ឡានពាក់ស្លាកលេខរដ្ឋសភា បើកបុកតូបលក់សាំង ឆេះផ្អើលទាំងយប់ ស្ត្រីម្នាក់រងរបួសធ្ងន់
ខេត្តបាត់ដំបង ៖ តូបលក់សាំងមួយកន្លែង
ត្រូវរថយន្តពាក់ស្លាកលេខរដ្ឋសភា
បើកបុកបណ្តាលឲ្យឆេះផ្អើលទាំងយប់
ហើយស្ត្រីជាម្ចាស់តូប បានរលាករលួយ រងរបួសធ្ងន់
ត្រូវសាច់ញាតិដឹកយកទៅសង្គ្រោះ នៅគ្លីនិកឯកជន
កាលពីវេលាម៉ោង ២២និង៣០ នាទី
យប់ថ្ងៃទី១៨ ខែកុម្ភៈ ឆ្នាំ២០១៤ នៅចំណុចមុខក្លិបកំសាន្តស្តាឡាយ
ស្ថិតក្នុងភូមិអូរតាគាំ៣ សង្កាត់ទួលតាឯក ក្រុងបាត់ដំបង។
សាក្សីបានអោយដឹងថា រថយន្តបង្កម៉ាក អ៊ីស៊ុយហ្ស៊ុយ ពណ៌សម្បកឪឡឹក ពាក់ស្លាកលេខ រដ្ឋសភា 2-035 ជាកម្មសិទ្ធរបស់លោក ទេស ហ៊ាញ អតីតសមាជិករដ្ឋសភា បើកបរដោយឈ្មោះ ម៉ាប់ អាយុជាង ២០ឆ្នាំ ត្រូវជាកូនប្រុសលោក ទេស ហ៊ាញ មានទីលំនៅ ក្នុងភូមិ-សង្កាត់ ទួលតាឯក ក្រុងបាត់ដំបង។ ចំណែកស្ត្រីរងគ្រោះ ដែលត្រូវភ្លើងឆេះ មានឈ្មោះ តាំ អេង ហៅវ៉ិត អាយុ ៥២ឆ្នាំ មុខរបរលក់ចាប់ហួយ និងសាំង រងរបួសពេញដងខ្លួន ដៃ ក ដើមទ្រូងនិងសក់មានទីលំនៅ ក្នុងភូមិកើតហេតុ ហើយសាំងជាច្រើនដប ត្រូវឆេះបំផ្លាញអស់ គិតជាទឹកប្រាក់ជាង ១៥០០ ដុល្លារ។
សាក្សីបានឲ្យដឹងថា មុនពេលកើតហេតុ កូនប្រុសលោក ទេស ហ៊ាញ បានបើករថយន្តចេញ ពីកន្លែងផឹកស៊ី ហើយមានភាពស្រវឹងជោក ជ្រុលទៅបុកតូបលក់ចាប់ហួយ និងលក់សាំង កន្លែងដែលសង់ នៅកាច់ជ្រុងជាប់ចិញ្ចើមថ្នល់ ពេញមួយទំហឹង កើតចេញជាអណ្តាតភ្លើង ឆាបឆេះតូបខ្ទេចអស់គ្មានសល់ និងឆាបឆេះស្ត្រីម្នាក់ ដែលជាម្ចាស់តូប បណ្តាលឲ្យរបួសធ្ងន់ ត្រូវបានអ្នកជិតខាង ដឹកយកទៅមន្ទីរពេទ្យឯកជន សុវណ្ណ ជាបន្ទាន់ ហើយក្រោយពេលបង្កហេតុ អ្នកបើករថយន្ត បានព្យាយាមបើករត់ចូល ទៅក្នុងផ្ទះរបស់ខ្លួន។
សមត្ថកិច្ចក្រុមបង្ការបង្ក្រាប នៃស្នងការដ្ឋាននគរបាលខេត្ត បានបើករថយន្តដេញតាម រហូតទៅដល់ផ្ទះ ស្រាប់តែលោក ទេស ហ៊ាញ ចេញមុខមកអន្តរាគមន៍ មិនឲ្យសមត្ថកិច្ច នាំយករថយន្ត និងកូនប្រុស របស់លោក ទៅការិយាល័យចរាចរណ៍ផ្លូវគោកឡើយ ដោយលោកនិយាយថា រង់ចាំដោះស្រាយនៅថ្ងៃស្អែក។ នគរបាលចរាចរណ៍ខេត្ត បានបញ្ជាក់ថា នៅម៉ោង ៣រសៀលថ្ងៃទី១៩ ខែកុម្ភៈ ថា រឿងនេះ លោក ទេស ហ៊ាញ ជាអ្នកទទួលខុសត្រូវទាំងអស់ចំពោះការខូចខាតទ្រព្យសម្បត្តិ និងថ្លៃព្យាបាលអ្នកជំងឺ។ ចំណែកជនរងគ្រោះ បានប្រាប់ថា សម្ភារៈលក់ដូរ ដូចជាសាំងនិងចាប់ហួយ គិតជាប្រាក់ចំនួន ១៥០០ដុល្លារ ចំណែករបួសមិនទាន់ អាចវាយតម្លៃបានទេ។
សូមបញ្ជាក់ថា កាលពីខែមករា ឆ្នាំ២០១៤ ក្រុមចោរប្លន់ បានជិះម៉ូតូរត់គេច បានប្រហែល ១០០ម៉ែត្រ ក៏ជ្រុលបុកតូបលក់សាំង ចំណុចខាងលើនេះ ដួលច្រង៉ាប់ច្រងិល ហើយត្រូវប្រជាពលរដ្ឋដេញចាប់ ប្រគល់អោយសមត្ថកិច្ចនគរបាល។ តែវេលាម៉ោង ២២និង៣០ នាទីយប់ថ្ងៃទី១៨ ខែកុម្ភៈ ឆ្នាំ២០១៤ រថយន្តបានបើកបុក តូបលក់សាំងនេះម្តងទៀត បណ្តាលអោយឆាបឆេះ មានការភ្ញាក់ផ្អើល ហើយប្រជាពលររដ្ឋ បានជួយពន្លត់ទាន់ មិនអោយឆេះដល់ផ្ទះអ្នកដទៃ៕
ប្រភពពី វត្តភ្នំ
សាក្សីបានអោយដឹងថា រថយន្តបង្កម៉ាក អ៊ីស៊ុយហ្ស៊ុយ ពណ៌សម្បកឪឡឹក ពាក់ស្លាកលេខ រដ្ឋសភា 2-035 ជាកម្មសិទ្ធរបស់លោក ទេស ហ៊ាញ អតីតសមាជិករដ្ឋសភា បើកបរដោយឈ្មោះ ម៉ាប់ អាយុជាង ២០ឆ្នាំ ត្រូវជាកូនប្រុសលោក ទេស ហ៊ាញ មានទីលំនៅ ក្នុងភូមិ-សង្កាត់ ទួលតាឯក ក្រុងបាត់ដំបង។ ចំណែកស្ត្រីរងគ្រោះ ដែលត្រូវភ្លើងឆេះ មានឈ្មោះ តាំ អេង ហៅវ៉ិត អាយុ ៥២ឆ្នាំ មុខរបរលក់ចាប់ហួយ និងសាំង រងរបួសពេញដងខ្លួន ដៃ ក ដើមទ្រូងនិងសក់មានទីលំនៅ ក្នុងភូមិកើតហេតុ ហើយសាំងជាច្រើនដប ត្រូវឆេះបំផ្លាញអស់ គិតជាទឹកប្រាក់ជាង ១៥០០ ដុល្លារ។
សាក្សីបានឲ្យដឹងថា មុនពេលកើតហេតុ កូនប្រុសលោក ទេស ហ៊ាញ បានបើករថយន្តចេញ ពីកន្លែងផឹកស៊ី ហើយមានភាពស្រវឹងជោក ជ្រុលទៅបុកតូបលក់ចាប់ហួយ និងលក់សាំង កន្លែងដែលសង់ នៅកាច់ជ្រុងជាប់ចិញ្ចើមថ្នល់ ពេញមួយទំហឹង កើតចេញជាអណ្តាតភ្លើង ឆាបឆេះតូបខ្ទេចអស់គ្មានសល់ និងឆាបឆេះស្ត្រីម្នាក់ ដែលជាម្ចាស់តូប បណ្តាលឲ្យរបួសធ្ងន់ ត្រូវបានអ្នកជិតខាង ដឹកយកទៅមន្ទីរពេទ្យឯកជន សុវណ្ណ ជាបន្ទាន់ ហើយក្រោយពេលបង្កហេតុ អ្នកបើករថយន្ត បានព្យាយាមបើករត់ចូល ទៅក្នុងផ្ទះរបស់ខ្លួន។
សមត្ថកិច្ចក្រុមបង្ការបង្ក្រាប នៃស្នងការដ្ឋាននគរបាលខេត្ត បានបើករថយន្តដេញតាម រហូតទៅដល់ផ្ទះ ស្រាប់តែលោក ទេស ហ៊ាញ ចេញមុខមកអន្តរាគមន៍ មិនឲ្យសមត្ថកិច្ច នាំយករថយន្ត និងកូនប្រុស របស់លោក ទៅការិយាល័យចរាចរណ៍ផ្លូវគោកឡើយ ដោយលោកនិយាយថា រង់ចាំដោះស្រាយនៅថ្ងៃស្អែក។ នគរបាលចរាចរណ៍ខេត្ត បានបញ្ជាក់ថា នៅម៉ោង ៣រសៀលថ្ងៃទី១៩ ខែកុម្ភៈ ថា រឿងនេះ លោក ទេស ហ៊ាញ ជាអ្នកទទួលខុសត្រូវទាំងអស់ចំពោះការខូចខាតទ្រព្យសម្បត្តិ និងថ្លៃព្យាបាលអ្នកជំងឺ។ ចំណែកជនរងគ្រោះ បានប្រាប់ថា សម្ភារៈលក់ដូរ ដូចជាសាំងនិងចាប់ហួយ គិតជាប្រាក់ចំនួន ១៥០០ដុល្លារ ចំណែករបួសមិនទាន់ អាចវាយតម្លៃបានទេ។
សូមបញ្ជាក់ថា កាលពីខែមករា ឆ្នាំ២០១៤ ក្រុមចោរប្លន់ បានជិះម៉ូតូរត់គេច បានប្រហែល ១០០ម៉ែត្រ ក៏ជ្រុលបុកតូបលក់សាំង ចំណុចខាងលើនេះ ដួលច្រង៉ាប់ច្រងិល ហើយត្រូវប្រជាពលរដ្ឋដេញចាប់ ប្រគល់អោយសមត្ថកិច្ចនគរបាល។ តែវេលាម៉ោង ២២និង៣០ នាទីយប់ថ្ងៃទី១៨ ខែកុម្ភៈ ឆ្នាំ២០១៤ រថយន្តបានបើកបុក តូបលក់សាំងនេះម្តងទៀត បណ្តាលអោយឆាបឆេះ មានការភ្ញាក់ផ្អើល ហើយប្រជាពលររដ្ឋ បានជួយពន្លត់ទាន់ មិនអោយឆេះដល់ផ្ទះអ្នកដទៃ៕
ប្រភពពី វត្តភ្នំ
