Sony ប្រកាសចេញម៉ាស៊ីនថត Alpha 7 និង Alpha 7R (Full-frame) [វីឌីអូ]
នៅថ្ងៃពុធនេះក្រុមហ៊ុន Sony ទើបតែបានប្រកាសចេញនូវម៉ាស៊ីនថតប្រភេទឥតប្រើកញ្ចក់ឆ្លុះ (mirrorless full-frame camera) ចំនួនពីរម៉ូដែលគឺ Sony Alpha 7 (α7) និង Alpha 7R (α7R) នេះបើយោងតាមប្រភពពីគេហទំព័រ Engadget ដែលចុះផ្សាយកាលពីព្រឹកមិញ ។ ប្រភពដដែលបានឲ្យដឹងថា Sony Alpha 7 និង Alpha 7R គឺអាចផ្លាស់ប្ដូរកែវឆ្លុះបាន (interchangeable lens ) ហើយ Alpha 7 គឹជាម៉ូដែលតម្លៃទាប ។ ចំពោះលក្ខណសម្បត្តិបច្ចេកទេសរបស់ម៉ាស៊ីនថតទាំងពីរវិញគឺមានចំណុចដូចគ្នាច្រើនដែលមានដូចខាងក្រោម៖
- α7 មាន CMOS sensor 24.3 MP (35mm Full-frame)
- α7R មាន CMOS sensor 36.3 MP (Full-frame)
- ISO 25,600
- Autofocus 25 ចំណុច (ប្រភេទ Hydbrid AF ដែលអាចចាប់ចំណុចផ្សេងៗក្នុងផ្លង់បានលឿន)
- α7 អាចថតជាប់ៗបានចំនួន 5 ប៉ុស្តិ៍ ក្នុងមួយវិនាទី
- α7R អាចថតជាប់ៗគ្នាចំនួន 4 ប៉ុស្ដិ៍ ក្នុងមួយវិនាទី
- អាចថតវីឌីអូ Full HD (60p និង 20p)
- មានអេក្រង់ទំហំ 3-inch (អាចកាច់ឡើងលើបាន ៨៤ ឌឺក្រេ និងកាច់ចុះក្រោមបាន ៤៥ ឌឺក្រេ)
- បច្ចេកវិទ្យាអេក្រង់ XGA OLED
- មាន Wi-Fi, NFC
- មានកែវឆ្លុះប្រវែង 28-70mm F3.5 – F5.6 full- frame
សូមបញ្ជាក់ថាក្រុមហ៊ុន Sony នឹងចាប់ផ្ដើមចែកចាយម៉ាស៊ីនថតទាំងពីរម៉ូដែលនៅក្នុងខែធ្នូ ដោយលក់ក្នុងតម្លៃចាប់ពីរ $1,300 ( Alpha 7) និង $2,300 (Alpha 7R) ៕
សូមទស្សានាវីឌីអូខាងក្រោម៖
