Facebookចែកអ៊ីនធឺណិតឱ្យមនុស្សប្រើដោយឥតគិតថ្លៃ ដល់កូឡុំប៊ី
យោងតាមទីភ្នាក់ងារព័ត៌មានរ៉យទ័រ (Reuters) ថ្ងៃនេះ ឱ្យដឹងថា គម្រោងចែកចាយអ៊ីនធឺណិតឥតគិតថ្លៃ របស់ក្រុមហ៊ុន Facebook ពេលនេះដំណើរការនៅក្នុងសាធារណរដ្ឋកូឡុំប៊ីហើយ។ លទ្ធផលវិជ្ជមាននៃគម្រោង Internet.org នេះ កើតមានឡើងបន្ទាប់ពីលោក Mark Zuckerberg ម្ចាស់បណ្ដាញសង្គមយក្សនេះ ជួបពិភាក្សាជាមួយប្រធានាធិបតីកូឡុំប៊ីកាលពីថ្ងៃពុធម្សិលមិញ។
លោក Mark Zuckerberg បានបញ្ជាក់នៅលើទំព័រ Facebook កាលពីប៉ុន្មានម៉ោងមុននេះថា លោកទើបបានជួបពិភាក្សាជាមួយលោក Juan Manuel Santos ប្រធានាធិបតីកូឡុំប៊ីបានលទ្ធផលវិជ្ជមាន។ ស្របគ្នានោះដែរ លោកក៏បានប្រកាសដាក់ឱ្យដំណើរការ Internet.org ដល់ប្រជាជននៅទូទាំងសាធារណរដ្ឋកូឡុំប៊ីអាចភ្ជាប់ទំនាក់ទំនងគ្នាយ៉ាងងាយស្រួលជាមួយគម្រោងចែកចាយអ៊ីនធឺណិតឥតគិតថ្លៃ។
ក្នុងកិច្ចខិតខំប្រឹងប្រែងពង្រីកសេវាកម្មប្រើប្រាស់អ៊ីនធឺណិតឥតគិតថ្លៃទៅកាន់ទីផ្សារក្នុងប្រទេសកំពុងអភិវឌ្ឍ ពេលនេះលោក Mark Zuckerberg បានជោគជ័យមួយជំហានទៀតហើយ។ ក្រុមហ៊ុនបណ្ដាញសង្គមដែលមានអាយុជាង ១០ឆ្នាំមកនេះ បានដាក់ចេញកម្មវិធីទូរស័ព្ទ (mobile phone application) សម្រាប់ប្រជាជនកូឡុំប៊ីអាចប្រើប្រាស់សេវាកម្មអនឡាញមួយចំនួនដោយឥតគិតថ្លៃ។ លោក Juan Manuel Santos ប្រធានាធិបតីកូឡុំប៊ីបានមានប្រសាសន៍ថា៖ "យើងកំពុងគិតដល់វិធីសាស្ត្រ ធ្វើយ៉ាងណាប្រើបច្ចេកវិទ្យាឈានទៅសម្រេចគោលដៅដ៏ធំ នាំសុខសន្តិភាពដល់ប្រទេស ដោយការផ្ដល់សមភាព និងវិស័យអប់រំបានប្រសើរឡើង"។
កូឡុំប៊ីគឺជាប្រទេសស្ថិតនៅលើទឹកដីអាមេរិកខាងត្បូង ដែលទទួលបានសេវាកម្ម Internet.org ថ្មីដំបូងគេ ដែលមានការចូលរួមសហការដោយក្រុមហ៊ុនទូរស័ព្ទក្នុងស្រុក Tigo ជាមួយកម្មវិធីទូរស័ព្ទដែលផ្ដល់ដោយ Facebook ដើម្បីអាចប្រើប្រាស់សេវាកម្មអនឡាញឥតគិតថ្លៃបាន។ គម្រោង Internet.org នឹងផ្ដល់នូវសេវាកម្មជាច្រើនទៀតសម្រាប់ប្រជាជនកូឡុំប៊ីប្រើប្រាស់ឥតគិតថ្លៃនៅលើប្រព័ន្ធប្រតិបត្តិ Android ដែលរួមមាន encyclopedia Wikipedia អនឡាញ, វែបសាយព្យាករណ៍អាកាសធាតុ (Weather website), សេវាកម្មស្វែងរកការងារ និងពាក់ព័ន្ធព័ត៌មានសុខភាព ក៏ដូចជាបណ្ដាញសង្គមរបស់ Facebook ផ្ទាល់ និងសេវាកម្មផ្ញើសារអនឡាញជាដើម។
(បញ្ជាក់៖ ការភ្ជាប់ចូលប្រើសេវាកម្មទាំងឡាយខាងលើគឺដោយឥតគិតថ្លៃ ប៉ុន្តែតំណភ្ជាប់ទៅកាន់ប្រភពព័ត៌មានលំអិតលើគេហទំព័រដទៃទៀត គឺតម្រូវឱ្យអ្នកប្រើចំណាយប្រាក់លើទិន្នន័យអ៊ីនធឺណិត (Data))។
សូមបញ្ជាក់ថា សេវាកម្មផ្ដល់អ៊ីនធឺណិតឥតគិតថ្លៃរបស់ Facebook ត្រូវបានដាក់ចេញឱ្យប្រើដំបូងនៅក្នុងប្រទេសហ្សំប៊ី (Zambia) កាលពីខែកក្កដា ឆ្នាំ២០១៤ កន្លងទៅ។ រយៈពេល ៤ឆ្នាំមកនេះ Facebook មានក្រុមហ៊ុនដែលជាដៃគូសហការផ្ដល់សេវាកម្ម Wireless ដល់ខ្លួនប្រមាណ ១៥០ក្រុមហ៊ុន ដើម្បីផ្ដល់សេវាអ៊ីនធឺណិតប្រើប្រាស់ឥតគិតថ្លៃ ឬបញ្ចុះតម្លៃសម្រាប់ការប្រើប្រាស់បណ្ដាញសង្គមរបស់ខ្លួន។
Facebook សង្ឃឹមថាគម្រោង Internet.org នឹងជួយឱ្យមនុស្សលើពិភពលោកប្រមាណជាង ៤ពាន់លាននាក់ អាចប្រើប្រាស់ដោយឥតគិតថ្លៃ នៅអាហ្រ្វិក (Africa) និងឥណ្ឌា (India)។ តាមរយៈគម្រោងនេះ ក៏នឹងធ្វើឱ្យចំនួនអ្នកប្រើ Facebook កាន់តែកើនឡើងថែមទៀត ខណៈ ដែលបច្ចុប្បន្ន (តួលេខចុងក្រោយ) គឺមានអ្នកប្រើប្រាស់សរុប ១,៣២ពាន់លានគណនី៕
ប្រែសម្រួល៖ លី ឈៀន
លោក Mark Zuckerberg បានបញ្ជាក់នៅលើទំព័រ Facebook កាលពីប៉ុន្មានម៉ោងមុននេះថា លោកទើបបានជួបពិភាក្សាជាមួយលោក Juan Manuel Santos ប្រធានាធិបតីកូឡុំប៊ីបានលទ្ធផលវិជ្ជមាន។ ស្របគ្នានោះដែរ លោកក៏បានប្រកាសដាក់ឱ្យដំណើរការ Internet.org ដល់ប្រជាជននៅទូទាំងសាធារណរដ្ឋកូឡុំប៊ីអាចភ្ជាប់ទំនាក់ទំនងគ្នាយ៉ាងងាយស្រួលជាមួយគម្រោងចែកចាយអ៊ីនធឺណិតឥតគិតថ្លៃ។
ក្នុងកិច្ចខិតខំប្រឹងប្រែងពង្រីកសេវាកម្មប្រើប្រាស់អ៊ីនធឺណិតឥតគិតថ្លៃទៅកាន់ទីផ្សារក្នុងប្រទេសកំពុងអភិវឌ្ឍ ពេលនេះលោក Mark Zuckerberg បានជោគជ័យមួយជំហានទៀតហើយ។ ក្រុមហ៊ុនបណ្ដាញសង្គមដែលមានអាយុជាង ១០ឆ្នាំមកនេះ បានដាក់ចេញកម្មវិធីទូរស័ព្ទ (mobile phone application) សម្រាប់ប្រជាជនកូឡុំប៊ីអាចប្រើប្រាស់សេវាកម្មអនឡាញមួយចំនួនដោយឥតគិតថ្លៃ។ លោក Juan Manuel Santos ប្រធានាធិបតីកូឡុំប៊ីបានមានប្រសាសន៍ថា៖ "យើងកំពុងគិតដល់វិធីសាស្ត្រ ធ្វើយ៉ាងណាប្រើបច្ចេកវិទ្យាឈានទៅសម្រេចគោលដៅដ៏ធំ នាំសុខសន្តិភាពដល់ប្រទេស ដោយការផ្ដល់សមភាព និងវិស័យអប់រំបានប្រសើរឡើង"។
កូឡុំប៊ីគឺជាប្រទេសស្ថិតនៅលើទឹកដីអាមេរិកខាងត្បូង ដែលទទួលបានសេវាកម្ម Internet.org ថ្មីដំបូងគេ ដែលមានការចូលរួមសហការដោយក្រុមហ៊ុនទូរស័ព្ទក្នុងស្រុក Tigo ជាមួយកម្មវិធីទូរស័ព្ទដែលផ្ដល់ដោយ Facebook ដើម្បីអាចប្រើប្រាស់សេវាកម្មអនឡាញឥតគិតថ្លៃបាន។ គម្រោង Internet.org នឹងផ្ដល់នូវសេវាកម្មជាច្រើនទៀតសម្រាប់ប្រជាជនកូឡុំប៊ីប្រើប្រាស់ឥតគិតថ្លៃនៅលើប្រព័ន្ធប្រតិបត្តិ Android ដែលរួមមាន encyclopedia Wikipedia អនឡាញ, វែបសាយព្យាករណ៍អាកាសធាតុ (Weather website), សេវាកម្មស្វែងរកការងារ និងពាក់ព័ន្ធព័ត៌មានសុខភាព ក៏ដូចជាបណ្ដាញសង្គមរបស់ Facebook ផ្ទាល់ និងសេវាកម្មផ្ញើសារអនឡាញជាដើម។
(បញ្ជាក់៖ ការភ្ជាប់ចូលប្រើសេវាកម្មទាំងឡាយខាងលើគឺដោយឥតគិតថ្លៃ ប៉ុន្តែតំណភ្ជាប់ទៅកាន់ប្រភពព័ត៌មានលំអិតលើគេហទំព័រដទៃទៀត គឺតម្រូវឱ្យអ្នកប្រើចំណាយប្រាក់លើទិន្នន័យអ៊ីនធឺណិត (Data))។
សូមបញ្ជាក់ថា សេវាកម្មផ្ដល់អ៊ីនធឺណិតឥតគិតថ្លៃរបស់ Facebook ត្រូវបានដាក់ចេញឱ្យប្រើដំបូងនៅក្នុងប្រទេសហ្សំប៊ី (Zambia) កាលពីខែកក្កដា ឆ្នាំ២០១៤ កន្លងទៅ។ រយៈពេល ៤ឆ្នាំមកនេះ Facebook មានក្រុមហ៊ុនដែលជាដៃគូសហការផ្ដល់សេវាកម្ម Wireless ដល់ខ្លួនប្រមាណ ១៥០ក្រុមហ៊ុន ដើម្បីផ្ដល់សេវាអ៊ីនធឺណិតប្រើប្រាស់ឥតគិតថ្លៃ ឬបញ្ចុះតម្លៃសម្រាប់ការប្រើប្រាស់បណ្ដាញសង្គមរបស់ខ្លួន។
Facebook សង្ឃឹមថាគម្រោង Internet.org នឹងជួយឱ្យមនុស្សលើពិភពលោកប្រមាណជាង ៤ពាន់លាននាក់ អាចប្រើប្រាស់ដោយឥតគិតថ្លៃ នៅអាហ្រ្វិក (Africa) និងឥណ្ឌា (India)។ តាមរយៈគម្រោងនេះ ក៏នឹងធ្វើឱ្យចំនួនអ្នកប្រើ Facebook កាន់តែកើនឡើងថែមទៀត ខណៈ ដែលបច្ចុប្បន្ន (តួលេខចុងក្រោយ) គឺមានអ្នកប្រើប្រាស់សរុប ១,៣២ពាន់លានគណនី៕
ប្រែសម្រួល៖ លី ឈៀន
ប្រភព៖ reuters
