ឃាត់ខ្លួនជនជាតិ វៀតណាមពីរនាក់ ខណៈនាំចូលភ្លុកដំរីឆ្លង ដែននៅព្រលានយន្ត ហោះសៀមរាប
ប្រធានការិយាល័យប្រឆាំងបទល្មើសសេដ្ឋកិច្ចនៃស្នងការដ្ឋាន នគរបាលខេត្ត លោកវរសេនីយ៍ឯក សឿន សេន បានថ្លែងប្រាប់ថា ប្រតិបត្តិការបង្ក្រាបនេះធ្វើឡើងនៅវេលាម៉ោង៩និង៣០នាទីយប់ ថ្ងៃទី១៦ កុម្ភៈ ក្រោមការដឹកនាំដោយលោកជួន សុបញ្ញា ព្រះរាជអាជ្ញារងអមសាលាដំបូងខេត្ត និងមានការចូលរួមផ្ទាល់ដោយកម្លាំងប៉ូលិសស្នងការដ្ឋានខេត្ត និងប៉ូលិសអន្តោប្រវេសន៏ប្រចាំអាកាសយានដ្ឋានផងដែរ។
ជនសង្ស័យទាំងពីរនាក់ ដែលត្រូវបានចាប់ខ្លួននោះម្នាក់ឈ្មោះផាម ខ្វានទ្រៀង (Pham Quang Truong) អាយុ២៣ឆ្នាំ កាន់លិខិតឆ្លងដែនលេខ B5480684 និងម្នាក់ទៀតឈ្មោះបួយវាន់ ទៀង (Bui Van Tuan ) អាយុ៤៥ឆ្នាំ កាន់លិខិត ឆ្លងដែន លេខ B5381992។ជនទាំងពីរនាក់ជាជនជាតិវៀតណាម បានធ្វើដំណើរចេញពីប្រទេសអង់កូឡា (ទ្វីបអាហ្រ្វិ) ឆ្លងកាត់ព្រលានយន្តហោះប្រទេសកូរ៉េ ចូលមកកាន់ព្រលានយន្តហោះសៀមរាប ជាមួយវត្ថុតាងភ្លុកដំរីទម្ងន់៧៩,៥ គីឡូក្រាម ដាក់លាក់ក្នុងវ៉ាលីចំនួនបី ។
លោកបានបន្ថែមថា តាមការសាកសួរឃើញថា វត្ថុតាងភ្លុកដំរីទាំងនេះទំនងជាមិនត្រូវបាននាំចូលសំរាប់ជួញ ដូរនៅក្នុងប្រទេសកម្ពុជាទេ តែទំនងជាត្រូវបាននាំទៅកាន់ប្រទេសវៀតណាម និងប្រទេសចិន ដើម្បីធ្វើជាគ្រឿងលម្អ ឬក៏គ្រឿងអលង្ការផ្សេងៗ ដែលមានតំលៃខ្ពស់។
ក្រុមមន្រ្តីបានអះអាងថា នេះជាករណីដំបូងហើយដែលសមត្ថកិច្ចចម្រុះប្រចាំនៅច្រកអន្តរជាតិខា ងលើធ្វើការបង្រ្កាបបានភ្លុកដំរី នាំចូលពីបរទេស នៅគ្រាប្រទេសវៀតណាមនិងប្រទេសមួយចំនួននៅលើពិភពលោកត្រូវបាន គេរាយការណ៏ថា បានធ្វើការចាប់និងដុតបំផ្លាញចោលនូវភ្លុកដំរី រាប់ពាន់គូកាលពីពេលថ្មីៗកន្លងទៅនេះ៕
ប្រភពពី Free Press Magazine ·
