ជើងខ្លាំងប្រចាំភូមិ កាប់ចាក់គ្នា នៅកន្លែងលក់ទឹកត្នោតជូរ ព្រោះតែស្រីស្អាត
ភ្នំពេញ: ក្មេងទំនើង២ក្រុម កាប់ចាក់គ្នា ព្រោះតែញ៉ែស្រីស្អាត នៅកន្លែងលក់ទឹកត្នោតជូរ បណ្តាលឲ្យភាគីម្ខាង រងរបួសបែកក្បាល ២នាក់ កាលពីវេលាម៉ោង ៤និង៣០នាទី រសៀល ថ្ងៃទី២១ខែតុលាឆ្នាំ២០១៣ នៅចំណុចភូមិសំបួរ សង្កាត់-ខណ្ឌដង្កោ។
តាមប្រភពព័ត៌មានពីសមត្ថកិច្ច បានឲ្យដឹងថា មុនពេលកើតហេតុ គឺភាគីម្ខាងមានគ្នាប្រហែល១០នាក់ បាននាំគ្នាអង្គុយផឹកទឹកត្នោតជូរ ហើយក៏មានភាគីម្ខាងទៀត មានគ្នា២នាក់ បានបើករថយន្តដឹកម្សៅបៀកជញ្ជាំង បានមកឈប់ ហើយបាននាំគ្នាចូលមកផឹកទឹកត្នោតជូរ ហើយក៍មានការប៉ះពាក្យសំដីជាមួយគ្នា ពីរឿងបើករថយន្តហុយដី ដាក់ជាច្រើនថ្ងៃមកហើយនោះ ស្រាប់តែភាគីម្ខាងដែលមានគ្នា១០នាក់ បាននាំគ្នាស្ទុះមកវាយតែម្តង ដោយមានអ្នកខ្លះ កាន់ដំបង និងចប បណ្តាលឲ្យភាគី ២នាក់ រងរបួសដាច់ម្រាមដៃ និងបែកក្បាល។
តាមប្រភពព័ត៌មានពីសមត្ថកិច្ច បានឲ្យដឹងថា មុនពេលកើតហេតុ គឺភាគីម្ខាងមានគ្នាប្រហែល១០នាក់ បាននាំគ្នាអង្គុយផឹកទឹកត្នោតជូរ ហើយក៏មានភាគីម្ខាងទៀត មានគ្នា២នាក់ បានបើករថយន្តដឹកម្សៅបៀកជញ្ជាំង បានមកឈប់ ហើយបាននាំគ្នាចូលមកផឹកទឹកត្នោតជូរ ហើយក៍មានការប៉ះពាក្យសំដីជាមួយគ្នា ពីរឿងបើករថយន្តហុយដី ដាក់ជាច្រើនថ្ងៃមកហើយនោះ ស្រាប់តែភាគីម្ខាងដែលមានគ្នា១០នាក់ បាននាំគ្នាស្ទុះមកវាយតែម្តង ដោយមានអ្នកខ្លះ កាន់ដំបង និងចប បណ្តាលឲ្យភាគី ២នាក់ រងរបួសដាច់ម្រាមដៃ និងបែកក្បាល។
ប្រភពដដែល បានបន្តថា ការឈានដល់ការវាយប្រហារគ្នានេះ គឺបង្កឡើងមកពីរឿងញ៉ែស្រី ហើយដោយឃើញភាគីម្ខាង ឌឺដងក៏នាំគ្នារត់ទៅទាញយកដំបង និងចប មកវាយបណ្តាលឲ្យមានអ្នករងរបួសទាំងសង្ខាងតែម្តង ហើយភ្លាមៗនោះ ត្រូវបានគេដឹកយកទៅសង្គ្រោះបន្ទាន់នៅមន្ទើរពេទ្យផងដែរ។
ចំណែកជនសង្ស័យ មានឈ្មោះ ហ៊ូយ ហៀ ភេទប្រុស អាយុ២៣ឆ្នាំ ដែលរងរបួសក្បាល មានមុខរបរ ជាអ្នកបើកបរ រថយន្ត និងទី២ឈ្មោះឌួង ដុំ ភេទប្រុស អាយុ១៧ឆ្នាំ ព្រូឡាន អ្នកទាំង២ មានទីលំនៅភូមិមែក ឃុំចុងព្រែក ស្រុកកោះធំ ខេត្តកណ្តាល បច្ចុប្បន្នស្នាក់នៅជាមួយអ៊ុំ ក្នុងភូមិឃុំកើតហេតុខាងលើ។ ជនរងគ្រោះ មានឈ្មោះ ហេង សុខសាន្ត ភេទប្រុស អាយុ២០ឆ្នាំ មុខរបរជាងដែក មានទីលំនៅភូមិសំបួរ សង្កាត់ ខណ្ឌដង្កោ រងរបួសដាច់ម្រាមដៃឆ្វេង។
ក្រោយពីកើតហេតុ កម្លាំងសមត្ថកិច្ចប៉ុស្តិ៍រដ្ឋបាលដង្កោ បានចុះទៅជួយអន្តរាគមន៍ និងឃាត់ខ្លួនជនដៃដល់ចំនួន២នាក់ យកមកឃុំខ្លួនបណ្តោះអាសន្ន នៅអធិការដ្ឋាននគរបាលខណ្ឌដង្កោ ដើម្បីកសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញ ចាត់ការតាមនីតិវិធីច្បាប់៕
ប្រភពពី CEN
