ព័ត៌មានចចាមអារ៉ាម អំពីនាឡិកាឆ្លាតវៃ របស់ក្រុមហ៊ុន Apple នៅតែជា ព័ត៌មានក្ដៅដដែល ហើយថ្មីៗនេះ លេចឮថា Apple កំពុងតែបំពាក់នូវ បច្ចេកវិទ្យាខ្ពស់ទៅលើ នាឡិកាឆ្លាតវៃ ដើម្បីផ្ដល់សញ្ញា ពីជំងឺគាំងបេះ។
យោងតាមការ ចុះផ្សាយរបស់ Business Insider បានឲ្យដឹងថា ក្នុងមួយឆ្នាំៗ មានអ្នកស្លាប់ដោយសារ ជំងឺគាំងបេះដូងប្រមាណ ៦០០.០០០នាក់ ដូច្នេះហើយទើប Apple សម្រេចបង្កើតនូវ បច្ចេកវិទ្យាថ្មីមួយ ដែលអាចផ្ដល់សញ្ញាស្ដី អំពីជំងឺគាំងបេះ ទៅលើនាឡិកាឆ្លាតវៃ។
តាមការបញ្ជាក់ បន្ថែមនាឡិកាឆ្លាតវៃនេះ នឹងធ្វើការហៅទៅកាន់លេខ សង្គ្រោះបន្ទាន់(911 សម្រាប់សហរដ្ឋអាមេរិក) ព្រមទាំងហៅរថយន្ត សង្គ្រោះបន្ទាន់ផងដែរ។ គួរបញ្ជាក់ផងដែរថា ព័ត៌មាននេះ ត្រូវបានលេចធ្លាយប៉ុន្មានថ្ងៃមកហើយ ប៉ុន្តែនៅមិនទាន់មាន ប្រភពអះអាងថា វាជាព័ត៌មានពិតនោះទេ៕