ដំណឹងប្រាំពីរ ពត័មានជាតិ ឆក់កាបូបស្ពាយពីស្ត្រីម្នាក់ ហើយត្រូវបានអ្នកស្រុក និងប៉ូលិស ដេញចាប់បាន

ឆក់កាបូបស្ពាយពីស្ត្រីម្នាក់ ហើយត្រូវបានអ្នកស្រុក និងប៉ូលិស ដេញចាប់បាន

10/24/2013 Aohyi Gamer 0 Comments A⁺ a^-

ព្រះសីហនុ: ជនសង្ស័យម្នាក់ បានឆក់កាបូបស្ពាយពីស្ត្រីម្នាក់ ហើយត្រូវបានអ្នកស្រុក និងប៉ូលិស ដេញចាប់ជិតមួយម៉ោង ទើបចាប់បាន និងដកហូតយកកាបូបនោះ មកប្រគល់ឲ្យម្ចាស់វិញ។

ករណីនេះ បានកើតឡើង នៅចំណុចផ្ទះលក់សៀវភៅ តាមដងវិថីឯករាជ្យ ក្នុងក្រុម៧ ភូមិ២ សង្កាត់លេខ២ ក្រុងព្រះសីហនុ កាលពីវេលាម៉ោងជាង៨ព្រឹក ថ្ងៃទី២៤ ខែតុលា ឆ្នាំ២០១៣។

ប៉ូលិសខេត្តព្រះសីហនុ បានឲ្យដឹងថា ម្ចាស់ផ្ទះ មានឈ្មោះ សៅ វណ្ណ អាយុ២៩ឆ្នាំ (ប្រពន្ធជនបរទេស)។ នៅក្នុងកាបូបស្ពាយនោះ មានលុយ ដុល្លារចំនួន ៨០ដុល្លារ កាតអេធីអឹម ធនាគារចំនួនពីរសន្លឹក និងទូរស័ព្ទដៃ ម៉ាកសាំងសុងមួយគ្រឿង។

ប៉ូលិស បានអះអាងថា ជនសង្ស័យ ដែលទើបចេញពីពន្ធនាគារខេត្ត មិនទាន់បាន៤ខែ ស្រួលបួលផងនោះ ឈ្មោះវី ជីវ័ន្ត អាយុ១៩ឆ្នាំ ពុំមានទីលំនៅពិតប្រាកដ។

ប្រភពដដែល បានបន្តថា ជនសង្សយ័រូបនេះ បានជាប់ពន្ធនាគារ អស់រយៈពេលជិត២ឆ្នាំ កន្លងមក ដោយជាប់ចោទ ពីបទ លួចទ្រព្យសម្បត្តិ។ ឥឡូវនេះ ជនសង្ស័យរូបនេះ បានប្រព្រឹត្ត អំពើលួចឆក់ដដែល។

ជនសង្ស័យ ត្រូវបានប៉ូលិសបង្កសំណុំរឿង បញ្ជូនទៅសាលាដំបូងខេត្ត ដើម្បីចាត់ការបន្ត៕

ប្រភពពី CEN

Aohyi Gamer