ឪពុកម្តាយស្លាប់ កូនស្រី២នាក់របួសធ្ងន់ ដោយសារគ្រោះថ្នាក់ចរាចរណ៍ លើកំណាត់ផ្លូវជាតិលេខ៥
ក្រុងប៉ោយប៉ែត ៖ បើតាមសេចក្តីរាយការណ៍ពីអ្នកឆ្លើយឆ្លងព័ត៌មានកោះសន្តិភាពបានឱ្យដឹងថា ប្តីប្រពន្ឋ២នាក់ក្នុងនោះស្ត្រីជាប្រពន្ឋមានផ្ទៃពោះផង បានដេកស្លាប់នៅនឹងកន្លែងយ៉ាងអាណោចអាធ័ម ចំណែកកូនស្រី២នាក់របួសធ្ងន់ ខណៈជិះម៉ូតូជួបគ្រោះថ្នាក់ចរាចរណ៍បុករថយន្តដឹកកុងតឺន័រពីក្រោយ ក្នុងទិសដៅស្របទិសគ្នា។
គ្រោះថ្នាក់ដ៏រន្ធត់នេះកើតឡើងកាលពីវេលាម៉ោង២និង២៧នាទីរសៀលថ្ងៃទី១២ តុលា ២០១៣ នៅតាមបណ្តោយផ្លូវជាតិលេខ៥ ស្ថិតក្នុងភូមិផ្សារកណ្តាល សង្កាត់ផ្សារកណ្តាល ក្រុងប៉ោយប៉ែត ។
ជនរងគ្រោះស្លាប់បាត់បង់ជីវិត មិនទាន់ត្រូវបានគេស្គាល់អត្តសញ្ញាណនោះឡើយ ហើយពេលនេះសមត្ថកិច្ចកំពុងចុះត្រួតពិនិត្យ ៕
