ល្បួងចូលខារ៉ាអូខេ រួចខ្ចីម៉ូតូមួយភ្លែតបាត់រហូត ចាប់បាននៅខេត្តបាត់ដំបង
ខេត្តពោធិ៍សាត់ ៖ បុរសម្នាក់ត្រូវសមត្ថកិច្ចនគរបាលស្រុកមោងប្ញស្សីខេត្តបាត់ដំបងស្ទាក់ចាប់បាន រួចប្រគល់ឱ្យសមត្ថកិច្ចនគរបាលខេត្តពោធិ៍សាត់ពាក់ព័ន្ធពីបទឆបោកម៉ូតូកាលពីវេលាម៉ោង១ និង៣០នាទីរំលងអធ្រាត្រថ្ងៃទី២១ តុលា ២០១៣ ។
តាមប្រភពពីសមត្ថកិច្ចបានឱ្យដឹងថា ជនសង្ស័យឈ្មោះអែម រុន អាយុ៣៦ឆ្នាំ មានទីលំនៅក្នុងភូមិបឹងកក់ទី១ សង្កាត់ស្រះចក ខណ្ឌដូនពេញ ។ ការឃាត់ខ្លួនជនសង្ស័យខាងលើនេះ យោងតាមពាក្យបណ្តឹងរបស់ប្រជាពលរដ្ឋម្នាក់ឈ្មោះសយ នាង ភេទប្រុស អាយុ៦១ឆ្នាំ ជាម្ចាស់ហាងខារ៉ាអូខេ «ពន្លឺច័ន្ទ» នៅក្នុងសង្កាត់ព្រៃញី ក្រុងពោធិ៍សាត់ ដែលបានចោទប្រកាន់ថា កាលពីយប់ថ្ងៃទី២១ តុលា នោះ ឈ្មោះអែម រុន បានល្បួងកូនប្រុសរបស់គាត់ឈ្មោះនាង ឌីនិត អាយុ១៩ឆ្នាំ ចូលច្រៀងខារ៉ាអូខេនៅហាង «លីនដា» ក្នុងសង្កាត់បន្ទាយដី ។
បន្ទាប់ពីច្រៀងមួយសន្ទុះ ជននេះបានប្រើល្បិចខ្ចីម៉ូតូម៉ាកវីវ៉ា ពាក់ស្លាកលេខពោធិ៍សាត់ 1B 5839 ទៅទិញសាច់ក្លែមមួយភ្លែត ក៏ បាត់រហូតតែម្តង ។ប្រភព ពីកោះសន្តិភាព
