ស្នាមអាចម៍រុយគឺជាស្នាមអុជតូចដែលមាននៅលើស្បែកមានពណ៌ខ្មៅតូចៗ ស្នាមអាចម៍រុយនេះអាច
កើតឡើងដោយសារតែ ការទទួលទានដំណេកមិនគ្រប់គ្រាន់ មានអារម្មណ៍តាន់តឹង ឬ គិតច្រើនពេក
(ស្រេ្តស) និង បណ្តាលមកពីកោសិកាស្បែកងាប់ ឬ ដុះលូតលាស់មិនបានល្អ។
ប៉ុន្តែ ស្នាមអាចម៍រុយនេះ គឺមានវិធីច្រើនជាច្រើន ដើម្បីព្យាបាលកំចាត់វាចេញពី ស្បែករបស់អ្នកបាន
យ៉ាងងាយស្រួល។ ខាងក្រោមនេះ យើងសូមណែនាំអ្នកឱ្យសាកល្បងនៅវិធីងាយៗ មួយចំនួនដែល
អាចជួយកំចាត់ស្នាមអាចម៍នៅលើផ្ទៃមុខរបស់អ្នក បានដោយខ្លួនឯងនៅផ្ទះ។

វិធីទី១៖ សូមយកទឹកសុទ្ធ ១ស្លាបព្រាកាហ្វេ លាយជាមួយនឹង ម្ស៉ៅ baking soda  ២ស្លាបព្រាកាហ្វេ
រួចកូរចូលគ្នាឱ្យសព្វ លាបនៅលើស្បែកមុខកន្លែងមានអាចម៍រុយ។ សូមព្យាបាលតាមវិធីនេះ ឱ្យបាន
១ ឬ ២ដង ក្នុង​ ១សប្តាហ៍។
ចំណាំ៖ ម្ស៉ៅ baking soda អាចរកទិញបាននៅតាមផ្សារទំនើប។
វិធីទី២៖ សូមយកម្ស៉ៅ cinnamon powder ១ស្លាបព្រាកាហ្វេ លាយជាមួយនឹង  ទឹកក្រូចឆ្មារស្រស់ ១
ស្លាបព្រាកាហ្វេ រួចកូរចូលគ្នាឱ្យសព្វ   បន្ទាប់មក លាបនៅលើស្បែកមុខ  ទុករយៈពេល ១៥នាទី រួច
លាងសំអាតមុខចេញ។
វិធីទី៣៖ សូមយកផ្លែប៉េងប៉ោះ ៤តូចៗ ល្មម ច្របាច់ ឬកិន យកទឹកស្រស់  លាយជាមួយនឹង  ទឹកឃ្មុំ
១ស្លាបព្រាកាហ្វេ រួចលាយជាមួយនឹងម្ស៉ៅអាវ័ន (oatmeal) បន្តិច កូរចូលគ្នាឱ្យសព្វ បន្ទាប់មក យកវា
មកដុសខាត់នៅលើស្បែកមុខរបស់អ្នក ទុករយៈពេល១០នាទី លាងសំអាតមុខចេញ ជាការស្រេច៕