យន្តហោះពីរគ្រឿងផ្សេងទៀតជួបបញ្ហា សប្ដាហ៍នេះ
បញ្ហាគ្រោះថ្នាក់ផ្លូវអាកាស កំពុងក្លាយជាប្រធានបទដ៏ក្ដៅគគុក ដែលបន្តតាំងពីឆ្នាំ២០១៤ រហូតមកដល់ឆ្នាំ២០១៥។ ក្នុងសប្ដាហ៍នេះដែរ យន្តហោះនានាបានជួបបញ្ហាជាបន្តបន្ទាប់ ក្នុងនោះមានទាំងជើងហោះហើររបស់អាមេរិក និងបារាំងផងដែរ។
១. ជើងហោះហើរអាមេរិក ផ្ទុះបែកកង់៤
យន្តហោះដឹកអ្នកដំណើរម៉ាក Boeing 767-300 ដែលកំពុងដឹកមនុស្សប្រហែល ២០០នាក់ ធ្វើការហោះហើរចេញពីក្រុង Dallas សហរដ្ឋអាមេរិក បានផ្ទុះបែកកង់៤ ពេលចុះចតនៅព្រលានយន្តហោះអន្តរជាតិមួយនៃប្រទេសប្រេស៊ីល។ យ៉ាងណាក្ដី អ្នកដំណើរនៅលើជើងហោះហើរ Flight AA251 ដែលហោះហើររយៈពេល ១០ម៉ោងនេះ ពុំមានរងរបួសអ្វីទេ ប៉ុន្តែគេឃើញមានផ្សែងហ៊ុយចេញពីកង់ ព្រមទាំងអូសលើផ្លូវបណ្ដាលឲ្យមានស្នាមផងដែរ។
សូមទស្សនាវីដេអូ៖
២. ជើងហោះហើរបារាំង ចុះចតបន្ទាន់
យន្តហោះប្តូរទិសដៅចុះចតបន្ទាន់ពេលមានសញ្ញាប្រកាសអាសន្ន
ជើងហោះហើរបារាំង ដែលកំពុងដឹកអ្នកដំណើរ ២៦៩នាក់ ព្រមទាំងក្រុមការងារ ១៧នាក់ បានធ្វើការចុះចតបន្ទាន់នៅព្រលានយន្តហោះក្រុង Montreal ប្រទេសកាណាដា។ មូលហេតុដែលធ្វើឲ្យយន្តហោះធុន Boeing 777-300 ចុះចតបន្ទាន់ គឺដោយសារ កៅអីថ្នាក់ជំនួញ (business class seat ) មួយដែលគ្មានមនុស្សអង្គុយ បានឡើងកម្ដៅ រហូតដល់មានសញ្ញាប្រកាសអាសន្ន។ ទោះយ៉ាងណា ជើងហោះហើរចេញពីក្រុងប៉ារីសនេះ បានបន្តដំណើរឆ្ពោះទៅគោលដៅព្រលានយន្តហោះអន្តរជាតិ Washington Dulles ២ម៉ោងក្រោយមានការត្រួតពិនិត្យពីអ្នកពន្លត់អគ្គីភ័យ។
អ្នកពន្លត់អគ្គីភ័យកំពុងត្រួតពិនិត្យ
ប្រែសម្រួល៖ គង់ វិសាល
ប្រភព៖ Daily mail
ប្រភព៖ Daily mail
