាំភ្លើងចំជើងរងរបួសដួលនៅខាងមុខផ្ទះដែរ ។ គ្រាដែលជនរងគ្រោះកំពុងដេកដួល ក្រុមជលល្មើសមិនឈប់បាញ់ទេ គឺពួកវាបាញ់រះបន្ថែមជាច្រើនគ្រាប់ទៀត បណ្តាលឲ្យខ្ទាតគ្រាប់ទៅត្រូវនារីឈ្មោះ ប៉ោ សុគន្ធារី ដែលកំពុងឈរនៅតូបអ៊ុតសក់ ក្នុងផ្ទះរបស់ខ្លួន។
ឈុនវីរៈបន្តថាបន្ទាប់ពីជនរងគ្រោះត្រូវរបួសដេកដួលមុខផ្ទះពួកចោរ បានប្រមូលយកស្បោងដាក់លុយនិងលើកយកម៉ូតូរបស់ជនរងគ្រោះឈ្មោះ ឡាង ណារិន ម៉ាកសេ១២៥ មួយគ្រឿងចេញទៅបាត់ ដោយគ្មានការជួយអន្តរាគមន៍ពីសមត្ថកិច្ចទេ។ ទន្ទឹមនឹងអំពើប្លន់ដ៏ព្រហើនមួយនេះប្រជាពលរដ្ឋក្នុងភូមិកើតហេតុ មានការភិតភ័យ និងខ្លាចញញើតបន្ទាប់ក្រុមចោរបាញ់រះប្លន់ដ៏គឃ្លើនគ្មានខ្លាចញញើត បន្តិចទាល់តែសោះ ។
ក្រោយពេលកើតហេតុសមត្ថកិច្ចបានរកឃើញម៉ូតូពណ៌ក្រហមមួយគ្រឿង ដែលគេសង្ស័យថា ជារបស់ក្រុមចោប្លន់, សម្បកកាទូសគ្រាប់អាកា ចំនួន១១គ្រាប់និងបាវការ៉ុងចំនួនបីដែលពួកវាដាក់កាំភ្លើងអាកា ក្នុងនោះមុនពេលធ្វើសកម្មភាពប្លន់ផងដែរ ។ រីឯម៉ូតូចំនួនបីគ្រឿងទៀតគេបានប្រទះឃើញនៅក្នុងគំនរចំបើងក្បែរ កន្លែងកើតហេតុ សមត្ថកិច្ចនៅពុំទាន់ធ្វើការសន្និដ្ឋានទេ រហូតដល់រសៀលថ្ងៃទី ២៦ ខែកុម្ភៈ នេះ ប៉ុន្តែប្រភពមួយជឿថា ការបន្សល់ទុកនូវម៉ូតូទាំងបីគ្រឿង គឺជារបស់ក្រុមចោរប្លន់ ហើយប៉ូលិសកំពុងធ្វើការស្រាវជ្រាវ ៕M/L
