តួឯកប្រុសរឿង Transformers ត្រូវស្រីរំលោភ
តារាហូលីវូដ Shia LaBeouf វ័យ២៨ឆ្នាំ បានបង្ហាញការពិតថា ខ្លួនត្រូវមនុស្សស្រីម្នាក់រំលោភ កាលពីថ្ងៃបុណ្យនៃក្ដីស្រលាញ់នាឆ្នាំកន្លងទៅ ទៅដល់មនុស្សផ្សេងៗបានដឹងក្នុងកម្មវិធីសម្ដែងសិល្បៈរបស់ខ្លួនមួយឈ្មោះ “#IAMSORRY” ឯវិចិត្រសាល Stephen Cohen Gallery ក្នុងរដ្ឋ California សហរដ្ឋអាមេរិក។
តួឯកក្នុងរឿង Transformers រូបនេះថា៖ “នារីរូបនោះបានទាញជើងរបស់ខ្ញុំកន្ធែក ហើយចាប់ផ្ដើមដោះសំលៀកបំពាក់របស់ខ្ញុំ រួចធ្វើការរំលោភខ្ញុំ”។
ពេលដែលខ្លួនត្រូវបានគេរំលោភ មិត្តស្រីរបស់ Shia នាង Mia Goth ក៏នៅមិនឆ្ងាយពីទីនោះដែរ ហើយក៏កំពុងរង់ចាំខ្លួនទៀតផង។ ប៉ុន្តែក្រោយពីត្រូវគេរំលោភហើយ តារាអាមេរិករូបនេះបានផ្អាកលែងជួបសង្សារខ្លួនរយៈពេលដល់ទៅប្រាំថ្ងៃដោយមិនបានពន្យល់ពីមូលហេតុអ្វីទាំងអស់។
តារាភាពយន្តរូបនេះក៏មានប្រវត្តិមិនសូវល្អប៉ុន្មានដែរ។ កាលពីខែមិថុនាកន្លងទៅ រូបគេធ្លាប់ត្រូវបានចាប់ខ្លួនពីបទល្មើសទាក់ទងនឹងការបន្លំលុយ ការប្រើអាកប្បកិរិយាច្រងេងច្រងាង និងបង្កើតភាពអាម៉ាស់ទៅលើផលិតកម្ម Cabaret។
តែទោះបីយ៉ាងណា ចៅក្រមក៏បានថ្លែងកោតសរសើរដល់ Shia បន្ទាប់ពីលោកបានបង្ហាញភាពរីកចម្រើននៃការព្យាបាលលើជំងឺខ្លះការអត់ធ្មត់ពេលស្រវឹងឲ្យប្រសើរឡើងវិញ៕
ប្រភព៖ dailymail
