ជំហររដ្ឋាភិបាល ចំពោះ បាតុកម្ម ផ្ទុយពីការរំពឹងទុក
មុននេះមានការព្យាករណ៏ជាច្រើនថា រដ្ឋាភិបាលភិបាល នឹងប្រើប្រាសកម្លាំងអន្តរាគមន៏ ដែលខ្លួនទើបបង្ហាត់ថ្មីៗ ដើម្បីបង្ក្រាប បាតុកម្មរយៈពេល៣ថ្ងៃ ដែលដឹកនាំ ដោយគណបក្សសង្រ្គោះជាតិ ។
ទស្សនាវដ្ដី ថែម (TIM Magazine) បាននិយាយកាលពីថ្ងៃអង្គារថា ទីក្រុងភ្នំពេញ ត្រូវបានរៀបចំសម្រាប់ការបង្ហូរឈាមគ្នា ។ ដែលនេះក៏ដូចជាការមើលឃើញ របស់ប្រព័ន្ធផ្សព្វផ្សាយ ភាគច្រើនដែរ ។
ជាការពិតកន្លងទៅ ការធ្វើបាតុកម្ម ដែលផ្ដើមដោយបក្សប្រឆាំង សហគមន៏ប្រជាពលរដ្ឋ ឬអង្គការសង្គមស៊ីវីល ដែលមានជំហរផ្ទុយពីរដ្ឋាភិបាល តែងតែទទួលរងការបង្ក្រាបយ៉ាងធ្ងន់ដៃ ពីកម្លាំងរដ្ឋាភិបាល ។ ប៉ុន្តែផ្ទុយខុស ពីពេល នេះ ។
បាតុកម្មរយៈពេល៣ថ្ងៃ ពីថ្ងៃទី២៣ តុលា ដល់ថ្ងៃទី២៥ តុលា នេះ របស់គណបក្សសង្គ្រោះជាតិ ដែលជាគណបក្សប្រឆាំង ក្នុងប្រទេសកម្ពុជា ត្រូវ គេមើលឃើញថា បាន ប្រព្រឹត្តទៅយ៉ាង រលូន ។ ពិសេសនោះ រហូតដល់ មានការនាំមុខបើកផ្លូវ ដោយកងកម្លាំងរដ្ឋាភិបាលទៀត ផង ។
បែបនេះ ត្រូវបានពួកអ្នកវិភាគមួយចំនួនយល់ថា ជាការផ្លាសប្ដូរ យុទ្ធសាស្ត្រថ្មី របស់រដ្ឋាភិបាល ដើម្បីរក្សាមុខមាត់ ទាំងនៅលើប្រព័ន្ធផ្សព្វផ្សាយ និងលើឆាកអន្តរាជាតិ ។
លោក កែម ឡី អ្នកវិភាគនយោបាយមួយរូប ត្រូវបានដកស្រង់សម្តី ដោយកាសែត ក្នុងស្រុកមួយផ្សាយថ្ងៃទី២៥ តុលា នេះថា “រដ្ឋាភិបាល បានស្ដាប់យោបល់ទីប្រឹក្សា ដើម្បីទទួលបានគំនិត និងផ្ដល់ឱកាស ដល់ប្រជាជន សម្រាប់បង្ហាញខ្លួន…” ៕
ប្រភពពី Free Press Magazine