ឥណ្ឌាគ្រោងសាងសង់រោងចក្រថាមពលព្រះអាទិត្យធំជាងគេបំផុតនៅលើលោក
ឥណ្ឌានៅពេលនេះត្រូវបានគេមើលឃើញថា កំពុងបង្ហាញការប្ដេជ្ញាចិត្តរបស់ខ្លួនដើម្បីក្លាយទៅជាមហាអំណាចតែមួយគត់នៅលើពិភពលោកដែលមានរោងចក្រផលិតថាមពលអគ្គិសនីចេញពីពន្លឺព្រះអាទិត្យ(The Largest Solar Power Plant) ធំជាងគេបំផុត។
ជាមួយអនុភាពផ្តល់ថាមពលអគ្គសនីដែលគេរំពឹងថាមានរហូតដល់ប្រមាណ ៧៥០ មេកាវ៉ាត់គម្រោងសាងសង់រោងចក្រប្រើប្រាស់សូឡាស្រូបយកពន្លឺព្រះអាទិត្យខាងលើអាចមានលទ្ធភាពផ្គត់ផ្គង់ថាមពលអគ្គិសនីដល់គេហដ្ឋានប្រជាពលរដ្ឋប្រមាណ ៤,១ លាន។
នៅពេលនេះក្រុមហ៊ុន SunEdison បានចុះអនុសារណៈយោគយល់គ្នារួចហើយក្នុងការអភិវឌ្ឍគម្រោងមួយនេះនៅរដ្ឋ Rajasthan ដែលនឹងបញ្ចប់រួចរាល់នៅក្នុងឆ្នាំ ២០១៥ នេះហើយ។
សូមបញ្ជាក់ថា បច្ចុប្បន្ននេះរោងចក្រផលិតថាមពលអគ្គិសនី (Topaz Power Plant) របស់អាមេរិកគឺជារោងចក្រទាញយកថាមពលព្រះអាទិត្យធំជាងគេបំផុតនៅលើពិភពលោកដែលអាចផលិតថាមពលអគ្គិសនីបាន ៥៥០ មេការ៉ាត់។ ប៉ុន្តែ នៅឆ្នាំ ២០១៥ នេះ រោងចក្រអគ្គិសនីរបស់ឥណ្ឌានឹងចូលមកជំនួសតំណែងនេះហើយ៕
ប្រែសម្រួល៖ ខេវិន
ប្រែសម្រួល៖ ខេវិន
ប្រភព៖ Businessinsider
