យន្តហោះប្រយុទ្ធរបស់អ៊ុយក្រែនត្រលប់មកមូលដ្ឋានវិញក្នុងថ្ងៃ MH17 ត្រូវបាញ់ធ្លាក់ដោយ “បាត់” កាំជ្រួចអស់
ស្ថានីយ៍វិទ្យុផ្សាយសម្លេងរបស់រុស្ស៊ី បានដកស្រង់ព័ត៌មានសម្ងាត់ប្រាប់ឲ្យដឹងថា យន្តហោះប្រយុទ្ធ Su-25 របស់អ៊ុយក្រែនបានវិលត្រលប់មកមូលដ្ឋានវិញ ដោយគ្មានឃើញកាំជ្រួច ហើយអ្នកបើកបរក៏មានសភាពតក់ស្លុត ក្នុងថ្ងៃ MH17 ជួបសោកនាដកម្មត្រូវធ្លាក់ឆេះដោយរងគ្រាប់ ។
ប្រភពដដែលអះអាងថាៈ នៅថ្ងៃកើតសោកនាដកម្មធ្លាក់យន្តហោះ Boeing 777 នៃជើងហោះហើរ MH17 របស់ម៉ាឡេស៊ី នៅជិត Donetsk នោះយន្តហោះប្រយុទ្ធ Su-25 របស់អ៊ុយក្រែនដែលមានភ្ជាប់កាំជ្រួច បានហោះហើរពីអាកាសយានដ្ឋាន តែពេលវិលត្រលប់មកវិញ គេពុំឃើញមានគ្រាប់កាំជ្រួចបំពាក់ទេ, រីឯអាកាយានិកមានសភាពតក់ស្លុតយ៉ាងខ្លាំង ។
យន្តហោះប្រយុទ្ធ Su-25
វិទ្យុរុស្ស៊ីនៅបានបញ្ជាក់ថា ព័ត៌មាននេះត្រូវបានដកស្រង់ពីកាសែត Komsomolskaya Pravda ដែលកាសែតនេះបានទទួលផ្ទាល់ពីបុគ្គលិកម្នាក់នៅមូលដ្ឋានទ័ពអាកាសអ៊ុយក្រែនប្រាប់ឲ្យដឹង ។ បុគ្គលិករូបនោះពុំត្រូវបានបញ្ចេញឈ្មោះទេ ដោយគេដាក់រហស្សនាមថាៈ “សាក្សីសម្ងាត់” ។
ប្រភពព័ត៌មានឲ្យដឹងថា សាក្សីរូបនោះនៅទីក្រុង Dnepropetrovsk ភូមិ Aviatorsk នាថ្ងៃកើតហេតុនោះ ។
Clip MH17 កំពុងធ្លាក់ឆេះសន្ធោសន្ធៅ
នៅល្ងាចថ្ងៃទី ១៧ កក្កដា ១ម៉ោងមុនពេលយន្តហោះ Boeing ធ្លាក់ មានយន្តហោះប្រយុទ្ធ ៣ គ្រឿង បានចាកចេញពីបន្ទាយ តែមាន១គ្រឿងប៉ុណ្ណោះ មានបំពាក់កាំជ្រួច ។ មិនយូរប៉ុន្មានក្រោយមក យន្តហោះនេះបានវិលត្រលប់មកបន្ទាយវិញ ដោយ “ពុំឃើញ” មានកាំជ្រួចទៀតទេ ។
Video រុស្ស៊ី ប្រកាសពីរូបភាពផ្កាយរណបបង្ហាញថា MH17 ត្រូវយន្តហោះប្រយុទ្ធបាញ់ទម្លាក់
បើតាម “សាក្សីសម្ងាត់” ប្រាប់ទៅកាសែតនេះថាៈ អ្នកបើកបរយន្តហោះពិឃាត MH17 គឺជាអនុសេនីយ៍ឯក Voloshin Vladislav អាយុប្រមាណ ៣០ ឆ្នាំ ៕
អ្នកបើកយន្តហោះប្រយុទ្ធ Su-25 ឈ្មោះ Voloshin Vladislav ត្រូវចោទប្រកាន់ថាបានបាញ់ទម្លាប់ MH17
