មេដឹកនាំបក្សសង្គ្រោះជាតិ ដឹកនាំក្បួនហែញត្តិទៅដាក់ នៅស្ថានទូត៥
មេដឹកនាំគណបក្សសង្គ្រោះជាតិ បានដឹកនាំក្បួនបាតុកម្មហែញត្តិស្នាមមេដៃ យកទៅដាក់ស្ថានទូតចំនួន៥ នៅព្រឹកថ្ងៃទី២៥ ខែតុលា ដែលជាថ្ងៃចុងក្រោយនៃមហាបាតុកម្ម។ ក្បួនដង្ហែបានធ្វើដំណើរចាកចេញពីទីលានប្រជាធិបតេយ្យ នៅម៉ោងប្រមាណ ៨ និង ៣០នាទី ឆ្ពោះទៅស្ថានទូតអូស្ត្រាលី។
លោក សម រង្ស៊ី បានថ្លែងបន្ទាប់ពីបានដាក់ញត្តិនៅខាងមុខស្ថានទូតប្រទេសអូស្ត្រាលី ថា មន្ត្រីស្ថានទូតដែលចេញមកទទួលញត្តិ បានបង្ហាញជំហរ ស្ថានទូតនេះគេមិនទទួលស្គាល់រដ្ឋាភិបាលបច្ចុប្បន្នទេ ដែលគេចង់ឲ្យមានការបោះឆ្នោតប្រកបដោយសេរី ត្រឹមត្រូវ និងយុត្តិធម៌។ ការហែញត្តិនេះ ក្រុមបាតុករនឹងបន្តដំណើរទៅស្ថានទូតរុស្ស៊ី ជប៉ុន ឥណ្ឌូនេស៊ី និងស្ថានទូតសាធារណរដ្ឋប្រជាមានិតចិន ទៀត។
ប្រភពពី វិទ្យុអាស៊ីសេរី
