Google ទំនងបិទហាងលក់វ៉ែនតា Google Glass
ក្រុមហ៊ុន Google កំពុងផ្អាក ឬអាចឈប់ចេញលក់ Google Glass ដែលជាផលិតផលវ៉ែនតាឆ្លាតវៃរបស់ខ្លួន។ នេះបើយោងតាមសារព័ត៌មាន BBC និង Financial Times។ វ៉ែនតា Google Glass ត្រូវបានសាធារណជនកោតសរសើរចំពោះបច្ចេកវិទ្យាច្នៃប្រឌិតខ្ពស់ សម្រាប់មនុស្សសម័យថ្មី ប៉ុន្តែនៅទាស់ត្រង់តម្លៃវ៉ែនតានេះមានតម្លៃថ្លៃកប់ពពកដល់ទៅ ១០០០ផោន ឬប្រហែល ១១៦០ដុល្លារ ជាហេតុធ្វើឲ្យសាធារណជនញាក់សាច់នឹងតម្លៃ មិនហ៊ានទិញប្រើ ដោយយល់ថា ខ្ជះខ្ជាយប្រាក់ទៅវិញ។
ហាងលក់នៅទីក្រុងឡុងដុងបានបិទទ្វា ហើយសាធារណជនក៏នឹងមិនអាចទិញវ៉ែនតាឆ្លាតវៃ Google Glass តាមអនឡាញបានទៀតនោះទេនៅរយៈពេលប៉ុន្មានថ្ងៃខាងមុខ។ អតីតនាយកប្រតិបត្តិក្រុមហ៊ុន Nest និងជាអ្នកបង្កើតផលិតផល (Product creator) លោក Tony Fadell បានប្ដូរតួនាទីទទួលខុសត្រូវលើក្រុមការងារផលិតផលវ៉ែនតាឆ្លាតវៃវិញម្ដង ដើម្បីតាមដានថាតើ ផលិតផលនេះអាចរស់រានឡើងវិញជាមួយកំណែប្រែទម្រង់ថ្មីអ្វីឬទេ។ លោក Ivy Rossបច្ចុប្បន្នជាប្រធានគ្រប់គ្រងការអភិវឌ្ឍវ៉ែនតា នឹងរាយការណ៍ស្ថានភាព Google Glass ទៅលោក Fadell។
សារព័ត៌មាន BBC បាននិយាយថា ក្រុមការងារថ្មីរបស់លោក Fadell “នឹងផ្ដោតលើការអភិវឌ្ឍវ៉ែនតាក្រោមកំណែប្រែថ្មីសម្រាប់អនាគត”។ បម្លាស់ប្ដូររចនាសម្ព័ន្ធខ្លះ ស្ថិតក្រោមការគ្រប់គ្រងរបស់លោក Fadell ត្រូវបានក្រុមហ៊ុន Google ប្ដេជ្ញាចិត្ត នឹងអភិវឌ្ឍជំនាន់វ៉ែនតាឱ្យជោគជ័យ ទទួលបានការគាំទ្រប្រើច្រើន។ កន្លងទៅ Google Glass ត្រូវបានលក់តែក្នុងទម្រង់ជាគំរូបឋម (prototype) ក្រោយកម្មវិធី Glass Explorer របស់ក្រុមហ៊ុន Google។
វ៉ែនតានេះត្រូវបានឌីហ្សាញរូបរាងទំនើបទាន់សម័យ មានស៊ុមផលិតពីសារធាតុទីតាញ៉ូម និងកញ្ចក់បាំងពន្លឺ។ លក្ខណៈពិសេសនៅលើ Google Glass មានដូចជា៖
-កម្រិត resolution ស្មើនឹងអេក្រង់ទំហំ ២៥អ៊ីញ
-កាមេរ៉ាទំហំ មេហ្គាភិចហ្សែល ថតបាន 720p
-តំណភ្ជាប់មាន Wi-Fi 802.11b/g និង Bluetooth
-អង្គចងចាំទំហំ 12GB អាច sysnc ជាមួយសេវាកម្ម cloud របស់ Google
-សាកថ្មដោយប្រើឆ្នាំងសាក និងខ្សែ Micro USB
-មានកម្មវិធី MyGlass អាចឱ្យអ្នកប្រើភ្ជាប់ជាមួយស្មាតហ្វូនទាំង Android និង iOS
-កម្រិត resolution ស្មើនឹងអេក្រង់ទំហំ ២៥អ៊ីញ
-កាមេរ៉ាទំហំ មេហ្គាភិចហ្សែល ថតបាន 720p
-តំណភ្ជាប់មាន Wi-Fi 802.11b/g និង Bluetooth
-អង្គចងចាំទំហំ 12GB អាច sysnc ជាមួយសេវាកម្ម cloud របស់ Google
-សាកថ្មដោយប្រើឆ្នាំងសាក និងខ្សែ Micro USB
-មានកម្មវិធី MyGlass អាចឱ្យអ្នកប្រើភ្ជាប់ជាមួយស្មាតហ្វូនទាំង Android និង iOS
ប្រែសម្រួល៖ លី ឈៀន
ប្រភព៖ businessinsider